YEREMIA 7:12 - Jinghpaw Common Language Bible 2009

¹² Nawku na matu ngai lata san da ai shawng na shara ngu ai Shilo de sa wa mu; dai shara hta nye a amyu masha Israela ni a shut hpyit ai yubak ni a majaw ngai kaning di kau ai hpe mada yu mu.

Jinghpaw Hanson Version Bible

¹² “Shawng ningnan e nye a amying shanu ai, Shilo shara de sa nna, nye a amyu Israela shut hpyit ai a majaw, dai nye a shara hpe ngai kaning di kau ai gaw, mada yu mu.

YEREMIA 7:12 ပူးပေါင်းရင်းမြစ်များ

1 HKAWHKAM 9:7

shanhte hpe ngai jaw da ai mungdan kaw nna nye a amyu masha ni hpe yeng kau nna, ngai hpe nawku na shara ngu nna ngai majai da sai ndai Nawku Htingnu hpe mung ngai kau da na nngai. Shara shagu hkan nga nga ai masha amyu baw ni mung Israela hpe asawng asang rai nna n gawn n sawn di kau na mara ai.

YEREMIA 26:6

Nang gaw matut nna n madat n mara ai rai yang, Shilo hpe ngai galaw kau ai zawn ndai Nawku Htingnu hpe mung ngai di kau na we ai. Ndai mungkan ga na masha amyu baw ni yawng hte gaw ndai mare a amying hpe dagam dala shara zawn lang na mara ai,” ngu nna tsun wu ai.

YEREMIA 7:14

Dai rai nna, ngai gaw Shilo shara hpe di kau we ai zawn nang kam hpa nga ai ndai nye a Nawku Htingnu hpe mung di kau na we ai. Na a nji nwa ni hte nang hpe jaw ai ndai shara hpe mung Shilo shara e ngai di kau ai zawn di na we ai.

TARA JAHPRANG 12:11

Dai Madu gaw shi hpe nawku na shara langai hpe sha lata san da na rai wu ai; shing rai dai yang e, ngai hkang da mada hte maren wan nat na matu shagu hkungga ni hte kaga hkungga ni, dai Madu a matu nanhte ga sadi jaw ai laksan kumhpa ni hpe la sa lu na rai myit dai.

TARA JAHPRANG 12:5

Dai Madu gaw nanhte amyu bawsang ni yawng a lamu ga hta na shara langai mi hpe lata la na rai wu ai. Amyu masha ni mung shi a man e sa du nhtawm shi hpe nawku na mara ai.

YAWSHU 18:1

Shanhte gaw mungdan hpe gasat dang la ngut ai hpang, Israela shawa hpung ting Shilo mare e zup hpawng nna, dai Madu a hpung shingkang shanu nga ai Sum hpe sharawt ma ai.

YAWSHU 18:10

Yawshu gaw shanhte a matu dai Madu hte bawng ban let hpaida da nna ngam nga ai Israela amyu bawsang ni hpe amyu langai hte langai a matu lamu ga masat ya wu ai.

TARA AGYI 18:31

Karai Kasang hpe nawku ai Sum gaw Shilo e naw nga nga dingsa Mihka galaw ai hpara sumla mung dai yang e naw nga nga ai.

1 SAMUELA 1:3

Elakana gaw Chyahtum Chyalai N-gun rawng ai dai Madu hpe nawku let shagu hkungga nawng ya na nga, Rama mare kaw nna dai Madu a hkinjawng ni rai nga ai Eli a shadang sha lahkawng ngu na Hopni hte Hpineha nga ai Shilo mare de shaning shagu sa sa rai wu ai.

1 SAMUELA 4:22

Shi gaw, “Karai Kasang a Ga Shaka Sumpu rim la kau hkrum sai majaw Karai Kasang a hpung shingkang Israela kaw na pru mat sai,” ngu nna tsun wu ai.