YEREMIA 5:3 - Jinghpaw Common Language Bible 2009

³ Dai Madu gaw kaja wa kangka ai hpe tam nga ai. Shi nang hpe kayat ti mung, nang hpa zawn n nawn nga ndai; shi nang hpe agrawp mani kau ti mung, sharin la na matu nang ningdang kau nga ndai. Nang gaw du ja nna na a yubak ni kaw na n kayin wa nga ndai.

Jinghpaw Hanson Version Bible

³ Yehowa e, na a myi kangka lam hpe tau yu nga ai, n rai ni? Nang shanhte hpe kayat timung, shanhte hpa n nawn ma ai; shaza kau timung, sharin achyin ai n hkam hkraw ma ai: tinang a myi man hpe nlung hta grau shaja ma ai; shanhte bai wa na, n hkraw ma ai.

YEREMIA 5:3 ပူးပေါင်းရင်းမြစ်များ

NINGPAWT NINGHPANG 19:34

Hpang shani e mung, kana gaw kanau jan hpe, “Mana e ngai shi hte rau yup ni ai; ya dai na mung shi hpe jaw shanang da gaw; nang shi hte rau yup u. Shaloi an a kawa a majaw an hta kasha langai hpra lu la na ga ai,” ngu nna tsun wu ai.

1 HKAWHKAM 13:33

Israela Hkawhkam Yeroboam gaw shi a n hkru ai lam hta na myit n kayin ai sha shi galaw da ai tawn hkungri hta daw jau amu galaw na matu yu maya dinghku kaw na hkinjawng ni hpe naw lata la wu ai; dai shara hta hkinjawng tai mayu ai ni kadai hpe mung hkinjawng aya dang ya wu ai.

2 HKAWHKAM 1:13

Ya lang mi bai hkawhkam wa gaw du langai hte masha manga shi hpe shangun dat wu ai. Shi gaw kawng de lung wa nhtawm Elia a man e lahput hput di let, “Karai Kasang a masha wa e, ngai hte nye a masha ni hpe matsan dum la e law. Anhte a asak hpe jahkrung da ya mi!

2 HKAWHKAM LABAU 16:9

Dai Madu hta sadi sahka myit rawng nga ai ni hpe n-gun atsam jaw ya na nga, shi gaw mungkan ga ting hpe mada azi yu wu ai. Nang chyawm gaw angawk ai hku galaw kau nit dai majaw ya kaw nna hpyen majan tut nawng ahkrum nga na nit dai,” ngu nna tsun wu ai.

2 HKAWHKAM LABAU 28:22

Ahaza a ru yak ni gaw grai sawng wa ti mung dai masha Ahaza gaw shawng de na hta grau sawng hkra dai Madu hpe shut kau nga ai.

SHAKAWN KUNGDAWN 51:6

Nang gaw myit malang ai hte teng man ai lam hpe hpyi nga ndai majaw; nye a kraw lawang hta na a hpaji hte jahpring ya e.

SHAKAWN KUNGDAWN 51:8

Kabu gara ai hte ngwi pyaw ai nsen ni ngai hpe na shangun et; nang ngai hpe daw agrawp kau ai rai ti mung, ngai kalang mi bai naw kabu gara wa lu na nngai.

SHAKAWN KUNGDAWN 55:20

Nye a shawng na manang wa gaw shi a jinghku ni hpe gasat nna; shi a ga sadi ni hpe mung, jahten kau nu ai.

GA SHAGAWP 21:29

Ding hpring ai masha ni gaw shanhte hkum hpe kam lu nga ma ai; tara n lang ai masha ni chyawm gaw shanhte hkum shanhte dang lu ai made kaja htum ai hku hpyi hpun shatsawm da nga ma ai.

GA SHAGAWP 22:12

Dai Madu gaw masu magaw ga ni hpe shut ai sakse shatai ai hku nna teng man ai lam hpe shangang shakang ya nga ai.

GA SHAGAWP 23:35

Nang gaw, “Ngai adup anut hkrum sam ni ai, ngai kayat ahpat ai hkrum ti mung, dai hpe ngai n dum nngai. Ngai hpa majaw n lu hprang ai kun? Ngai bai jat lu ra nga nngai,” nga nna nang tsun na ra ai.

GA SHAGAWP 27:22

Angawk ai wa hpe si na daram nang gayat tim shi a angawk ai myit hpe nang gayat shapraw kau ya lu nga ai n rai.

