YEREMIA 41:2 - Jinghpaw Common Language Bible 2009

² Ishmaela hte rau marai shi hte gaw shanhte a nhtu ni shaw la nhtawm Gedalia hpe sat kau ma ai.

Jinghpaw Hanson Version Bible

² Shaloi Nehtania kasha Ishmaela gaw, dai marai shi hte rau rawt nna, Babelon hkawhkam a ahkang hte munggyi tai nga ai Shahpan a kashu Ahikam a kasha Gedalia hpe nhtu hte kahtam sat kau mu ai.

YEREMIA 41:2 ပူးပေါင်းရင်းမြစ်များ

2 SAMUELA 3:27

Abna gaw Hebron mare de bai du jang, shi hpe shaga mayu ai majaw dinghkrai la nna mare chyinghka lam makau de woi sa nhtawm dai yang e shi a kan hpe nhkyi hte galun ya wu ai. Abna gaw Yoab a kanau Asahela hpe sat kau wu ai majaw shi mung sat kau ai hkrum nga wu ai.

2 HKAWHKAM 25:25

Rai ti mung shata sanit ngu na dai shaning hta Nehtania a kasha Ishmaela mung, hkawhkam dinghku na Elishama a kashu hte gaw kaga marai shi hte rau Mizpa mare de sa nna Gedalia hpe sa sat kau mu ai. Shi gaw dai yang e shi hte rau nga ai Babelon masha ni hte Israela masha ni hpe sat kau wu ai.

SHAKAWN KUNGDAWN 109:5

Shanhte gaw kaja ai a malai n hkru n shawp ai, tsaw ra myit a malai n ju n dawng ai myit ni hte ngai hpe bai tai ma ai.

SHAKAWN KUNGDAWN 41:9

Ngai hpe grau nna kam hpa let ngai hte rau shat jawm sha ai nye a kaja htum ai manang wa pyi ngai hpe nhtang gumlau kau nu ai.

YEREMIA 40:14

shi hpe, “Amon Hkawhkam Bali gaw nang hpe sat na matu Ishmaela hpe shangun dat sai lam nang n chye n ni? Shing ngu san nga ti mung Gedalia gaw dai ga hpe n kam wu ai.

YEREMIA 40:16

Rai ti mung, Gedalia mahtang, “Dai amu hpe hkum galaw et! Ishmaela hpe lakap nna nang tsun nga ai lam gaw n teng nga ai!,” ngu nna htan wu ai.

YEREMIA 40:5

Ngai hpa mung n htan ai sha nga nga yang, Nebuzaradan gaw, “Babelon hkawhkam wa, Yuda mare ni a ntsa e up hkang na du aya dang da ai Shahpan a kashu, Ahikam a kasha Gedalia hpang de nhtang wa su. Nang shi hte rau nga nga nna mung masha ni a lapran e mung shanu nga u, shing n rai, nang sawn yu nna htuk dum ai kaning re ai shara de rai tim, nang sa wa lu na rai ndai,” ngu nna tsun wu ai. Dai hpang shi gaw ngai hpe kumhpa hte lusha loi mi jaw dat nna shabawn dat wu ai, ngai mung nye a lam ang ai de pru mat wa nngai.

YEREMIA 40:7

Yuda amyu masha du salang ni hte hpyen luksuk nkau mi gaw lata n sharawt asum n hkam ai sha nga nga ma ai. Babelon Hkawhkam wa gaw Gedalia hpe Yuda mung du aya hta dang ya nhtawm, Babelon mung de woi la n hkrum ai amyu masha ni yawng hte dai mung na matsan mayan htum ai amyu masha ni hpe up hkang shangun nga ai lam hpe shanhte na ma ai.

YEREMIA 40:8

Dai rai nna, Nehtania a kasha Ishmaela, Karea a kasha Yohanan hte Yonahtan, Tanhumet a kasha Seraia, Netohpa amyu Ehpai a shadang sha ni hte Mahka amyu Yezania ni gaw shanhte a masha ni hte rau Mizpa mare e nga ai Gedalia hpang de du ma ai.

YEREMIA 41:3

Ishmaela gaw Mizpa mare e Gedalia hte rau nga ai Israela masha mahkra hpe mung, dai yang e nga ang ai Babelon hpyen masha ni hpe mung sat kau wu ai.

YAWHAN 13:18

Nanhte yawng hpe sha-ang nna ngai tsun nga nngai n rai; ngai lata la tawn sai ni hpe gaw ngai chye da we ai. Rai ti mung, Chyum Laika hta, nye a shat sha ai wa gaw, shi a lahtin hte ngai hpe hkindit nngai, nga nna ka da ai ga dik wa lu na matu rai nga ai.