YEREMIA 51:2 - Jinghpaw Common Language Bible 2009

² Nbung gaw yihku hpe shapoi kau ai zawn, ngai gaw Babelon mung hpe jahten shaza kau na matu maigan masha ni hpe shangun dat na nngai. Shanhte gaw man maga shagu kaw nna gasat nna, dai mungdan hpe akrin akraw di tawn na mara ai.

Jinghpaw Hanson Version Bible

² Ngai gaw hkuwawn katsap chye ai ni hpe, Babelon mare de shangun dat nna, shanhte gaw shi a mungdan hpe atsai awai katsap kau na mara ai: kaning rai nme law, ruyak hkrum ai aten e shanhte gaw grup yin hkan e, shi hpe hkap daw na mara ai.

YEREMIA 51:2 ပူးပေါင်းရင်းမြစ်များ

ESAIA 41:16

Nang gaw dai ni hpe nbung hta katsap kau na rin dai; nbung gaw dai ni hpe ahpawt mat wa na ra ai, dai ni gaw nbung laru hte shabra kau hkrum na mara ai. Dai hpang nang kabu gara lu na ndai hpa majaw nga yang, ngai gaw na a Karai Kasang rai nga nngai; nang gaw chyoi pra ai Israela a Karai Kasang ngai hpe shakawn kungdawn na ra ai.

ESAIA 43:14

Nang hpe hkye la ai dai Madu Israela a chyoi pra ai Karai Kasang gaw, “Nang hpe hkye la na matu, Babelon mung hpe ninghkap lu ai hpyen luksuk langai ngai shangun dat na nngai; Ngai gaw mare chyinghka ni hpe run kau na we ai, dai mung na masha ni a jahtau garu ai nsen hpe hkrap agru ai nsen shatai kau na we ai.

YEREMIA 15:7

Ngai gaw nang hpe mungdan na mare shagu hta nbung e shapoi hkrum ai yihku zawn kabai kau nngai. Nye a amyu masha ni e, ngai nang hpe jahten sharun kau nngai, nang gaw na a n hkru ai lam ni hpe n jahkring da nga ndai majaw, na a kashu kasha ni hpe ngai sat kau ni ai.

YEREMIA 50:29

“Babelon mung hpe gasat na matu, ndan gap ai ni hpe tsun mu. Ndan chye lang, pala chye gap ai masha shagu hpe shangun dat mu. Dai mare kata na masha langai mi mung n hprawng lawt lu hkra, wang shinggrup da mu. Ndai masha ni gaw Israela a Chyoi Pra ai Wa ngu ai ngai hpe gumrawng gumtawng ai arawn alai shapraw dan manu ai majaw shanhte galaw ai hte maren bai tai mu, kaga masha ni hpe shanhte pagawn para di mu ai hte maren shanhte hpe mung di mu.

YEREMIA 50:32

Na a myit tsaw myit dap ai amyu gaw ahtu kataw na ra ai; nang hpe sharawt la na matu kadai mung karum la na ra ai n rai. Ngai gaw na a mare ni hpe nat kau ya na nngai; grup yin hkan nga ai arai yawng mayawng mung hten za mat na ra ai,” nga ai.

EZEKELA 5:12

Na a amyu masha ni htam masum kaw na htam mi gaw ndai mare kata hta machyi makaw hte kawsi kyet ai hta si htum mat na mara ai. Htam mi gaw mare shinggan de kahtam sat kau hkrum na mara ai; jahtum na htam mi gaw nbung bung ai de shapoi kau dat nna shanhte hpe nhtu hte hkan shachyut na nngai.

MAHTE 3:12

Shi a lata hta mam yit jasan na matu hkuwawn shi lang da nga ai. Shi a mam chyarang hpe shi yit jasan nhtawm, shi a mam gu hpe gaw mam dum hta shinggyin bang da nna, mam nsan hpe gaw galoi mung n krip ai wan hta nat kau na ru ai, ngu mu ai.