YEREMIA 7:16 - Jinghpaw Common Language Bible 2009

¹⁶ Dai Madu gaw, “Yeremia e, ndai amyu masha ni a matu akyu hkum hpyi ya nga et; shanhte a matu hkum jahtau, hkum hpyi nem nga et; ngai hpe hkum lajin et, ngai gaw na a ga hpe madat ya na nngai n rai.

Jinghpaw Hanson Version Bible

¹⁶ “Nang mung, ndai amyu masha ni a matu akyu hkum hpyi et; shanhte a matu mara hkum hpyi jahtau et; shanhte a matu ngai hpe hkum tawngban et; ngai na a ga madat na n rai.

YEREMIA 7:16 ပူးပေါင်းရင်းမြစ်များ

2 SAMUELA 8:18

Yehoiada a kasha Benaia gaw Dawi a hkum hpe makawp maga ai hpareng wa rai nga ai; Dawi a shadang sha ni mung hkinjawng ni rai ma ai.

PRU MAT 32:10

Ya chyawm gaw, ngai hpe hkan jahkring na hkum shakut sa. Ngai shanhte hpe masin yu pawt nga nngai majaw shanhte hpe shamyit kau na mawe ai. Dai hpang nang hte na a amyu matu ni hpe ngai amyu kaba shatai na we ai,” ngu nna tsun wu ai.

ESAIA 1:15

Nanhte gaw lata sharawt nna akyu hpyi myit yang, ngai nanhte hpe yu na nngai n rai. Nanhte kade wa mi akyu hpyi myit dai rai tim, ngai madat ya na made ai n rai, hpa majaw nga yang, nanhte a lata sai kap nga myit dai.

YEREMIA 11:14

Yeremia e, ndai amyu masha ni a malai, ngai kaw akyu hkum hpyi et; ngai kaw hkum hpyi lajin nga et. Shanhte ru yak hkrum ai shaloi karum la na matu ngai hpe shaga ti mung, shanhte a ga hpe ngai n madat ya na nngai,” ngu nna tsun wu ai.

YEREMIA 15:1

Dai hpang dai Madu gaw ngai hpe, “Mawshe hte Samuela yan gaw ndai shara hta tsap nga nna, ngai hpe hpyi lajin nga ma yang pyi ngai gaw ndai amyu masha ni a ntsa e matsan dum ai myit hpa mung madun dan na n rai. Shanhte hpe shaden kau mu; shanhte hpe nye a man kaw nna shapraw kau dat mu.

YEREMIA 15:6

Nanhte amyu masha ni gaw ngai hpe kau da manit dai; nanhte ngai hpe shingdu kayin kau manit dai. Dai rai nna nye a masin kahtet ai hpe shakawp na hki ba mat ni ai majaw, ngai gaw lata ladawn ai hte nanhte hpe agrawp mani kau nngai.

YEREMIA 18:20

Mai kaja ai lam hpe n hkru n kaja ai hte htang mai nga a ni? Shanhte mahtang ngai di hkrat bang na nye a matu nhkun htu manu ai. Shanhte hpe nang sindawng kahtet mat hkra, shanhte a malai ngai nang kaw kaning rai du sa ai hte tsun shaga ai ga ni hpe adum nga u.

YEREMIA 4:28

Ginding aga gaw sharung shayawt nna; sumsing lamu gaw sin mak mat na ra ai. Dai Madu gaw shi tsun nu ai ga hpe shi a myit hta jashai kau na ra ai n rai. Shi gaw shi a daw dan ai amu hpe galaw nu ai, bai dawm la kau na ra ai n rai.

YEREMIA 7:17

Yuda mare ni hte Yerusalem mare lam ni hta shanhte hpa galaw nga ma ai hpe nang n mu n ni?

MIHKA 3:4

Nanhte dai Madu hpe hpyi jahtau na aten gaw du wa nga sai, rai ti mung shi nanhte hpe htan ya na ra ai n rai. Shi gaw nanhte a akyu hpyi ga ni hpe madat ya na n rai, hpa majaw nga yang nanhte mahtang n hkru ai amu galaw kau manit dai.

TARA JAHPRANG 9:14

Shanhte hpe galoi mung n dum mat hkra ngai shanhte hpe shamyit kau na myit shatawng nga nngai majaw ngai hpe hkap jahkring na hkum shakut et. Dai rai nna shanhte hta grau n-gun ja nna grau law htam ai amyu ngai nang hpe shatai na we ai,’ ngu nna tsun wu ai.

1 YAWHAN 5:16

Na a kahpu kanau wa langai ngai n si ging ai yubak langai ngai galaw nga ai hpe nang mu hkrup n yang gaw, nang gaw shi a matu mara Karai Kasang kaw akyu hpyi ya mai nga ai. Karai Kasang gaw shi hpe htani htana asak jaw na wu ai. Dai gaw si ging ai yubak mara n galaw ai ni a matu chyu sha hpyi ya na hku rai nga ai. Rai ti mung si ging ai yubak mara ngu ai nga ai rai nna, de a matu Karai Kasang kaw nang hpyi nem mai ai lam ngai n tsun nngai.