YEREMIA 7:34 - Jinghpaw Common Language Bible 2009

³⁴ Mungdan gaw katsi katsang shara tai mat wa na ra ai; Yuda mare ni hte Yerusalem mare lam ni hta kabu gara ai nsen hte hkungran lusha poi galaw ai ni a nsen ni hpe ngai jasim kau na we ai.

Jinghpaw Hanson Version Bible

³⁴ Dai shaloi e ngai gaw, Yuda mare ni hte Yerusalem mare lam ni hta na, kabu gara ai nsen, mani pyaw ai nsen, la ningnan a nsen, num ningnan a nsen, jasim kau na nngai; kaning rai nme law, mung ting katsi katsang tai mat na ra ai,” nga ai.

YEREMIA 7:34 ပူးပေါင်းရင်းမြစ်များ

YOBA 3:7

dai hpe katsi katsang shatai kau nna kabu gara lam n nga ai shana shatai kau u ga.

SHAKAWN KUNGDAWN 78:63

Shabrang ni majan hta sat kau ai hkrum nga ma ai; mahkawn ni mung shanhte hpe hkungran la na masha langai mi mung n nga nga ai.

ESAIA 1:7

Na a mungdan gaw katsi katsang shara rai mat sai, na a mare ni ga du hkra hkru mat sai. Nang yu nga yang, maigan masha ni na a mung hpe madu la kau nna arung arai hkum sumhpa hpe agrawp jahten kau ya nga sai.

ESAIA 3:26

Mare chyinghka ni gaw sharung shayawt ai hte hkrap na mara ai, mare dai nan gaw singgu krin raw sharun kau nna ga ntsa e dung nga ai numsha langai zawn tai mat na ra ai.

ESAIA 6:11

Ngai gaw, “Madu e, dai zawn re ai gaw kade daram na wa na rai ta?,” ngu nna san nngai. Shi gaw, “Mare ni hten run mat nna, kaman byin mat ai aten du hkra, dum nta ni katsi katsang tai mat nna lamu ga shi nan akrin akraw rai nna lamu ga hpe lahpawt lama di shakram da ai aten du hkra rai na rai nga ai,” ngu nna htan wu ai.

YEREMIA 16:9

Chyahtum Chyalai N-gun Rawng ai dai Madu Israela a Karai Kasang ngai hpa tsun nga nngai hpe madat u. Ngai gaw kabu gara ai nsen, mani pyaw ai nsen hte hkungran poi lusha a kabu pyaw ai nsen ni hpe jasim kau na we ai. Dai shara na masha ni gaw ndai byin wa na lam hpe mu na mara ai.

YEREMIA 22:6

“Nye a matu Yuda hkawhkam htingnu gaw Gilead mung hte Lebanon bum ni zawn tsawm htap nga ti mung, ngai gaw dai hpe kadai mung n shanu ai katsi katsang shara shatai kau na nngai.

YEREMIA 25:10

Ngai gaw shanhte a kabu gara jahtau ai nsen, mani pyaw ai nsen, kabu gara ai hkungran poi lusha sha ai nsen ni hpe jasim kau na we ai. Shanhte a pyengdin ni a matu wan sau lu na mara ai n rai, dai sha n-ga, lusha hpa mung nga na ra ai n rai.

YEREMIA 27:17

Shanhte a ga hkum madat myit! Babelon hkawhkam wa a ga hpe hkan sa madat mara nga mu, shing rai yang, nanhte hkrung nga na marin dai! Ndai mare gaw hpa majaw hpya sumpum da ai shara tai ang a ni?

