YEREMIA 7:6 - Jinghpaw Common Language Bible 2009

⁶ Malet nhprang manam, jahkrai nmai hte gaida gaina ni hpe zai hku adip arip hkum galaw et; Ndai lamu ga hta nga ai mara n kap ai masha ni hpe sat ai lam hkum galaw et. Kaga karai ni hpe nawku ai majaw nang jahten shaza kau ai n hkrum u ga, dai hpe tawn kau u.

YEREMIA 7:6 ပူးပေါင်းရင်းမြစ်များ

2 HKAWHKAM 21:6

Shi gaw shi a kasha hpe wan nat hkungga jaw jau nna shaba wawt ai hte mandan lakle amu galaw nhtawm gumhpan hpan ai ni hte nat num ni hpe ga san san let bawng yu nga ai. Shi gaw dai Madu hpe shut hpyit mara kaba galaw nna masin pawt shangun nga ai.

SHAKAWN KUNGDAWN 106:38

Shanhte gaw mara n kap ai kashu kasha ni hpe sat nawng ma ai; mungdan gaw masha sat amu galaw ai ni a majaw awu asin rai mat sai.

GA SHAGAWP 23:10

Moi moi na madu da lu sai masat shadaw hpe galoi mung hkum sit kau et; jahkrai ma ni madu da lu sai lamu ga hpe, hkum la kau ya et.

ESAIA 59:7

Nang gaw tut nawng n hkru ai amu yaw shada nga ndai, dai amu galaw lu na matu nang dasang ala nga ndai. Nang gaw mara n kap ai amyu masha ni hpe sat na matu galoi mung myit kanung nga ndai n rai. Nang du ai shara shagu hkan hten run ai hte hten za ai amu hpe nang tawn da nga ndai.

YEREMIA 13:10

Ndai n hkru ai masha ni gaw nye a ga hpe hkan sa madat mara na matu n hkap la ma ai. Shanhte gaw shawng de na zawn du ja ai hte n hkru nga ma ai rai nna kaga hpara ni hpe nawku ai hte daw jau ma ai. Shanhte gaw loi mi pyi n kaja mat sai hte tsam mat sai ndai shingkyit ni zawn tai mat na mara ai.

YEREMIA 19:4

Ngai gaw ndai amu hpe galaw na nngai, hpa majaw nga yang, amyu masha ni gaw ngai hpe kau da manu ai; shanhte mung, shanhte a kaji kawa ni mung, Yuda hkawhkam ni mung n chye ai kaga karai ni hpe ndai shara ni hta shagu hkungga ni nawng jau ai hte matsat shabat di kau manu ai. Shanhte gaw ndai shara hta mara n kap ai amyu masha ni a asai ni hte jahpring manu ai,

YEREMIA 2:30

Ngai nang hpe ari jaw nngai, rai ti mung dai gaw mai kaja lam hpa mung n galaw ya nga ai; nang gaw ngai hpe shading sharai shangun nga ai n rai. N-yun bu ai hkanghkyi langai zawn na a myihtoi ni hpe nang sat kau nit dai.

YEREMIA 2:34

Na a hpun palawng ni gaw lagu lagut ni a asai hte n rai, matsan mayan masha ni hte mara n kap ai ni a asai hte numsha nga ai. “Rai ti mung, ndai zawn re ai amu yawng byin nga ti mung,

YEREMIA 26:15

Rai ti mung, ndai amu hpe atsawm chye da mu; nanhte ngai hpe sat ai rai yang, nanhte hte ndai mare masha ni mara lu na marin dai; hpa majaw nga yang, ndai lam shadum jahprang na matu, dai Madu gaw ngai hpe shangun dat nga ai,” ngu nna tsun ni ai.

YEREMIA 26:23

Shanhte gaw shi hpe sa woi la nhtawm Hkawhkam Yehoiakim hpang de woi wa ma ai. Hkawhkam wa gaw shi hpe sat kau nna, shi a moi mang hpe shawa lup wa hta sa kabai kau ma ai.)

YEREMIA 35:15

Ngai gaw nanhte hpang de nye a shangun ma ni rai nga ai myihtoi ni yawng hpe matut shangun dat ni ai; shanhte gaw nanhte hpe nanhte a n hkru ai amu ni koi kau na matu hte, ding hpring ai amu galaw na matu tsun shadum manu ai. Shanhte gaw kaga hpara sumla ni hpe nawku daw jau ai lam n galaw na matu nanhte hpe tsun shadum manu ai, shing rai jang, ngai gaw nanhte hte nanhte a nji nwa ni hpe jaw da ai mungdan hta nanhte matut shanu nga lu na myit dai. Rai ti mung, nanhte gaw nye a ga hpe n madat myit dai hte hpa zawn n nawn ya nga myit dai.