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

ESAIA 42:25

Dai rai nna, shi gaw shi a masin kahtet ai n-gun anhte hpe hkam sha shangun nna, kashun kashe du daw sai hkaw majan a nni nkri hpe hkrum sha shangun nga ai. Shi a masin kahtet ai gaw wan zawn Israela mung ting hta dinghkren hkru nga ai, rai ti mung hpa byin nga ai lam hpe anhte galoi mung n chye ga ai; anhte gaw shing re byin hkrum ai kata kaw na hpa mung n sharin la nga ga ai.

ESAIA 48:4

Nang gaw hpri zawn ja nna garai n kapru ai magri mang zawn du ja nga na sakse madun nga ndai gaw ngai chye nngai.

ESAIA 9:13

Chyahtum Chyalai N-gun rawng ai dai Madu gaw shanhte hpe ari jaw tim pyi, Israela amyu masha ni myit malai ma ai n rai, shanhte shi kaw nhtang wa ma ai n rai.

YEREMIA 15:7

Ngai gaw nang hpe mungdan na mare shagu hta nbung e shapoi hkrum ai yihku zawn kabai kau nngai. Nye a amyu masha ni e, ngai nang hpe jahten sharun kau nngai, nang gaw na a n hkru ai lam ni hpe n jahkring da nga ndai majaw, na a kashu kasha ni hpe ngai sat kau ni ai.

YEREMIA 17:23

Shanhte a kaji kawa ni mahtang nye a ga hpe n madat ma ai, myit maju n jung ma ai. Shing rai galaw na malai, shanhte gaw du ja ai ni tai nhtawm nye a ga hpe madat mara ma ai n rai, ngai kaw na sharin achyin hkam la nga ma ai n rai.

YEREMIA 19:15

Chyahtum Chyalai N-gun Rawng ai dai Madu Israela a Karai Kasang gaw, “Nang adu ja nga ndai hte ngai tsun ai ga hpe n madat nga ndai majaw ngai galaw na ngu tsun da ni ai hte maren, ndai mare hta mung, makau grup yin na kahtawng shagu hta mung ari mahkra ngai shapraw na we ai,” ngu nna tsun nu ai.

YEREMIA 2:30

Ngai nang hpe ari jaw nngai, rai ti mung dai gaw mai kaja lam hpa mung n galaw ya nga ai; nang gaw ngai hpe shading sharai shangun nga ai n rai. N-yun bu ai hkanghkyi langai zawn na a myihtoi ni hpe nang sat kau nit dai.

YEREMIA 3:3

Shing re ai lam ni a majaw, marang n htu mat ai hte ginhtawng nnan shang wa yang na marang mahpawng n htu mat nga ai. Nang gaw shawa num langai zawn sha rai nga ndai; nang hta kaya kahpa myit hpa mung n rawng nga ndai.

YEREMIA 32:19

Nang gaw hpaji rawng ai shatawng shada lam ni hpe shachyen nna mauhpa magam bungli ni hpe galaw nga ndai; nang gaw amyu masha ni galaw ai amu baw hkum sumhpa ni hpe mu nga ndai; shanhte galaw shapraw ai amu hte maren, nang shanhte hpe kumhpa jaw ya nga ndai.

YEREMIA 44:10

Rai ti mung, nanhte gaw dai ni du hkra nanhte a hkum hpe shagrit shanem nga myit dai n rai. Nanhte gaw ngai hpe hkrit hkungga nga myit dai n rai; nanhte hte nanhte a nji nwa ni hpe ngai jaw da sai tara ni yawng hte maren, hkan sa shadik shatup nga myit dai n rai.

YEREMIA 7:26

Rai tim, marai langai mi pyi madat ai n rai, dai lam hpe hpa zawn n nawn ya nga ma ai. Dai zawn madat ya na malai, nanhte gaw du grau ja wa ai hte nanhte a nji nwa ni hta grau nna pyi gumlau nga myit dai.

YEREMIA 7:28

Shanhte a amyu baw gaw dai Madu shanhte a Karai Kasang ngu ai nye a ga hpe n madat, shanhte hpe jaw ai ari kaw na hpa mung n sharin la ngu nna nang shanhte hpe tsun na rai ndai. Kangka ai gaw si mat sai, de a lam loi mi pyi tsun na n rai sai.

YEREMIA 8:5

Dai re ai mi, nye a amyu masha ni e, nanhte gaw n nhtang wa ai sha, ngai kaw na hpa majaw tut nawng kayin mat wa nga myit ni? Nang gaw na a hpara sumla ni hpe myit noi ai hte ngai hpang de nhtang wa na matu ningdang nga ndai.

