YEREMIA 5:1 - Jinghpaw Common Language Bible 2009

¹ Yerusalem amyu masha ni e, na a nmaw lam hku hprawng mu! Makau grup yin de mada yu mu! Nanhte hkum ni hpe yu yu mu! Shawa gat ginra ni hkan sawk tam yu mu! Ding hpring ai amu galaw nna Karai Kasang hta kangka nga na matu shakut ai masha langai mi hpe nang mu tam n ni? Nang mu tam ai rai yang, dai Madu gaw Yerusalem hpe mara dat ya na ra ai.

Jinghpaw Hanson Version Bible

¹ Ngai gaw, Yerusalem mare hpe yubak shalawt dat lu hkra, dinghpring ai hku hkan nna, kangka lam tam ai wa langai ngai nga yang, dai wa hpe mu hkrup hkra, mare lam ni hte htingwan hkan e gat kahkrang hkawm nna sawk yu mu:

YEREMIA 5:1 ပူးပေါင်းရင်းမြစ်များ

1 HKAWHKAM 19:10

Shi gaw, “Chyahtum chyalai n-gun rawng ai Madu Karai Kasang e, ngai gaw nang - nang hpe chyu sha tut nawng daw jau yu sade ai. Rai ti mung Israela amyu masha ni mahtang nang hte shagrin da ai ga shaka hpe jahten kau nna na a tawn hkungri ni hpe sharun shabya kau let na a myihtoi ni yawng hpe sat kau manu ai. Ngai chyu sha ngam nga ni ai. Shanhte gaw ngai hpe sat kau na matu shanhte tam shakut nga ma ai!,” ngu nna htan wu ai.

2 HKAWHKAM LABAU 16:9

Dai Madu hta sadi sahka myit rawng nga ai ni hpe n-gun atsam jaw ya na nga, shi gaw mungkan ga ting hpe mada azi yu wu ai. Nang chyawm gaw angawk ai hku galaw kau nit dai majaw ya kaw nna hpyen majan tut nawng ahkrum nga na nit dai,” ngu nna tsun wu ai.

SHAKAWN KUNGDAWN 12:1

Madu e, anhte hpe karum la mi! Mai kaja ai masha langai mung n nga sai; ding man ai masha ni hpe mung loi mi pyi n mu lu mat sai.

SHAKAWN KUNGDAWN 14:2

Hpaji rawng nna shi hpe nawku daw jau ai ni nga dam ai rai yang, dai hpe mada yu na matu dai Madu gaw sumsing lamu kaw nna shinggyim masha ni hpe gum yu nga ai.

SHAKAWN KUNGDAWN 14:3

Rai ti mung, shanhte yawng hte gaw shut hpyit ma masai; shanhte yawng hte wa, maren n kaja nga ma ai. Dai teng man ai amu galaw ai masha shanhte hta langai mi mung n nga nga ai, kaja wa, langai mi mung n nga nga ai.

SHAKAWN KUNGDAWN 94:16

Kadai wa gaw nye a maga de tsap nna, tara n lang ai masha ni hpe gumlang yu nga a ni? Kadai wa gaw nye a maga de nga nna, n hkru ai amu galaw ai ni hpe ninghkap yu nga a ni?

GA SHAGAWP 20:6

Masha hkum shagu hte gaw, shi gade sadi dung ai hte kangka nga ai hpe tsun shana nga ma ai; teng teng dai zawn re ai wa hpe kadai mu tam lu nga a hka!

GA SHAGAWP 23:23

Teng man ai, hpaji byeng-ya sharin achyin ai hte chye chyang ai ni hpe manu jahpu jaw nna mari la ging nga ai rai tim, dai gaw manu nau dan ai majaw dut kau na lahpawt lama kaba rai nga ai.

GA SHAGAWP 8:3

Mare de shang wa na chyinghka lam hkan e mung chyinghka makau hkan e mung, shi shaga nga ai:

Shawlumon A Mahkawn Ga 3:2

Ngai gaw mare hkan e mung, de a nmaw lam ni hte lam kaji hkan e mung kahkrang hkawm nngai. Ngai gaw ngai tsaw ra ai wa hpe tam hkawm nngai; ngai mada yu ti mung shi hpe mu lu ai n rai.

ESAIA 59:4

Nanhte tara rung de sa myit dai, rai ti mung nanhte a hpang maga de teng man rap ra ai tara n nga nga ai. Na a amu awng hkra nga, nang gaw masu magaw ga ni hta shamyet shanat nga ndai. Nang gaw masha kaga wa hpe machyi hkra shangun na matu, na a yaw shada lam ni hpe maw mawn nga ndai.

YEREMIA 2:29

Na a aput angun ai gaw hpa wa rai nga a ta? Nang ngai hpe hpa majaw gumlau n ta?

