YEREMIA 6:4 - Jinghpaw Common Language Bible 2009

⁴ Shanhte gaw, “Yerusalem hpe gasat hkyen manu! Jin jin rai nga mu! Anhte shani chyingtung e gasat na ga ai!,” ngu nna tsun na mara ai. Rai ti mung shanhte gaw, “Nau hpang hkrat mat sai, nhtoi gaw ganoi lai wa magang nga sai, shana maga de na shingnip ni galu nga ai.

Jinghpaw Hanson Version Bible

⁴ Shi hpe hpyen gasat na hkyen mu: rawt ga, jan pungding e lung ga; anhte dingnye lu ga ai; jan kadang sai, shana de na shingnip galu wa sai.

YEREMIA 6:4 ပူးပေါင်းရင်းမြစ်များ

YOBA 7:2

mayam gaw katsi ai shingnip hpe marit nga ai zawn mung, amu galaw ai wa gaw shi a shabrai jaw ya na matu ala nga ai wa zawn mung rai nga ai.

Shawlumon A Mahkawn Ga 2:17

jahpawt bungli bung wa ai aten kaw nna nsin garai n sin ai aten du hkra shayaw da nga ai. Nye a tsaw ra wa e, chyahkyi zawn mung, Behtera bum ntsa na shan-nga zawn mung nhtang wa rit.

YEREMIA 15:8

Na a mungdan na gaida ni gaw panglai makau na zaibru tum ni hta grau law nga ai. Ngai gaw na a shabrang ma ni hpe shanhte a wa-ngan aten ni hta sat kau ai hte shanhte a kanu ni hpe nni nkri jahkrum nngai. Ngai gaw shanhte hpe makyin madut hte hkrit kajawng hpa hte akajawng sha kayat ni ai.

YEREMIA 15:9

Ma sanit shamat kau ai kanu gaw gawng kya mat nu ai, nsa sa dawn nga ai. Shi a nhtoi gaw nsin tai mat nna, shi gaw myi man sum ai hte myit machyi nga ai. nanhte hta na naw hkrung nga ai ni hpe mung ngai gaw nanhte a gumlau hpyen ni hpe sat kau shangun na we ai. Dai Madu ngai nan tsun ni ai,” ngu nna tsun ai.

YEREMIA 5:10

Ngai gaw nye amyu masha ni a sabyi sun ni hpe hkyen kau na matu gumlau hpyen ni hpe dat dat na nngai, rai ti mung dai ni hpe tsep kawp jahten kau na matu n rai. Ngai gaw lakung ni hpe ashin kau na matu shanhte hpe tsun na nngai, hpa majaw nga yang, dai lakung ni gaw nye a n rai nga ai.

YEREMIA 6:23

Shanhte gaw shanhte a ndan ni hte nhtu ni hpe lang da ma ai; gumshem nna matsan n chye dum ai ni rai ma ai. Shanhte gumra jawn sa wa ma ai shaloi, shanhte a nsen gaw panglai hka wu kadu ai zawn rai nga ai. Shanhte gaw Yerusalem hpe htim gasat na matu jin jin rai nga masai,” ngu nna tsun ai.

YEREMIA 8:20

Amyu masha ni gaw, “Ginhtawng ta htum sai, nmut ta mung lai sai, rai ti mung anhte chyawm gaw hkye hkrang la n hkrum nga ga ai,” nga nna jahtau nga ma ai.

YOELA 3:9

“Masha amyu baw ni hpe ndai lam ndau shabra mu: ‘Hpyen majan a matu hkyen mu; nanhte a share ninghkrin ni hpe shaga da mu; nanhte a hpyenla ni hpe shinggyin la nna rawt lung wa manu!

OBEDIA 1:1

Ndai gaw Tsaw Htum ai Madu, Edom masha ni hte seng nna tsun ai Obadia a myihtoi ga rai nga ai. Dai Madu gaw masha amyu baw ni hpang de shi a kasa hpe shangun dat wu ai rai nna, anhte gaw ning nga tsun ai shi a mungga hpe na saga ai: “Jin jin rai nga mu! Edom hpe majan gasat na matu rawt sa saga!.”

MIHKA 3:5

Nye a amyu masha ni hpe masu hkalem ai myihtoi ni gaw shanhte hpe jaw ya ai ni hpe ngwi pyaw sim sa lam lu na ga sadi jaw ma ai, rai ti mung jaw ya ai lam n nga ai ni a matu gaw majan hte jahkrit shama hkrum nga ai. Dai zawn re ai myihtoi ni hpe dai Madu gaw,

ZEHPANI 2:4

Gaza mare hta kadai mung ngam nga lu na ra ai n rai; Ashkelon mare gaw katsi katsang shara tai mat wa na ra ai. Ashdod masha ni gaw shani chyingtung e gawt shapraw kau hkrum nna, Ekron gaw shanhte a mare kaw nna gau shapraw kau hkrum na mara ai.