YEREMIA 45:3 - Jinghpaw Common Language Bible 2009

³ nang gaw, ‘Ngai asum jaw ni ai! Dai Madu gaw nye a ru tsang ai hta yawn hkyen ai mung kahtap jaw ni ai, ngai gaw yawn madai ai hte hki ba nga nngai, ban sa la na lam hpa mung ngai n mu lu nngai!,’ nga nna tsun nga ndai.

Jinghpaw Hanson Version Bible

³ nang mahtang, Ngai dingnye lu nngai; Yehowa ngai gawng run ai hta yawn hkyen ai kahtap ya ni ai; ngai gaw yawn madai ai hte hki ba la nngai; ban sa n hkrum nngai, nga ndai.

YEREMIA 45:3 ပူးပေါင်းရင်းမြစ်များ

SHAKAWN KUNGDAWN 120:5

Nanhte a lapran e ngai nga nga ai gaw Meshek mung hta e nga nga ai zawn mung; Kedara amyu masha ni a lapran e nga nga ai zawn mung, nni nkri rai nga ai.

SHAKAWN KUNGDAWN 27:13

Ngai naw hkrung nga ai prat hte hta Madu a mai kaja ai lam hpe ngai mu lu na hpe ngai chye nga nngai.

SHAKAWN KUNGDAWN 6:6

Ngai yawn hkyen ai hte hki ba la nga nngai, nye a hkrap agru ai kaw na pru ai myi prwi gaw nye a yupra hpe madi ya nga ai rai nna, nye a baw hkum mung myi prwi ni hte madi nyap nga li ai.

SHAKAWN KUNGDAWN 6:7

Nye a gumlau hpyen ni a majaw myi bum mat hkra hkrap nna, ngai gaw adan aleng n mu lu nga nngai.

SHAKAWN KUNGDAWN 69:3

Ngai gaw karum la na matu marawn jahtau nngai majaw hki ba nga nngai, nye a yu hkraw mung machyi nga li ai. Nang karum la na hpe mada yu nga nngai majaw nye a myi ni mam mat li ai.

GA SHAGAWP 24:10

Ru yak tsin-yam hkrum ai aten hta, nang gawng kya nga ai rai yang, nang gaw teng sha n-gun kya ai wa rai nga ndai.

YEREMIA 45:2

dai Madu, Israela a Karai Kasang gaw, “Baruk e,

YEREMIA 8:18

Nye a yawn hkyen ai gaw shamai shatsai lu na n rai; Ngai gaw myit masin hta machyi nga nngai.

YEREMIA 9:1

Nye a baw gaw hka htung hka, nye a myi ni gaw myi prwi hka hpawk tai mat na ngai ra sharawng nngai, shaloi ngai gaw sat kau hkrum sai nye a amyu masha ni a matu shani shana hkrap lu na rai nngai.

SHARUNG SHAYAWT 1:13

“Shi gaw nye a hkum kata hkru na wan hpe ntsa kaw nna shangun dat wu ai. Shi gaw nye a matu mahkam hkam da nu ai hte ngai hpe ga de jahkrat da ni ai. Shi gaw ngai hpe kau da nu ai hte nhtum nni re ai nchyi nmu hta ngai hpe tawn da nu ai.

SHARUNG SHAYAWT 1:22

“Shanhte a n hkru ai amu yawng a matu shanhte hpe daw dan u; Nye a shut hpyit ai yubak ni a majaw nang ngai hpe ari jaw ndai zawn, shanhte hpe ari jaw u. Ngai gaw nchyi nmu hkrum ai hte madai sharung nga nngai; ngai myit machyi nga nngai.”

SHARUNG SHAYAWT 3:32

Shi gaw anhte hpe yawn hkyen ai amu shapraw dan ti mung, anhte a matu shi a tsaw ra myit gaw kam ram ai hte n-gun ja nga ai.

2 KORINHTU 4:1

Karai Kasang gaw shi a matsan dum ai myit a jaw e, anhte hpe ndai magam gun hpai na amu ap ya mani ai rai nna, anhte hta myit daw n-gun yawm ai lam n nga ai.

2 KORINHTU 4:16

Ndai lam ni a majaw anhte gaw galoi mung myit n hten, n-gun n yawm ga ai. Anhte a shinggan lam hku myi hte mu lu nga ai shinggyim hkrang gaw yat yat sha hten run mat wa nga ai, rai ti mung kata na wenyi hkrang gaw lani hte lani ningnan bai galai lajang ai hpe hkam la nga ga ai.

GALATI 6:9

Dai rai nna kaja ai amu galaw na anhte n hki n sang nga ga; hpa majaw nga yang, anhte myit n yaw, myit n daw ga yang gaw, aten ladaw du jang anhte dan la na raga ai.

2 HTESALONI 3:13

Rai ti mung hpu nau ni e, nanhte mai kaja ai amu galaw na hkum hki ba dum nga myit.