YEREMIA 7:11 - Jinghpaw Common Language Bible 2009

¹¹ Nye a Nawku Htingnu gaw hpya lu hpya sha ai damya ni a matu makoi shara rai nga ai ngu, nang myit nawn da wu ni? Nang hpa galaw nga ai hpe ngai mu se ai.

Jinghpaw Hanson Version Bible

¹¹ Ndai nye a mying mying ai nta hpe, nanhte damya lungpu zawn nawn myit ni? Yu u, ndai amu hpe ngai hkum nan mu se ai,” nga nna Yehowa tsun ai.

YEREMIA 7:11 ပူးပေါင်းရင်းမြစ်များ

2 HKAWHKAM LABAU 6:33

shanhte a akyu hpyi ga hpe madat ya u. Nang nga ai sumsing lamu hta shanhte a nsen hpe na ya nhtawm shanhte nang hpe galaw shangun ai amu hpe galaw ya u; shaloi mungkan masha ni yawng gaw na a amyu masha Israela ni galaw ai zawn nang hpe chye wa nna na a ga hpe madat mara na mara ai. Nang nawku daw jau hkam na matu ngai galaw da se ai ndai Nawku Htingnu hpe shanhte chye lu na mara ai.

ESAIA 1:12

Nanhte ngai hpe nawku na matu sa du myit dai shaloi, ndai yawng ngai kaw la sa na matu nanhte kaw kadai hpyi a ta? Nye a Nawku Htingnu hta kabye shinggrup hkawm let ndai yawng galaw na matu nanhte hpe kadai san a ta?

ESAIA 56:7

“Ngai gaw nang hpe nye a chyoi pra ai kawng ngu ai Ziun de woi sa nna, nye a akyu hpyi nta hta nang hpe kabu gara lam jaw na nngai, nye a tawn hkungri ntsa nang nawng jau ya ai shagu hkungga ni hpe hkap la na nngai. Nye a Nawku Htingnu gaw masha amyu baw ni yawng a amyu masha ni a matu akyu hpyi ai nta langai ngu shamying hkrum na ra ai.”

YEREMIA 2:34

Na a hpun palawng ni gaw lagu lagut ni a asai hte n rai, matsan mayan masha ni hte mara n kap ai ni a asai hte numsha nga ai. “Rai ti mung, ndai zawn re ai amu yawng byin nga ti mung,

YEREMIA 23:24

Kadai mung ngai n mu lu ai shara hta n makoi lu nga ai. Ngai gaw sumsing lamu hte ginding aga ntsa shara shagu hta nga nga nngai hpe nang n chye n ni?

YEREMIA 29:23

Shanhte gaw hkrit hpa yubak ni rai nga ai numshaw ai amu hte dai Madu a amying gang let masu hkalem ga ni tsun ai mara ni a majaw, dai gaw shan a matu hpang jahtum na lam tai na mara ai. Dai amu gaw dai Madu a ra sharawng ai lam hte ninghtan shai nga ai; shan galaw sai amu hpe shi chye nga ai, shan hte ninghtan shai ai hta shi gaw sakse langai mi rai nga ai. Dai Madu nan dai ga tsun nu ai,” ngu nna tsun ai.

YEREMIA 7:10

Ngai n dawng ai ndai amu ni hpe nang galaw nhtawm ngai shanu ai nye a Nawku Htingnu kata hta nang sa shang tsap let, ‘Anhte shim lum ga ai!,’ nga nna tsun myit dai.

EZEKELA 35:13

Ngai gaw zai ai hte shakawng shakat ai hku ngai hpe ninghkap tsun ai na a ga hpe na ni ai.”

Daniela 9:18

O karai Kasang e, anhte a ga madat ya mi; anhte hpe mada yu nna anhte hkrum sha ai tsin-yam tsindam hpe mung, na a mying gang ai mare a nni nkri hpe mung mu ya e. Anhte gaw jaw ai amu galaw ga ai majaw n rai, nang nan matsan dum ai wa rai nga ndai majaw sha nang kaw anhte akyu hpyi nga ga ai.

MAHTE 21:13

“Nye a nta hpe akyu hpyi ai nta ngu na mu ai, nga nna Karai Kasang tsun ai hpe Chyum Laika ni hta ka da nga ai. Rai ti mung nanhte gaw, dai hpe damya lungpu shatai nga myit dai,” ngu nna shanhte hpe tsun mu ai.

MARKU 11:17

Dai hpang shi gaw shanhte hpe, “Karai Kasang gaw, ‘Nye a nta hpe amyu baw shagu a matu akyu hpyi ai nta, ngu na mu ai,” nga nna tsun ai lam Chyum Laika ni hta ka da nga ai n rai ni? Rai ti mung nanhte gaw, dai hpe damya lungpu shatai kau manu ai,” ngu nna sharin shaga mu ai.

YAWHAN 2:16

Hkrudu dut ai ni hpe mung, “Ndai ni hpe ndai kaw na la pru mat wa mu! Nye Wa a nta e gat dut shara hkum shatai mu,” ngu nna tsun mu ai.

HEBRE 4:13

Karai Kasang n mu n chye hkra makoi magap da lu ai hpa mung n nga ai; yawng mayawng gaw shi a man e dan leng nga ai rai nna anhte galaw ai lam shagu shi hpe jahpan dan lu na rai nga ga ai.