YEREMIA 52:3 - Jinghpaw Common Language Bible 2009

³ Dai Madu gaw Yerusalem hte Yuda amyu masha ni hpe pawt sindawng wu ai majaw shanhte hpe shi a myi man kaw na gawt shapraw kau wu ai. Zedekia gaw Babelon Hkawhkam Nebuhkadneza hpe gumlau wu ai,

Jinghpaw Hanson Version Bible

³ Kaning rai nme law, Yehowa gaw Yerusalem mare hte Yuda mung hpe shi a myi man kaw na tsan kau da ai shani du hkra, pawt bu nga ai majaw, ndai lam ni byin pru nga ai. Bai Zedekia gaw Babelon hkawhkam hpe gumlau wu ai.

YEREMIA 52:3 ပူးပေါင်းရင်းမြစ်များ

NINGPAWT NINGHPANG 4:14

Nang gaw ngai hpe ndai lamu ga kaw nna mung, na a man kaw nna mung shaden kau nga ndai. Ngai gaw ginding aga ntsa e nta n lu ai sha brak hkawm ai wa tai wa nna ngai hpe mu tam ai kadai wa mung ngai hpe sat kau na ra ai,” ngu nna tsun wu ai.

NINGPAWT NINGHPANG 4:16

Shing rai Ka-in gaw dai Madu a man kaw nna pru mat wa nhtawm Eden a sinpraw maga e nga ai “Brak Hkawm Ai Shara,” mying ai mung hta nga nga ai.

2 SAMUELA 24:1

Dai Madu gaw Israela amyu hpe kalang mi bai masin pawt bu nga ai rai nna, shanhte hpe sharu shatsang shangun na matu, dai Madu gaw Dawi hpe, “Israela hte Yuda masha ni hpe sa hti yu su,” ngu nna tsun wu ai.

1 HKAWHKAM 10:9

Dai Madu na a Karai Kasang hpe shakawn kungdawn ga law! Shi gaw nang hpe Israela hkawhkam shatai nhtawm shi hte nang rau rai nga ai hpe gade sha yu awng sharawng nga ai hpe madun dan nga nu ai. Shi gaw Israela hpe prat dingsa tsaw ra nga ai majaw teng man ai tara hte tara daw dan lu na matu shi nang hpe shanhte a hkawhkam shatai ya nit dai,” ngu nna tsun wu ai.

2 HKAWHKAM 17:18

Dai Madu gaw Israela amyu masha ni hpe pawt sindawng nga ai rai nna Yuda mungdan hpe chyu sha ngam da nhtawm shi a man kaw nna shanhte hpe gawt shapraw kau wu ai.

2 HKAWHKAM 17:20

Dai Madu gaw Israela amyu masha ni yawng hpe ningdang kau wu ai rai nna hpang jahtum shi a man kaw nna shanhte hpe gawt shapraw kau ai aten du hkra shanhte hpe ari jaw nna mazut ai gumlau hpyen ni a lata de shanhte hpe ap kau nga wu ai.

2 HKAWHKAM 17:23

Israela masha ni gaw Yeroboam a hpang hkan nna, shi shut kau nu ai yubak yawng hta matut nna hkan galaw nga ma ai. Dai rai nna Israela amyu masha ni Asuri mung de bawng rim mat wa ai hkrum nna dai ni du hkra nga nga ma ai.

2 HKAWHKAM 24:20

Dai Madu gaw Yerusalem mare hte Yuda amyu masha ni hpe pawt sindawng wu ai majaw shanhte hpe shi a man kaw nna gawt shapraw kau wu ai.

2 HKAWHKAM LABAU 36:13

Zedekia gaw Karai Kasang a mying ningsang hta shi hpe dagam nna sadi dung shangun ai Hkawhkam Nebuhkadneza hpe gumlau wu ai. Shi gaw myit malai lu nna dai Madu Israela a Karai Kasang hpang de kayin wa na matu ja ja ningdang wu ai.

EZRA 4:15

nang hkang dat n-ga, anhte hpaji jaw ga ai. Dai hku nang galaw ai rai yang, ndai mare gaw moi prat kaw nna tut nawng gumlau nga nna hkawhkam ni hte mungdaw up hkang du ni hpe sharu shatsang nga ai hpe mung, dai mare e nga ai masha ni hpe galoi mung up hkang yak nga ai majaw dai mare jahten sharun kau hkrum nga sai lam hpe nang mu sawk na rin dai.

GA SHAGAWP 28:2

Amyu masha ni yubak hkrum sha ai shaloi, dai hta mung du ni langai hpang langai up hkang na mara ai. Rai ti mung, nyan sam ai hte htauli htaula myit rawng ai ningbaw ningla ni woi hkang ai shaloi, mungdan gaw n-gun rawng wa nna grin ngang nga ai.

HPAJI NINGLI 10:16

Hkawhkam wa ma naw rai nga yang, mungdan gaw tsin-yam tsindam hkrum nga ai; shi a mungdan a ningbaw ni shana tup lusha poi galaw ma ai.

ESAIA 19:4

Ngai gaw Egutu amyu masha ni hpe gumshem nna mazut nhtawm shanhte hpe up lu na hkawhkam wa a lata de ap kau na we ai. Chyahtum Chyalai N-gun rawng ai dai Madu Ngai nan tsun ni ai,” ngu nna tsun wu ai.

ESAIA 3:1

Chyahtum Chyalai N-gun rawng ai Madu e, Madu gaw ya jang Yerusalem hte Yuda mung na amyu masha ni a myit mahta shara hte shamyet shanat shara rai nga ai arung arai shagu hte masha hkum shagu hte hpe la kau na hkyen nga ai. Shi gaw shanhte a malu masha hte shanhte a lu hka ni hpe mung,

ESAIA 36:5

Shi gaw, “N-gup aga ni gaw hpyen zai ladat hte hpyen n-gun lagaw a malai asung mai jashawn nga ai ngu, nanhte myit nawn nga myit ni? Asuri hpe gumlau na, nang hpe karum la na kadai wa rai na nanhte myit yu nga myit ni?

YEREMIA 15:1

Dai hpang dai Madu gaw ngai hpe, “Mawshe hte Samuela yan gaw ndai shara hta tsap nga nna, ngai hpe hpyi lajin nga ma yang pyi ngai gaw ndai amyu masha ni a ntsa e matsan dum ai myit hpa mung madun dan na n rai. Shanhte hpe shaden kau mu; shanhte hpe nye a man kaw nna shapraw kau dat mu.

YEREMIA 7:15

Na a makyin jinghku ni rai nga ai Israela amyu masha ni hpe ngai shaden kau we ai zawn nang hpe mung nye a myi man kaw nna shaden kau na we ai. Dai Madu ngai nan tsun ni ai.”