YEREMIA 51:8 - Jinghpaw Common Language Bible 2009

⁸ Babelon mung gaw akajawng sha kadawng daw mat ai hte hten run mat sahka! Shi a matu sharung shayawt nga mu! Shi a hkala nba hpe shamai shatsai ya lu dam nhten, tsi hkrung tsi nan la wa marit.

Jinghpaw Hanson Version Bible

⁸ Babelon mare gaw akajawng sha kadawng nna, hten mat sai; shi a matu sharung shayawt mu; shi a hkala nba mai wa lu yang, shamai na matu, balsam naw sa la mu.

YEREMIA 51:8 ပူးပေါင်းရင်းမြစ်များ

YEREMIA 46:11

Egutu masha ni e, Gilead mung de lung wa nna, dai yang e, tsi mawan tam la mu! Na a tsi mawan yawng gaw akyu n rawng ai hpe sha sakse madun nga ai; hpa hte mung nang hpe tsi shamai ya lu ai n rai.

ESAIA 21:9

Lahkawng yep yep rai gumra jawn ai ni ndai shara hta akajawng sha du mara ai. Sin langa gaw, “Babelon mung hkrat mat sahka! Shanhte nawku ai hpara sumla ni ga ntsa e ga gamang taw mat sai,” ngu nna shiga jaw wu ai.

SHINGRAN 14:8

Bai, lahkawng ngu na lamu kasa langai mi gaw, shawng na lamu kasa a hpang hprut dan pru nna, “Babelon mare kaba kadawng daw mat sai! Kadawng daw mat sai! Dai mare gaw hpye ai amu hta myit kayut ai ngu ai nsa ja sabyi ntsin masha amyu baw shagu hpe lu shangun nu ai!,” nga nna tsun nga ai.

SHINGRAN 18:2

Dai wa gaw nsen kaba hte, “Galu Kaba ai Babelon mare kadawng mat sai! Kadawng mat sai! Dai shara kaw ya nat tsasam ni de nga ai shara, n san n seng ai wenyi shagu a shingwung shara hte n san n seng matsat shabat re ai u amyu myu a shingbyi shara tai mat sai.

YEREMIA 50:2

“Masha amyu baw ni hpang de shiga tsun shana mu! Dai hpe htawn tsun mu! Masat kumla sharawt mu, shiga ndau shana mu! Dai lam hpe hkum ip da myit! Babelon gaw hkrat sum mat sahka! Shi a Marduk karai daw gamang mat sai! Babelon a hpara sumla ni kaya kahpa hkrum masai; shi a matsat shabat re ai gawkngu sumla ni agrawp ayai mat sai!

YEREMIA 48:20

Shanhte gaw, ‘Moba gaw hkrat mat sai, shi a matu hkrap mu; dai gaw jahpoi jahpyak hkrum nga sai. Moba jahten sharun hkrum sai lam hpe Arnon hka nu mayan hku tsun shana ya mu!,’ ngu nna htan na mara ai.

NAHUM 3:19

Na a hkala nba ningma ni hpe tsi tsi lajang ya na, kadai n nga nga ai; na a ningma ni hpe n lu tsi shamai nga ai. Na a hkrat sum mat sai shiga na ai masha yawng hte gaw kabu gara lahpawk dum na mara ai; na a n htum mai ai zingri zingrat ai kaw na kadai wa hprawng lawt lu yu nga sata?

Daniela 5:31

Medi masha Dari gaw shi a asak kru shi lahkawng ning hta hkawhkam daru magam aya hkam la nga wu ai.

Daniela 5:24

Dai re ai majaw Karai Kasang gaw ndai ga ni hpe lata hte ka shangun dat wu ai.

EZEKELA 30:2

Shi gaw, “Si chye ai masha wa e, Tsaw Htum ai dai Madu ngai tsun nga ai mungga hpe myihtoi htoi nna tsun dan u. Nang gaw ndai mungga ni hpe jahtau tsun na rai ndai: Hkrit hpa nhtoi gaw du wa ra ai!

YEREMIA 51:41

Dai Madu gaw Babelon hte seng nna ning nga tsun ai: “Mungkan ting jawm shakawn ai mare gaw hpya kau ai hkrum nga nu hka! Babelon gaw masha amyu baw ni a man e yu hkrit hpa shara tai mat sahka!

YEREMIA 48:31

Ngai gaw Moba mung hta shanu nga ai masha shagu a matu mung, Kira Here masha ni a matu mung hkrap nga na nngai.

YEREMIA 8:22

Gilead mung e tsi mawan hpun ru hpa mung n nga nga a ni? Dai mung hta tsi sara ni n nga ma ni? Dai rai yang, nye a amyu masha ni hpa majaw shamai shatsai n hkrum nga ma ni?

ESAIA 47:9

Rai ti mung lani jan na chyahkring mi na aten hta, ndai amu lahkawng byin wa na ra ai. Nang gaw mandan lakle hpaji mahkra lang ti mung, na a madu wa hte kashu kasha ni sum mat na mara ai.

ESAIA 47:11

Tsin yam tsindam gaw na a ntsa e du wa na ra ai, na a mandan lakle hpaji hpa hte mung dai hpe jahkring lu na n rai. Nang galoi mung yup mang n mang yu ai hten run lam gaw nang kaw akajawng sha du wa na ra ai.