YEREMIA 7:10 - Jinghpaw Common Language Bible 2009

¹⁰ Ngai n dawng ai ndai amu ni hpe nang galaw nhtawm ngai shanu ai nye a Nawku Htingnu kata hta nang sa shang tsap let, ‘Anhte shim lum ga ai!,’ nga nna tsun myit dai.

Jinghpaw Hanson Version Bible

¹⁰ nye amying mying ai ndai nta hta, nanhte nye a man e shang tsap let, ndai matsat shabat amu mahkra hpe galaw nhtawm, Anhte gaw hkye hkrang la ai hkrum saga ai, nga nna tsun lu na myit ni?

YEREMIA 7:10 ပူးပေါင်းရင်းမြစ်များ

1 HKAWHKAM 9:3

Shaloi dai Madu gaw shi hpe, “Na a akyu hpyi ga hpe ngai na se ai. Ngai hpe htani htana nawku na shara hta nang gap nit dai ndai Nawku Htingnu hpe ngai shachyoi shapra se ai. Dai hpe ngai sin yu nhtawm prat dingsa makawp maga na nngai.

2 HKAWHKAM 21:4

Dai Madu mahtang she nawku hkrum ang ai Nawku Htingnu shara hta tara maigan ni a tawn hkungri ni hpe gap da wu ai.

2 HKAWHKAM LABAU 33:4

Shi gaw htani htana nawku daw jau hkam la na nga, dai Madu a matu san da ai Nawku Htingnu kata hta tara maigan tawn hkungri ni hpe gap bang da wu ai.

2 HKAWHKAM LABAU 33:7

Shi gaw Karai Kasang e Dawi hte shi a shadang sha Shawlumon yan hpe ning ngu tsun da sai shara ngu ai Nawku Htingnu kata hta hkrang sumla hpe shadun da wu ai. “Ngai nawku daw jau na matu ndai Yerusalem mare hpe mung, ndai Nawku Htingnu hpe mung Israela amyu bawsang shi lahkawng hte a lamu ga yawng hta na ngai lata la ni ai shara rai nga ai.

GA SHAGAWP 15:8

Dai Madu gaw mai kaja ai masha ni a akyu hpyi ga hta awng sharawng nga ai; tara n lang ai masha ni la sa ai shagu hkungga ni hpe shi n dawng nga ai.

ESAIA 48:2

Ti mung nang gaw chyoi pra ai mare a mare masha ni rai nga ga ai ngu nna mung, Israela a Karai Kasang ngu shamying ai Chyahtum Chyalai N-gun rawng ai dai Madu hta shamyet shanat ga ai ngu nna mung, gumrawng gumra tsun nga ndai.

YEREMIA 32:34

Shanhte gaw ngai hpe nawku na matu gaw gap da ai Nawku Htingnu hta pyi, matsat shabat re ai hpara sumla ni hpe tawn da nna dai hpe awu asin di kau ma ai.

YEREMIA 34:15

Nang gaw nhtoi loi hkring mi lai mat wa ai hpang, na a myit galai mat nhtawm ngai sharawng awng ai amu galaw myit dai. Nanhte yawng hte gaw na a hpu nau Israela ni hpe shalawt dat na matu myit hkrum shagrin da nga myit dai; nang gaw ngai hpe nawku ai shara Nawku Htingnu kata nye a man e ga shaka tawn da nit dai.

YEREMIA 44:9

Yuda mung na mare ni hte Yerusalem mare lam ni hta nanhte a nji nwa ni galaw ai yubak, nanhte hte nanhte a madu jan ni galaw ai yubak ngu ai dai n hkru n shawp ai amu ni yawng hpe nanhte malap kau manu ni?

YEREMIA 7:11

Nye a Nawku Htingnu gaw hpya lu hpya sha ai damya ni a matu makoi shara rai nga ai ngu, nang myit nawn da wu ni? Nang hpa galaw nga ai hpe ngai mu se ai.

YEREMIA 7:14

Dai rai nna, ngai gaw Shilo shara hpe di kau we ai zawn nang kam hpa nga ai ndai nye a Nawku Htingnu hpe mung di kau na we ai. Na a nji nwa ni hte nang hpe jaw ai ndai shara hpe mung Shilo shara e ngai di kau ai zawn di na we ai.

YEREMIA 7:30

“Yuda amyu masha ni gaw n hkru ai amu galaw masai. Shanhte gaw nye a Nawku Htingnu kata hta ngai n dawng ai shanhte a hpara sumla ni hpe tawn da nna, dai hpe matsat shabat di kau manu ai.

EZEKELA 20:39

Dai Tsaw Htum ai Madu gaw, “Israela amyu masha yawng hte e, nanhte pyaw pyaw rai nga mu! Shing rai matut nna nanhte a hpara sumla ni hpe daw jau mu! Rai ti mung nanhte a hpara sumla ni hpe kumhpa ni hte nawng jau ya ai hte nye a chyoi pra ai amying hpe jahpoi ai amu, ndai kalang a hpang jahkring kau nhtawm nye a ga hpe madat na rai myit dai, ngu nna ngai nanhte hpe sadi jaw nngai.

