YEREMIA 6:2 - Jinghpaw Common Language Bible 2009

² Ziun mare gaw tsawm htap nga ai, rai ti mung hten za mat na ra ai;

Jinghpaw Hanson Version Bible

² Ahpraw tsawm nna hkum hkalung ai Ziun shayi sha hpe ngai jahtum kau na nngai.

YEREMIA 6:2 ပူးပေါင်းရင်းမြစ်များ

ESAIA 1:8

Yerusalem sha hti ngam nga ai, dai mare mung, wang shakum n nga ai sabyi sun kata na sun sin ai wa a sum, shing n rai kumgyin yi na yi hkyap zawn wang da ai hkrum nga ai.

YEREMIA 4:31

Ngai gaw shinggyim machyi ai numsha hte kasha alat shangai ai numsha a jahtau kyik ai nsen zawn jahtau hkrap ai nsen hpe na ni ai. Dai gaw Yerusalem a jahtau ai nsen rai nna ba galawp ai hte shi a lata ladawn nna, “Ngai gaw hten run ai hkrum nga nngai! Shanhte gaw ngai hpe sat na matu sa wa nga ma hka!,” ngu nna tsun nga ai.

SHARUNG SHAYAWT 2:1

Dai Madu gaw shi a masin kahtet ai majaw, Ziun hpe nsin hte ka-up da nga wu ai. Shi gaw sumsing lamu a hkik hkam ai hpung shingkang hpe jahten sharun kau nu ai. Shi a masin kahtet ai shani e, shi gaw shi a Nawku Htingnu hpe pyi kabai kau nga ai.

SHARUNG SHAYAWT 2:13

O Yerusalem, tsaw ra htum ai Yerusalem e, ngai kaning ngu tsun lu na rai nga a ni? Nang hpe ngai gara hku shalan shabran lu na rai nga a ta? Ndai zawn re ai nni nkri hpe kadai mung n hkam sha yu ma ai. Na a ru yak tsin-yam tsindam gaw nammukdara zawn shadawn masat n lu hkra dam lada nga ai; mai byin na zawn re ai myit mada shara hpa mung n nga nga ai.

SHARUNG SHAYAWT 4:5

Lang mi mu mai htum ai lusha ni sha yu sai masha ni gaw lusha kyet ai majaw nmaw lam hkan e si taw nga ma ai; pyaw hpa lam hta len yu sai ni gaw lusha a matu shanut shanaw hkan tam mahkai hta nga ma ai.

TARA JAHPRANG 28:56

Grai sut su nna arawng kaba hte hkik hkam ai hku shangai wa nhtawm, ga hta galoi mung n kabye hkawm yu ai dai nachying sumnung shingdi ai numsha pyi, dai hte maren galaw na ra ai. Gumlau hpyen ni mare wang shinggrup da ai shaloi dai numsha gaw myit chyum myit htum hkrum nna lusha kadawn mat ai a majaw tinang shangai ai ma chyangai hte hkritung na ma manang hpe pyi shi hkrai lagyim sha na rai wu ai. Shi tsaw ra ai madu wa hte shi a shayi shadang sha ni hpe pyi gambum karan jaw na wu ai n rai.