YEREMIA 48:3 - Jinghpaw Common Language Bible 2009

³ Horonaim masha ni gaw, ‘Kashun Kashe du daw sai hkaw law! Jahten shabyak lam law!,’ nga nna marawn jahtau ma ai.

Jinghpaw Hanson Version Bible

³ Horona-im mare mung shamyit kau ai hte run kau ai hkrum nna hkrap shabam nga ai.

YEREMIA 48:3 ပူးပေါင်းရင်းမြစ်များ

ESAIA 15:2

Dibon masha ni gaw nawku shara hta wa hkrap na matu kawng de lung wa ma ai. Moba masha ni gaw Nebo hte Medeba mare ni a matu sharung shayawt nga ma ai; shanhte gaw yawn hkyen ai hte shanhte a baw ni hte nhka mun ni hpe shangun kau ma ai.

ESAIA 15:5

Nye a myit masin gaw Moba a matu hkrap nga a hka! Masha ni gaw Zoara hte Eglat Shelishiya kahtawng de hprawng mat wa masai. Nkau mi gaw hkrap let Luhit mare lam de lung wa ma ai; nkau mi gaw Horonaim de ja ja yawn ai hte hprawng mat wa ma ai.

ESAIA 15:8

Jahtau hkrap ai nsen gaw Moba mung a lamu ga jarit shara shagu hkan du hkra na lu nga ai. Dai nsen hpe Eglaim hte Berelim mare du hkra na lu nga ai.

ESAIA 22:4

Ya chyawm gaw si mat wa sai nye a amyu masha ni yawng a jaw e ahkup ahka nga hkra hkrap sharung na matu ngai hpe sha tawn da mi. Ngai hpe shalan shabran hkum rai myit.

YEREMIA 20:16

Madu gaw matsan dum ai lam n nga ai sha dai mare ni hpe jahten kau ai zawn, shi tai nga u ga. Jahpawt manap e nchyi nmu nga nna jahtau ai nsen ni hte shani chyingtung e majan jasu shadum ai nsen ni shi na u ga,

YEREMIA 47:2

Shi gaw, “Yu mu! Dingdung shara hta hka ni rawt tung nga ai, dai gaw hka nu hpungtun zawn agre yu wa na ra ai. Dai gaw mungdan hpe mung, dai hta rawng marawng ni hpe mung, mare ni hte dai mung hta shanu nga ai amyu masha ni hpe mung ka-up kau na ra ai. Amyu masha ni mung karum la na matu tsun jahtau na mara ai; ginding aga ntsa na masha shagu hte gaw ahkup ahka nga hkra hkrap na mara ai.

YEREMIA 48:34

“Heshbon masha ni hte Eleale masha ni marawn jahtau ai shanhte a nsen hpe Yahaza du hkra na lu nga ai; dai nsen hpe Zoara mare hta nga ai masha ni mung na lu ma ai; Horonaim hte Eglat Shelishiya du hkra mung na lu nga ai; Nimrim hka shi pyi hkyet mat sai.

YEREMIA 48:4

“Moba gaw jahten shabyak kau hkrum nu ai; ma kaji ni hkrap nga ai nsen hpe madat mu.

YEREMIA 48:5

Luhit mare de lung wa ai lam dingyang hta, shanhte a hkrap agru ai nsen hte Horonaim de yu wa ai hkrun lam hta myit ru myit yak ai a hkrap agru ai nsen hpe na lu nga ai.

YEREMIA 51:54

Dai Madu gaw, “Babelon mung na hkrap shabam ai nsen, dai mung hpe jahten shaza ai a majaw sharung shayawt ai nsen hpe madat mu.