YEREMIA 51:57 - Jinghpaw Common Language Bible 2009

⁵⁷ Ngai gaw dai mung na du ni, hpaji rawng ai masha ni, ningbaw ni hte hpyenla ni hpe chyaru shanang na nngai. shanhte gaw yup pyaw mat wa nna galoi mung hprang na mara ai n rai. ngai hkawhkam wa nan tsun ni ai; Ngai gaw chyahtum Chyalai N-gun rawng ai dai Madu rai nga nngai.

Jinghpaw Hanson Version Bible

⁵⁷ Ngai gaw shi a hkawhkam kasha ni, hpaji byeng-ya rawng ai ni, munggyi ni, du salang ni hte share ninghkrin ni hpe chyaru shanang nna, shanhte gaw n hprang lu hkra, prat dingsa yup pyaw nga na mara ai, nga nna Zaw nawng zaw wa up ai Yehowa mying ai Hkawhkam wa tsun nga ai.

YEREMIA 51:57 ပူးပေါင်းရင်းမြစ်များ

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

ESAIA 44:25

Ngai gaw gumhpan hpan ai wa a angawk ai lam ni hpe shadan dan nna, shata shagan shaba wawt ai ni a tau tsun ga ni hpe shamak ya nngai. Hpaji chye ai wa a ga ni hpe ngai jashuk ai hte shanhte a hpaji byeng-ya gaw angawk angak lam rai nga ai hpe madun dan nngai.

ESAIA 6:5

Ngai gaw, “Nye a matu myit mada shara n nga sahka! Nye a nten kaw nna pru ai ga hkum shagu gaw yubak ga ni rai nna, ga hkum shagu yubak ga tsun shaga ai amyu masha ni a lapran e ngai nga nga nngai majaw, ngai gaw dingnye hkrum nga nngai. Ti mung, nye myi hte chyaw, Chyahtum Chyalai N-gun rawng ai dai Madu Hkawhkam wa hpe ngai mu se ai.

YEREMIA 13:13

Dai hpang, shanhte hpe tsun u, Dai Madu ngai nan Dawi a aru arat ni rai nga ai hkawhkam ni, hkinjawng ni, myihtoi ni hte Yerusalem mare masha ni yawng sabyi ntsin nang mat ai aten du hkra, ndai mungdan hta nga ai amyu masha ni hpe sabyi ntsin hte jahpring da na we ai.

YEREMIA 25:27

Dai hpang, dai Madu gaw ngai hpe, “Chyahtum Chyalai N-gun Rawng ai dai Madu Israela a Karai Kasang ngai nan shanhte hpang de shangun dat ai hpyen majan a majaw shanhte lu nang, madawn ai hte kataw mat nna n lu sharai rawt mat hkra dai ntsin lu na matu ngai hkang da ni ai lam shanhte hpe tsun u.

YEREMIA 46:18

Chyahtum Chyalai N-gun rawng ai dai Madu ngai gaw hkawhkam rai nga nngai. Ngai gaw ahkrung nga ai Karai Kasang rai nga nngai. Tabora bum gaw bum ni yawng hta grau tsaw nga ai rai nna, Hkarmela bum gaw panglai hta grau tsaw ai shara hta nga nga ai dai hte maren, nanhte hpe htim gasat ai wa gaw dai zawn n-gun rawng ai wa rai na ra ai.

YEREMIA 48:15

Moba mung hte de a mare ni gaw hten run mat sai; dai mung na ram dik ai shabrang ma ni htau sat kau hkrum masai. Ngai gaw Chyahtum Chyalai N-gun rawng ai dai Madu ngu ai hkawhkam wa rai nga nngai, Ngai tsun ni ai.

YEREMIA 50:30

Dai lam ni a majaw, dai mung na shabrang ni gaw mare nmaw lam hkan e sat kau hkrum na mara ai; dai mung na hpyenla ni gaw dai shani e, jahten shaza ai hkrum na mara ai. Dai Madu ngai nan tsun ni ai.

YEREMIA 51:39

Shanhte gaw lawhpa myit marin nga ma ni? Ngai gaw shanhte a matu lusha poi langai mi hkyen lajang ya nna shanhte hpe kabu gara lu nang shangun na nngai. Shaloi, shanhte yup pyaw mat wa nna galoi mung hprang wa na mara ai n rai.

EZEKELA 20:33

“Ngai gaw Tsaw Htum ai dai Madu, ahkrung nga ai Karai Kasang rai nga nngai, dai majaw nye a masin kahtet ai hta ngai nanhte hpe nye a n-gun ja ai lata, nye a daru magam n-gun mahkra hte up na nngai, ngu ngai nanhte hpe shadum nngai.

NAHUM 1:10

Tsa chyaru nang ai ni gaw gindun hkri ai ju hpun hte yihku jahkraw hpe zawn nat kau hkrum na mara ai!

NAHUM 3:18

Asuri hkawseng e, na a mungdu ni si mat masai, na adu magam ni htani htana yup pyaw mat masai! Na a masha ni gaw bum lang ntsa hkan bra ayai nga masai, shanhte hpe dum nta de bai woi na masha kadai n nga nga ai.

MALAHKI 1:14

Ngai hpe jaw ya na nga, ga sadi tawn da sai dai kaja ai dusat langai shi a yam nga hpung hta rawng nga ninglen, ngai hpe dai ra rawng ai dusat hpe masu hkalem nawng jau ya ai wa gaw dagam dala hkrum nga ai. Ngai gaw galu kaba ai hkawhkam rai nga nngai, masha amyu baw ni yawng a masha ni ngai hpe hkrit kamyin nga ma ai.”

SHINGRAN 18:9

Shi hte hpye ai amu galaw nna sawse lawklek ngang kayut ai ga ntsa na hkawhkam ni gaw, dai mare hkru ai wan kaw na pru ai wan hkut hpe mu ma ai shaloi, hkrap ngu hkrap ngoi sharung shayawt na mara ai.