EZEKELA 23:29

Shanhte mung nang hpe n dawng n yawt nga ma ai majaw, nang galaw shakut da ai arung arai shagu hpe shanhte la mat wa nna nang hpe mung, shawa num langai zawn shadan shadawng ai hte singgu krin jahti da na mara ai. Na a ngang gayut ai hte shawa num amu galaw ai dai lam gaw na a ntsa e dawng pru nit dai.

EZEKELA 23:37

Shan gaw numshaw lashaw ai amu, masha sat ai amu, hpara sumla ni a majaw numshaw lashaw ai amu hte nye a matu shaprat ya ai shadang sha ni hpe sat ai amu ni hpe shut hpyit tawt lai masai. Nye a shadang sha ni hpe mung shanhte a hpara sumla ni hpe wan nat hkungga nawng ya nga masai.

EZEKELA 23:39

Shan gaw hpara sumla ni hpe nawng jau na shagu hkungga ni hpe zawn, nye a kasha ni hpe sat ma ai; shan gaw dai shani jang, nye a Nawku Htingnu de sa nna dai hpe awu asin di kau ma ai!

EZEKELA 33:25

Tsaw Htum ai dai Madu ngai tsun nga ai ga shanhte hpe ning ngu htawn tsun u: Nanhte gaw sai hte hpawn ashan sha nga myit dai. Nanhte gaw hpara sumla ni hpe nawku nga myit dai. Nanhte gaw masha sat ai amu hpe mung shut hpyit nga myit dai. Nanhte gaw ndai mungdan hpe madu lu na re ngu myit nawn nga myit ni?

EZEKELA 33:31

Dai rai nna, nye a amyu masha ni gaw nang tsun na lam hpe madat la na matu sa hpawng nga ma ti mung, nang tsun ai ga hte maren shanhte n hkan galaw nga ma ai. Shanhte nten ni hta ga ngwi ga pyaw ni hte hpring nga ti mung, lawhpa myit marin ai lam ni hta hkan dingyang rai ma ai.

EZEKELA 5:11

“Dai re ai majaw, Ngai gaw ahkrung nga ai Karai Kasang rai nga nngai, dai re ai majaw, ndai gaw Tsaw Htum ai dai Madu a mungga rai nga ai. Nang gaw nye a Nawku Htingnu hpe nang galaw ai n hkru ai amu yawng, matsat shabat re ai amu ni hte awu asin di kau nit dai majaw ngai gaw matsan dum ai myit n rawng ai sha nang hpe kran kadang kau na nngai.

Daniela 9:18

O karai Kasang e, anhte a ga madat ya mi; anhte hpe mada yu nna anhte hkrum sha ai tsin-yam tsindam hpe mung, na a mying gang ai mare a nni nkri hpe mung mu ya e. Anhte gaw jaw ai amu galaw ga ai majaw n rai, nang nan matsan dum ai wa rai nga ndai majaw sha nang kaw anhte akyu hpyi nga ga ai.

HOSEA 6:9

Hkinjawng ni mung masha langai hpe lagyim ala nga ai damya hpung mi hte bung nga ma ai. Shehkem mare na chyoi pra ai shara de sa wa ai lam hta pyi shanhte masha sat ma ai. Shanhte gaw ndai n hkru ai amu yawng hpe dasang galaw ma ai.

AMO LAIKA (AMOS) 4:5

Karai Kasang kaw chyeju dum ai myit hte sa nna nanhte a muk nawng jau mu, nanhte la sa ai shajan hkungga ni tsun shakawng dan mu! Dai zawn re ai amu galaw na nanhte tsaw nga myit dai.

ZEHPANI 1:5

Kadai mung tinang nta ntsa de lung wa nna ajan, shata hte shagan ni hpe nawku nga ai ni hpe ngai jahten kau na we ai. Ngai hpe nawku daw jau ai hte ngai hta ga sadi dung nga na nga nna dagam da ai ni ngai kaw nna htak mat wa nhtawm Molek hpara a mying nsang hta ga shaka la ai ni hpe ngai shamyit kau na we ai.

MALAHKI 3:15

Dai hpe anhte mu ai hte maren nga yang, gumrawng gumtawng ai ni gaw kabu gara ai ni rai ma ai. N hkru ai ni gaw ngamu ngamai wa ai sha n-ga, shanhte a n hkru ai arawn alai ni hte Karai Kasang a hkam sharang ai hpe shanhte chyam yu ai hte lawt lu nga ai,’” ngu nna tsun manit dai.

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

YAWHAN 13:18

Nanhte yawng hpe sha-ang nna ngai tsun nga nngai n rai; ngai lata la tawn sai ni hpe gaw ngai chye da we ai. Rai ti mung, Chyum Laika hta, nye a shat sha ai wa gaw, shi a lahtin hte ngai hpe hkindit nngai, nga nna ka da ai ga dik wa lu na matu rai nga ai.

YAWHAN 18:28

Bai shanhte gaw jahpawt jau jau e, Yesu hpe Kayahpa kaw nna Pilat a htingnu na tara jeyang ai pretori ngu ai gawk kaba de woi shang wa mu ai. Yuda masha ni gaw tinang a hkum awu asin n hkrum ai sha dai Shalai wa ai Poi sha lu na matu nawku htung a tara hte maren jasan jaseng mayu ai majaw htingnu wang de n shang ma ai.