YEREMIA 51:9 - Jinghpaw Common Language Bible 2009

⁹ Dai mung hta shanu nga ai maigan masha ni gaw, ‘Babelon hpe karum la na matu anhte shakut ga ti mung, dai gaw grai hpang hkrat mat sai. Ya chyawm gaw anhte tawn kau da nna tinang a buga dum nta de wa mat saga. Karai Kasang gaw shi a chyalai n-gun mahkra hte Babelon hpe ari jaw nu ai, dai mung hpe atsai awai shamyit kau nu ai,’” ngu nna tsun ma ai.

Jinghpaw Hanson Version Bible

⁹ Anhte gaw Babelon mare hpe shamai mayu timung, shi n mai hkraw ai: shi hpe kau da nna, anhte langai hte langai tinang a buga de nhtang wa ga; shi hkrum ai ari ahpri gaw, sumsing lamu de du nna, sumwi hpe dep nga ai.

YEREMIA 51:9 ပူးပေါင်းရင်းမြစ်များ

2 HKAWHKAM LABAU 28:9

Oded mying ai dai Madu a myihtoi langai mi gaw Samari mare e nga nga ai; dai wa gaw mare de shang wa na shara hta Yuda bawng masha ni hte rau nhtang wa ai Israela luksuk ni hte shi hkrum wu ai; shi gaw, “Dai Madu na a kaji kawa ni a Karai Kasang gaw Yuda ni hpe masin yu pawt ai majaw shanhte hpe awng dang shangun nga ai; rai ti mung ya chyawm gaw nanhte shanhte hpe grai n hkru ai hku sat kau manit dai lam hpe shi na nu ai.

EZRA 9:6

Ngai gaw, “O Karai Kasang e, anhte a yubak gaw baw lim hkra sumpum nga nna, dai ni gaw sumsing lamu du hkra dep nga ai majaw, na a man e nye a baw sharawt lu na ngai nau wa kaya nga nngai.

ESAIA 13:14

“Babelon mung hta nga nga ai maigan masha ni gaw jaugawng ni a lata na hprawng lawt wa ai shannga hte sagu rem n nga ai sagu ni zawn tinang a buga ni de hprawng bra mat wa na mara ai.

ESAIA 47:15

Na a prat tup hta nang bawng jahkrup ai gumhpan hpan ai sara ni gaw na a matu mai kaja ai lam yawng mayawng galaw ya na mara ai. Shanhte yawng gaw nang hpe kau da nna shanhte a lam de sa mat wa na mara ai, nang hpe hkye la na matu kadai mung nga na n rai,” nga nna tsun ai.

YEREMIA 46:16

Nanhte a hpyenla ni gaw ahtu kataw mat manu ai; shanhte langai hte langai gaw, ‘Tin tin rai ga! Anhte a amyu masha ni nga ai dum nta de wa saga, shaloi gumlau hpyen ni a nhtu kaw na lawt lu na ga ai!,’ ngu nna tsun ma ai.

YEREMIA 46:21

Shi saw shaga da ai hpyenla ni pyi dumsu kasha ni zawn karum la lam n lu nga ma ai. Shanhte gaw n tsap lu ai hte n gasat lu ma ai; shanhte yawng gaw kayin kagat mat wa ma ai. Shanhte hpe daw dan ai nhtoi hte shanhte hpe jahten shabyak na aten gaw du nga sai.

YEREMIA 50:16

Dai mung hta nli hkum gat myit; shinggyin la na matu nmut hkum shang myit. Dai mung hta shanu nga ai maigan masha shagu hte gaw majan gasat nga ai hpyen luksuk hpe hkrit na mara ai rai nna shanhte a buga de nhtang mat wa na mara ai,” ngu nna tsun ai.

YEREMIA 8:20

Amyu masha ni gaw, “Ginhtawng ta htum sai, nmut ta mung lai sai, rai ti mung anhte chyawm gaw hkye hkrang la n hkrum nga ga ai,” nga nna jahtau nga ma ai.

HOSEA 7:13

“Shanhte gaw dingnye hkrum nga ma hka! Shanhte gaw ngai hpe kau da ai hte ngai hpe gumlau ma ai. Shanhte gaw shamyit kau ai hkrum na rai ma ai. Ngai shanhte hpe hkye la mayu nngai, rai ti mung shanhte ngai hpe nawku ai lam gaw n jaw nga malu ai.

SHINGRAN 18:4

Dai hpang sumsing lamu de na nsen langai mi gaw, “Nye a amyu masha ni e, pru sa wa marit! Shi kaw na pru wa marit! Shi hte rau yubak mara n galaw myit ga, shi hte rau dai ari n jawm hkrum myit ga!

SHINGRAN 18:5

Hpa majaw nga yang, shi a yubak mara ni lamu dep hkra sumpum taw nga ai rai nna, Karai Kasang gaw shi a n hkru n shawp ai lam ni hpe myit dum matsing da nu ai.