YEREMIA 44:15

Dai hpang, kaga hpara ni hpe shagu hkungga nat nawng ai shanhte a madu jan ni hpe chye nga ai lasha ni yawng hte dai shara hta sa tsap nga ai numsha ni yawng hte wunawng wuwa kaba ngu ai Egutu mung a dingda daw de shanu nga ai Israela amyu masha ni mung lawm hkra rai nna ngai hpe,

YEREMIA 8:6

Ngai atsawm sha madat yu nngai, rai ti mung, nang gaw teng man ai ga n tsun ndai. Nanhte hta na langai mi mung na a n hkru ai amu a jaw e yawn nga ma ai n rai; nanhte hta na langai mi mung, ‘Ngai hpa galaw shut ni ai kun?,’ nga nna san myit dai n rai. Masha hkum shagu hte gaw majan pa de htim sa wa ai gumra zawn shi a lam hta ahkawm nga ai.

YEREMIA 9:2

Nye a amyu masha ni hpe tawn kau nna nam mali hta sa nga na matu, shara langai lu na, ngai ra sharawng nga nngai. Shanhte yawng gaw sadi n dung ma ai, gumle gumlau galaw ai hpung langai rai ma ai.

YEREMIA 9:7

Ndai lam a majaw Chyahtum Chyalai N-gun Rawng ai dai Madu gaw, “Ngai gaw nye a amyu masha ni hpe nhprang arai hpe zawn jen yu na nngai, shanhte hpe ngai chyam dinglik yu na nngai. Nye a amyu masha ni gaw n hkru ai amu galaw masai- Shanhte hpe ngai kaning di lu na rai ta?

EZEKELA 22:30

Nye a masin kahtet ai gaw dai mung hpe jahten kau na matu hkyen nga ai shaloi, ngai gaw bunghku gaw gap lu na masha langai ngai, daw agrawp mat sai bunghku shara ni hta tsap lu ai masha langai ngai hte mungdan hpe makawp maga lu ai masha langai ngai hpe tam yu nngai, rai ti mung ngai gaw kadai hpe mung n mu nngai.

EZEKELA 9:9

Karai Kasang gaw, “Israela hte Yuda amyu masha ni gaw hkrit hpa yubak hte shut hpyit ai mara lu nga ma ai. Shanhte gaw mungdan ting hta sai kap amu shut hpyit kau manu ai hte Yerusalem mung ru hka amu ni hte hpring chyat nga sai. Dai Madu ngai nan shanhte a mungdan hpe kau da nna, shanhte hpe n mu lu sai, nga nna shanhte tsun shajang ma ai.

Daniela 12:4

Shi gaw ngai hpe, “Daniela e, ya chyawm gaw mungkan ga htum mat ai aten du hkra, dai laika hpe la kau nna, de a ntsa e dazik dawk da u. Dai aten laman hpa byin nga ai lam chye na hkawn hkrang wa lu hkra nga, masha law law gaw shanhte shakut shaja ai amu hta aten shama kau na mara ai,” ngu nna tsun wu ai.

YOELA 2:9

Shanhte gaw mare de kanawng matsut lung wa nna, bunghku ni a ntsa hkan kagat hkawm ma ai; dum nta ni a ntsa de lung nhtawm lagu lagut ni zawn hkuwawt hku shang bang ma ai.

AMO LAIKA (AMOS) 8:12

Amyu masha ni gaw Jum Nawng kaw nna Ka-ang Panglai du hkra, dingdung kaw nna sinpraw du hkra ningwan hkawm na mara ai. Shanhte gaw dai Madu kaw na mungga hpe shara shagu hkan tam na mara ai, rai ti mung shanhte dai hpe mu tam na ma ai n rai.

ZEHKARIA 2:4

Shawng na wa gaw kaga wa hpe, “Shadawn sumri lang ai shabrang wa hpang de kagat let ning ngu tsun su; Yerusalem hta grai law ai masha ni hte yam nga hpung ni nga nga ma ai majaw bunghku kum na matu nau kaba ai mare tai na ra ai.

LUKA 14:21

“Dai shangun ma wa gaw Madu kaw wa nna dai lam ni mahkra tsun dan wu ai. Dai ga na jang, nta madu wa gaw masin pawt la ai hte shi a shangun ma hpe, ‘Mare na nmaw lam ni hte htingwan lam ni de alawan sa nna, matsan mayan ni hte jahten labye ni, myi kyaw ai ni hte lagaw hten ai ni hpe shaga woi wa rit,’ ngu nna shangun dat wu ai.

2 HTESALONI 2:10

Dai hta n-ga hten byak hkrum na ni a ntsa e, n hkru n kaja ai hku hkalem hkalau ai lam amyu baw sumhpa galaw na ra ai. Shanhte gaw hkye hkrang la hkrum na matu dai teng man ai lam hpe n hkap la ai hte n tsaw ra ma ai majaw, shanhte hten za si mat na mara ai.