EZEKELA 2:4

Shanhte gaw adu ja ai hte ngai hpe hkungga n chye ma ai, dai rai nna, Tsaw Htum ai Madu ngai nan shanhte hpe kaning ngu tsun nga ai lam, shanhte hpe htawn tsun na matu, ngai nang hpe shangun dat nngai.

EZEKELA 24:13

Yerusalem mare e, na a nse nsa ai arawn alai ni gaw nang hpe awu asin di kau nit dai. Nang hpe ngai jasan shapra na shakut ti mung, nang awu asin naw hkrum nga ndai. Nye a n-gun tup sindawng kahtet ai hpe nang n hkam sha dingsa, jasan jaseng hkrum na ndai n rai.

Daniela 9:13

Mawshe a Tara hta ka da ai ari ahpri yawng anhte hpe jaw nga ndai. Rai ti mung, ya chyawm gaw, O Madu anhte a Karai Kasang e, anhte a yubak ni kaw nna kayin mat wa nhtawm na a teng man ai lam hta hkan sa ai hku nang hpe awng sharawng shangun ga ai n rai.

JAW JAU 26:23

“Ndai ari ni yawng jaw ngut ai hpang, nye a ga hpe nanhte matut nna naw n madat ai sha, ngai hpe ninghkap myit ai rai yang gaw,

AMO LAIKA (AMOS) 4:10

“Egutu mung hta ngai dat dat ai ana zinli hte bung ai palik ana zinli hpe nanhte a ntsa de mung ngai shangun dat ni ai. Nanhte a shabrang ni hpe majan pa hta, ngai sat kau ya ni ai; nanhte a gumra ni hpe mung ngai la kau ya ni ai. Nanhte a dap hta si mang ni a manam hkying ai hte nanhte a ladi ni hta ngai jahpring ya ni ai. Shing rai tim, nanhte ngai kaw nhtang wa myit dai n rai.

AMO LAIKA (AMOS) 4:11

“Ngai gaw Sodom hte Gomora hpe jahten sharun kau ai zawn nanhte nkau mi hpe jahten kau ni ai. Naw ngam nga ai nanhte gaw wan mang kaw na shaw la ai hkru nga ai wan nhtaw daw zawn rai nga myit dai. Dai rai ti mung, nanhte ngai kaw nhtang wa myit dai n rai,” nga nna dai Madu tsun ai.

AMO LAIKA (AMOS) 4:6

“Ngai gaw nanhte a mare shagu de hkuwa shabyin dat ai wa rai nga nngai, ti mung nanhte ngai hpang de nhtang wa myit dai n rai.

AMO LAIKA (AMOS) 4:8

Hpang gara nna n-gun kya nga ai mare law law na masha ni gaw hka mu tam la na myit mada mai ai mare de sa ma ai, rai ti mung dai yang e, lu na hka alaw alam nga nga ai n rai. Shing rai tim, nanhte ngai kaw nhtang wa myit dai n rai.

AMO LAIKA (AMOS) 4:9

“Nanhte a hkai nmai nsi naisi ni hpe jahkraw kau shangun na matu kahtet kang ai nbung dat dat nngai. Hkakrit kadawn ni nanhte a sun ni, sabyi sun ni, lakum hpun ni hte tsanlun hpun ni yawng hpe sha kau ma ai. Shing rai tim, nanhte ngai kaw nhtang wa myit dai n rai.

ZEHPANI 3:7

Nye a amyu masha ni ngai hpe hkrit hkungga wa nna, nye a hkang da ai tara matsun ni hpe hkap la wa na mara ai; shanhte hpe ngai sharin shaga ai ga matsun ni hpe galoi mung n malap kau lu na mu ai ngu, ngai myit nawn we ai. Rai ti mung, kade n na yang, shanhte gaw shawoi na hte maren, n hkru n kaja ai hpe shanang galaw wa nga masai.

ROMA 2:2

Shing re ai amu ni hpe galaw ai masha ni a ntsa e Karai Kasang jeyang daw dan ai gaw, teng man nga ai hpe anhte chye nga ga ai.

HEBRE 12:9

Anhte hpe daru sharin ai shinggyim kawa ni hpe anhte hkungga lara di ga ai. Dai rai yang, anhte a Wenyi hte seng ai Kawa a npu e grau nna taw nga let asak hkrung nga ra ga ai n rai hka!