YEREMIA 33:10

Dai Madu gaw, “Ndai shara gaw zaibru jang zawn rai mat nna, dai shara ni hta shanu nga na mare masha ni hte yam nga ni hpa mung n nga ai sha, shingran katsi ai shara tai mat nga sai nga nna amyu masha ni tsun nga ma ai. Dai byin ai lam gaw teng nga ai; Yuda mare ni hte Yerusalem mare lam ni gaw shingran sharat katsi nga ai hte mare masha ni mung, yam nga ni mung dai shara ni hkan shanu nga ai n rai. Rai ti mung, ndai shara ni hkan,

YEREMIA 33:11

nang gaw kabu gara garu jahtau nsen, mani pyaw ai nsen hte kabu gara ai hkungran poi lusha sha ai nsen ni hpe kalang mi bai na lu na rin dai. Shanhte gaw nye a Nawku Htingnu de mahku hkungga ni la sa let mahkawn shakawn ai nsen hpe nang na lu na rin dai; shanhte gaw, ‘Shi gaw mai kaja nga ai hte shi a tsaw ra myit htani htana prat dingsa agrin nga ai majaw, Chyahtum Chyalai N-gun Rawng ai dai Madu hpe chyeju dum mu,’ ngu nna tsun na mara ai. Ngai gaw ndai mungdan hpe shawng na hte maren, ngamu ngamai shangun na nngai. Dai Madu ngai nan tsun ni ai,” nga nna tsun wu ai.

YEREMIA 4:26

Ga sau kaja ai mungdan gaw zaibru jang tai mat sai; Dai Madu a pawt sindawng ai a majaw mare ni hten run mat sai.

YEREMIA 4:27

(Dai Madu gaw ginding aga ting katsi katsang shara tai mat na ra ai, rai ti mung shi gaw dai hpe tsep kawp jahten kau na ra ai n rai, nga nna tsun nu ai.)

YEREMIA 44:6

Dai rai nna, ngai gaw nye a pawt sindawng ai hte masin kahtet ai hpe Yuda mare ni a ntsa e mung, Yerusalem mare lam ni a ntsa hkan e mung ru jaw da ni ai, ngai gaw dai ni hpe wan jahkru kau ni ai. Dai shara ni gaw dai ni rai nga ai hte maren, shingran sharat katsi mat ai hte yu hkrit shara tai mat nga ai.

SHARUNG SHAYAWT 5:14

Asak kaba salang ni gaw mare chyinghka hta galoi mung n sa dung masai; shabrang ni mung sumpyi loi mi sha pyi n dum ma ai.

EZEKELA 26:13

Ngai gaw na a mahkawn mangoi nsen hpe jahtum kau nna na a tingse mahku ni hpe shazim kau na we ai.

EZEKELA 7:11

Kashun kashe du daw sai hkaw amu gaw grau nna n shawp ai amu hpe shadan shapraw ya nga ai. Shanhte a ngamu ngamai ai sut gan, hkik hkam ai arawng sadang hte shanhte a hpung ningja dan hkung ai hpa mung shanhte hta nga na ra ai n rai.

HOSEA 2:11

Ngai gaw shi a lusha poi yawng ngu na shaning shagu hte shata shagu galaw ai lusha poi ni, Bansa Nhtoi e galaw ai poi ni hte makam masham nawku hpawng ni yawng hpe jahtum kau ya na we ai.

HOSEA 2:13

Ngai gaw shi ngai hpe malap kau nna Bala hpara hpe manam pyaw ai baw nat nawng nna shi hkum hpe ja lung seng ni hte mawn sumli nna shi a sumtsaw ni hpang hkan mat wa ai aten ni a matu ari jaw na nngai.

JAW JAU 26:33

Ngai gaw nanhte a ntsa e hpyen majan byin shangun nna maigan mung ni de shabra kau na made ai. Nanhte a mungdan gaw katsi katsang tai mat nna mare ni mung hten run taw mat na ra ai.

MIHKA 7:13

Rai ti mung dai mungkan ga hta nga ai ni a n hkru ai amu ni a majaw, mungkan ga gaw katsi katsang shara tai mat na ra ai.

SHINGRAN 18:23

Pyengdin a nhtoi mung, nang hta htawm hpang galoi mung na lu na n rai. La nnan ni hte num nnan ni a nsen ni mung, nang hta htawm hpang galoi mung mu lu na n rai. Hpa majaw nga yang, na a hpaga la ni gaw, ga ntsa ting hta daru magam atsam rawng dik ai ni rai wa masai; nang gaw ga ntsa na masha ni yawng hpe na a shut ai mandan lakle hte masu hkalem sha kau nit hka!”