YEREMIA 42:3 - Jinghpaw Common Language Bible 2009

³ Anhte hkawm sa ang ai hkrun lam hte anhte hpa galaw ang ai amu hpe dai Madu anhte a Karai Kasang anhte hpe lam madun la mi ga, akyu hpyi ya mi law,” ngu nna tsun ma ai.

Jinghpaw Hanson Version Bible

³ anhte sa wa na lam hte, anhte galaw na ra ai amu ni hpe, na a Karai Kasang Yehowa anhte hpe madun dan mi ga, naw ngam nga ai ni anhte a matu, na a Karai Kasang Yehowa kaw hpyi nem tawngban ya mi, ngu nna hpyi mu ai.

YEREMIA 42:3 ပူးပေါင်းရင်းမြစ်များ

1 HKAWHKAM 8:36

shanhte a hpyi nem ai ga hpe sumsing lamu hta madat mara ya u. Hkawhkam wa hte Israela amyu masha ni a shut kau ai yubak mara ni hpe mara dat ya u. Jaw ai amu hpe galaw na shanhte hpe sharin ya u law. O Madu e, na a amyu masha ni hpe nang jaw da ai htani htana sali ga ngu ai ndai na a lamu ga ntsa e marang jahtu ya mi law.

EZRA 8:21

Anhte a Karai Kasang a man e anhte yawng lusha gam nna tinang hkum hpe shagrit shanem na matu mung, anhte a hkrun lam hpe woi awn ya na hte anhte hpe mung anhte a kashu kasha ni hpe mung, anhte a sut gan ni hpe mung makawp maga ya na matu shi kaw hpyi nem na matu shanhte hpe Ahawa hka makau e hkang da ni ai.

SHAKAWN KUNGDAWN 27:11

Madu e, nang ngai hpe hpa galaw shangun mayu ai lam ngai hpe sharin ya e, Ngai gaw gumlau hpyen law law lu nga nngai majaw, shim ai lam dingyang hta ngai hpe woi lakawn wa rit.

SHAKAWN KUNGDAWN 86:11

Madu e, nang ngai hpe galaw shangun mayu ai lam ngai hpe sharin ya e, ngai gaw na a ga hpe kangka ai hte madat mara nga na nngai; nang hpe tsep kawp ap nawng ai myit masin hte daw jau lu na lam, ngai hpe sharin ya e.

GA SHAGAWP 3:6

Nang galaw ai lam shagu hte hta, dai Madu hpe dum nga u; shing rai yang, shi gaw ding man ai lam, nang hpe madun dan na ra ai.

ESAIA 2:3

shanhte a masha ni gaw, “Anhte dai Madu a bum a de, Israela a Karai Kasang a Nawku Htingnu nga ai shara de lung wa saga. Shi gaw anhte hpe shi galaw shangun mayu ai lam sharin ya na ra ai; anhte gaw shi lata da nu ai lam ni hta hkawm sa na ga ai. Dai Madu a sharin ai ga Yerusalem kaw nna pru nhtawm; shi gaw Ziun kaw nna shi a amyu masha ni hpe shaga nga ai.”

YEREMIA 6:16

Dai Madu gaw shi a amyu masha ni hpe, “Lam numshe hkan e tsap nga nna yu yu mu. Lam dingsa ni hte kaja htum ai lam hpe san mu; shing rai dai lam hta hkawm sa mu, shaloi nang gaw myit masin sim sa ai hte nga lu na rai ndai,” ngu nna tsun ni ai. Rai ti mung, shanhte gaw, “N rai law, anhte n hkan na ga ai!,” ngu nna tsun ma ai.

MIHKA 4:2

shanhte a amyu masha ni gaw, “Anhte gaw dai Madu a kawng, Israela a Karai Kasang a Nawku Htingnu de lung wa saga. Shi gaw anhte hpe galaw shangun mayu ai lam sharin ya na ra ai; anhte gaw shi lata da sai lam hta hkawm sa na rai ga ai. Hpa majaw nga yang, dai Madu a sharin shaga ai ga gaw Yerusalem kaw nna rai nga ai; shi a amyu masha ni hpe shi tsun ai ga gaw Ziun kaw na rai nga ai,” ngu nna tsun na mara ai.

TARA JAHPRANG 5:26

Wan kata kaw na shaga ai dai ahkrung nga ai Karai Kasang a nsen hpe na ai shinggyim masha kadai wa hkrung nga lu a ta?

TARA JAHPRANG 5:29

Shanhte dai zawn tut nawng hkam sha nga ma hka! Ngai hpe tut nawng shagrau sha-a nna nye a hkang da ai ga yawng hpe hkan galaw mu ai rai yang chyawm gaw, shanhte hte shanhte a matu mara ni a lam magup hta htani htana ngamu ngamai wa na rai ma ai.