YEREMIA 47:3 - Jinghpaw Common Language Bible 2009

³ Shanhte gaw gumra lahkru ngoi ai nsen hpe mung, hpyen leng ni a wu kadu ai nsen hpe mung, leng dingsen ni a ngoi garu ai nsen hpe mung na na mara ai. Kanu kawa ni gaw shanhte a kashu kasha ni hpe karum na matu bai kayin wa lu na mara ai n rai; shanhte a lata ni n-gun yawm ai hte kya noi taw nga na mara ai.

Jinghpaw Hanson Version Bible

³ Shi a hpyen gumra ni a lahkru nsen, shi a hpyen leng ni wu kadu ai hte leng dingsen ni ngoi ai majaw, kawa ni gaw lata n-gun yawm nna, kasha ni hpe pyi kayin yu ma ai n rai;

YEREMIA 47:3 ပူးပေါင်းရင်းမြစ်များ

ESAIA 5:28

Shanhte a pala ni masen nga ai; shanhte a ndan ni gap na matu shachyen da chyalu rai nga ai. Shanhte a gumra lahkru ni gaw hpai lung zawn ja nga ai; shanhte hpyen leng dingsen ni gaw bung hpoi zawn chyai nga ai.

YEREMIA 46:9

Hpyen gumra ni pru sa nna, hpyen leng ni hkawm taleng nga na hkang dat nu ai! Ehtiopi mung hte Libya mung na hpyen ninggang ni hpe lang nga ai hpyenla ni hte Ludi mung na ndan chye shachyen ai masha ni pru wa mu ga,’” ngu nna tsun wu ai.

YEREMIA 50:42

Shanhte gaw shanhte a ndan ni hte nhtu ni hpe shaw da manu ai; shanhte gaw gumshem ai hte matsan n chye dum ma ai. Shanhte gumra ni jawn sa wa ma yang, dai nsen gaw panglai hka wu kadu ai zawn rai nga ai. Shanhte gaw Babelon hpe gasat na jin jin rai nga masai.

YEREMIA 8:16

Anhte a gumlau hpyen ni gaw Dan a mare hta nga nga masai; shanhte a gumra ladi sharat ai nsen ni hpe mung anhte na lu ga ai. Shanhte a gumra ni shabam dat ai shaloi, mung ting gari ganan nga ai. Anhte a gumlau hpyen ni gaw anhte a mungdan hte dai hta rawng ai arai nga manga ni hpe mung, anhte a mare hte dai hta shanu nga ai mare masha ni yawng hte hpe jahten kau na matu du shang wa masai.”

EZEKELA 23:24

Shanhte gaw dingdung maga hku hpyen leng ni, rai htaw leng ni hte hpawn hpyen luksuk kaba ni hpe woi yu wa nhtawm nang hpe gasat na mara ai. Shanhte gaw tinang hkum hpe makawp maga ya ai hpyen ninggang ni hte hpyen gupchyawp ni hte nang hpe wang da na mara ai. Ngai gaw nang hpe shanhte a lata de ap kau nna shanhte gaw shanhte a htung tara hte maren nang hpe jeyang na mara ai.

NAHUM 2:4

Hpyen leng ni nmaw lam hkan gat dumbri lai nna, mare lawk ni hkan kahkrang hkawm nga ma ai. Shanhte gaw wan shanan zawn htoi tu nna myihprap wan zawn gala nga ma ai.

NAHUM 2:8

Namhpai jahten kaw na hka zawn, masha ni gaw Ninewe kaw na hprawng pru wa ma ai! “Hkring mu! Hkring mu!,” ngu nna hkan jahtau ti mung, kadai mung nhtang kayin yu ma ai n rai.

SHINGRAN 9:9

Shanhte a sinda ni hpe hpri sinda magap zawn san ai hte magap tawn da nga ai. Shanhte a singkaw ni kahprap ai nsen gaw, hpyen gasat htim ai gumra leng law law wu ngoi ai nsen hte bung nga ai.

TARA AGYI 5:22

Dai hpang gumra ni gumtawng bukbak wa nhtawm, dai ni a lagaw lahkru hkindit dukdak kadu malu ai.