YEREMIA 5:28

Shanhte gaw hpa majaw hpum sau ai hte lu pyaw sha pyaw nga ma ta? Shanhte a n hkru ai amu galaw ai lam ni hta shadaw shadang n nga nga ai. Shanhte gaw jahkrai ma ni hpe shanhte a ahkaw ahkang n jaw ma ai, dip gamyet sha hkrum ai ni hpe teng man rap ra ai tara n madun ma ai.

YEREMIA 7:5

“Na a asak hkrun lam hpe galai kau nna nang galaw nga ai amu ni hpe tawn kau u. Langai hte langai a lapran e na a shinggyim nau na myit rawng ai hta rap ra teng man nga u.

YEREMIA 7:9

Nang gaw arai lagu ai, masha sat ai, numshaw lashaw amu shut hpyit ai, masu ga tsun nna dagam ai, Bala hpara hpe shagu hkungga nawng jau ai, shawng de nang garai n chye yu ai karai ni hpe nawku nga ndai.

SHARUNG SHAYAWT 4:13

Rai ti mung, dai gaw mara n kap ai amyu masha ni a si hkrung si htan lam shabyin ai myihtoi ni a shut hpyit ai yubak ni hte hkinjawng ni a shut hpyit ai mara ni a majaw byin wa sai.

EZEKELA 18:6

Shi gaw Israela a hpara sumla ni hpe n nawku, hkum da ai hkungri ni hta nawng jau ai shagu hkungga shan n sha rai nga ai. Shi gaw kaga masha jan hpe n shut ai hte hking sa ai aten hta dai numsha hte n kanawn nga ai.

EZEKELA 22:7

Dai mare hta shanu nga ai ni kadai mung tinang a kanu kawa ni hpe shagrau hkungga nga ma ai n rai. Nang gaw tsasam masha ni hpe mawp sha nna gaida gaina ni hte jahkrai nmai ni hpe zai hku nna dip sha nga ndai.

JAW JAU 19:33

“Nanhte a mung hta shanu nga ai maigan masha ni hpe zingri zingrat di lu na myit dai n rai; shanhte hpe Israela manaw manang ni zawn sawn nna nanhte a hkum hte maren tsaw ra nga mu. Nanhte mung Egutu mung hta tsasam masha tai yu manit dai hpe dum nga mu. Ngai gaw dai Madu nanhte a Karai Kasang rai nga nngai.

JAW JAU 25:17

Nanhte Israela amyu masha manang shada da hkum maw sha hkat myit. Dai Madu nanhte a Karai Kasang a ga hpe hkrit hkungga ai hte madat mara nga mu.

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

MAHTE 27:25

Dai rai nna dai shawa masha yawng gaw, “Dai wa si ai majaw, anhte hte anhte a kashu kasha ni a ntsa e lit mara nga mali ga law!,” nga nna htan ma ai.

MAHTE 27:4

“Ngai gaw mara n lu ai masha langai mi hpe si na matu ap kau we ai majaw, yubak kap ni ai,” ngu mu ai. Shanhte gaw, “Dai anhte hte hpa seng nga a ta? Dai na a amu she rai lit dai!,” ngu mu ai.

TARA JAHPRANG 11:28

rai ti mung nanhte gaw dai hkang da ai ga ni hpe n madat n mara ai sha, lam yit mat nna shawng de nanhte galoi mung n naw n ku yu ai karai shaje ni hpe nawku myit yang chyawm gaw dagam dala ai lam rai na ra ai.

TARA JAHPRANG 24:17

“Maigan masha ni hte jahkrai nmai ma ni a ahkaw ahkang ni hpe hkum pat shingdang da ya lu na n rai; gaida jan a hpun palawng hpe hkoi jaw gumhpraw a matu pahkam arai shatai kau ya lu na n rai.

TARA JAHPRANG 27:19

“ ‘Maigan masha ni, jahkrai nmai hte gaida gaina ni lu la ang ai shanhte a ahkaw ahkang ni hpe hkum pat shadang da ya ai wa kadai mung Karai Kasang jaw ai ari hkrum sha u ga law.’ “Shaloi Amyu masha ni yawng gaw, ‘Amen!,’ ngu nna htan na mara ai.

TARA JAHPRANG 8:19

Dai Madu nanhte a Karai Kasang hpe galoi mung hkum malap kau myit; kaga karai ni hpe nawku daw jau na dai de galoi mung hkum kayin mat myit. Nanhte rai nna hkan nang myit yang chyawm gaw teng teng shamyit kau ai hkrum na rai myit dai ngu nna, dai ni ngai nanhte hpe sadi jaw nga nngai.

YAKU 1:27

Kawa Karai Kasang a man e san seng ai hte jet ai nawku htung ngu ai gaw, ruyak kyindut hkrum nga ai jahkrai nmai ni hte gaida ni hpe lanu lahku gawn lajang nna tinang hkum hpe mung, mungkan ga a awu asin re ai hpe mung, koi kau ai lam rai nga ai.