YEREMIA 48:2 - Jinghpaw Common Language Bible 2009

² Moba a hkik hkam ai gaw n nga mat sai. Gumlau hpyen gaw Heshbon hpe wang tawn da nhtawm Moba masha ni hpe shamyit kau na maw mawn nga ma ai. Madmen mare gaw shingran katsi mat nna, hpyen luksuk ni dai mare hpe lung gasat na mara ai.

Jinghpaw Hanson Version Bible

² Moba mung hpe htawm hpang e shakawn kungdawn lu na n rai; hpyen ni gaw, Sa marit, Moba gaw amyu n tai lu hkra, shi hpe shagrawm kau gaw, nga nna Heshbon mare hta e pyi shi a lam hpaji daw ma ai. Nang mung Madmen e, katsi katsang rai wa na ndai; nhtu gaw nang hpe shachyut na ra ai.

YEREMIA 48:2 ပူးပေါင်းရင်းမြစ်များ

ESAIA 15:1

Ndai gaw Moba hte seng ai mungga rai nga ai. Ara hte Kira mare ni gaw lana mi hta sha jahten kau hkrum nga ai, Moba mung hta katsi katsang shara tai nga ai.

ESAIA 15:5

Nye a myit masin gaw Moba a matu hkrap nga a hka! Masha ni gaw Zoara hte Eglat Shelishiya kahtawng de hprawng mat wa masai. Nkau mi gaw hkrap let Luhit mare lam de lung wa ma ai; nkau mi gaw Horonaim de ja ja yawn ai hte hprawng mat wa ma ai.

ESAIA 16:14

Ya chyawm gaw, dai Madu gaw, “Moba a galu kaba ai sut gan gaw masum ning laman hta teng teng hkoi mat na ra ai. Dai mung na masha law law hta na nkau mi sha asak hkrung nga na mara ai, shanhte gaw n-gun kya mat na mara ai,” ngu nna tsun wu ai.

ESAIA 25:10

Dai Madu gaw Ziun Bum hpe makawp maga na ra ai, rai ti mung Moba masha ni chyawm gaw yihku hpe ngahkyi hta kabye anyak kau ai zawn kabye anut kau ai hkrum na mara ai.

YEREMIA 25:15

Dai Madu Israela a Karai Kasang gaw ngai hpe, “Ndai sabyi gawm hta nye a pawt sindawng ai hte jahpring da u. Dai hpe ngai nang hpe shangun dat ai masha amyu baw ni yawng hpang de la sa nna, dai gawm kaw na shanhte hpe lu shangun u.

YEREMIA 25:17

Dai re ai majaw, ngai gaw dai gawm hpe dai Madu a lata kaw nna la nhtawm Madu ngai hpe sa shangun dat ai masha amyu baw ni yawng hpang de dai hpe sa jaw ai hte dai gawm kaw nna shanhte hpe lu shangun se ai.

YEREMIA 31:36

Mungkan shingra htung tara agrin nga dingsa Israela amyu masha ni amyu baw langai hku agrin nga na ra ai nga nna shi ga sadi tawn da nga ai.

YEREMIA 33:24

“Ndai ngai lata san da sai dinghku amyu lahkawng rai nga ai Israela hte Yuda hpe ngai kau da ni ai nga nna masha ni kade tsun nga ma ai hpe nang myit dum yu nga n ni? Shanhte gaw nye a amyu masha ni hpe n kaw n law rai mada yu ma ai; shanhte hpe amyu langai mi zawn loi mi pyi n myit nawn da ma ai.

YEREMIA 46:28

Ngai gaw nanhte kaw sa nna hkye la na nngai. Ngai nanhte hpe shabra kau dat ai mungdan na masha amyu baw yawng hpe ngai jahten kau na nngai. rai ti mung, ngai nang hpe jahten kau na n rai. Ngai gaw nanhte hpe ari n jaw ai sha dat dat na n rai; rai ti mung, ngai nang hpe ari jaw ai shaloi, ngai gaw teng man rap ra nga na nngai. Dai Madu ngai nan tsun ni ai.”

YEREMIA 48:17

“Shi a makau grup yin e nga nna, shi a mying dan hkung ai hpe chye ai ni nanhte yawng gaw, dai masha amyu baw a matu sharung shayawt nga mu. ‘Dai mung a daru magam n-gun hte hpring ai up hkang lam gaw daw agrawp mat nga sai; de a arawng sadang hte chyalai n-gun gaw galoi mung dawng pru lu na sai n rai,’ nga nna tsun ai.

YEREMIA 48:42

Moba mung gaw ngai hpe gumlau nga ai majaw, dai mungdan gaw jahten sharun kau hkrum ai hte galoi mung amyu hku tai na ra ai n rai.

YEREMIA 48:45

Matsan mayan tsin-yam tsindam hkrum ai ni gaw Heshbon shara ngu ai lang mi Hkawhkam Sihon up hkang lai wa sai rai tim, wan hkru mat sai mare hta shingbyi shara tam shakut ma ai. Dai wan gaw majan shawng lam hte Moba mung na majan asai marit ai Moba masha ni a tsaw ai bum ni kaw du hkra hkru kau nga ai.

YEREMIA 49:3

Heshbon mare masha ni e, marawn jahtau nga mu! Ai mare gaw hten za mat sai! Raba shayi sha ni e, sharung shayawt nga mu! Lachyit nba bu hpun nna sharung shayawt nga mu! Waw de kagat, le de kagat rai kagat kahkrang hkawm nga mu. Nanhte a Molek hpara gaw shi a hkinjawng ni hte hkawhkam shadang sha ni hte rau bawng rim mat wa hkrum na mara ai.

YEREMIA 49:37

Shanhte hpe sat kau na matu asak gyam ai shanhte a gumlau hpyen ni hpe hkrit shangun na we ai. Nye a sindawng kahtet ai hta, ngai gaw Elam mung masha ni hpe shamyit kau na nngai, shing rai ngai gaw shanhte hpe gasat shamyit kau ngut ai aten du hkra, shanhte hpang de hpyen luksuk ni hpe shangun dat na nngai.

BU HKAWM 32:37

Rubin amyu bawsang ni gaw Heshbon, Eleale, Kiriahtim