YEREMIA 41:1 - Jinghpaw Common Language Bible 2009

¹ Dai shaning a shata sanit ngu na hta, hkawhkam amyu rai nga nna, hkawhkam wa a hpyen du kaba Elishama a kashu, Nehtania a kasha Ishmaela gaw marai shi hte rau mung du Gedalia hpe sa hkrum na matu Mizpa de pru sa mat wa ma ai, shanhte yawng lusha jawm lusha nga ma yang,

Jinghpaw Hanson Version Bible

¹ Ya shata sanit hta e, hkawhkam amyu rai nga ai, hkawhkam a hpyen du kaba Elishama kashu, Nehtania kasha Ishmaela gaw, marai shi hte rau, Mizpa mare e dung nga ai Ahikam a kasha Gedalia hpang de sa du nna, shanhte gaw Mizpa mare hta rau lusha nga ma ai.

YEREMIA 41:1 ပူးပေါင်းရင်းမြစ်များ

2 SAMUELA 3:27

Abna gaw Hebron mare de bai du jang, shi hpe shaga mayu ai majaw dinghkrai la nna mare chyinghka lam makau de woi sa nhtawm dai yang e shi a kan hpe nhkyi hte galun ya wu ai. Abna gaw Yoab a kanau Asahela hpe sat kau wu ai majaw shi mung sat kau ai hkrum nga wu ai.

2 HKAWHKAM 11:1

Hkawhkam Ahazia a kanu Ahtalia gaw shi a kasha sat kau hkrum sai lam hpe chye jang, hkawhkam dinghku masha ni yawng hpe sat sharu kau na matu shi hkang dat wu ai.

2 HKAWHKAM 25:22

Babelon Hkawhkam Nebuhkadneza gaw Shahpan a kashu, Ahikam a kasha Gedalia hpe Yuda mung du shatai nhtawm, Babelon mung de woi la n hkrum ai ni yawng hpe woi hpareng na matu shi hpe san tawn da wu ai.

2 HKAWHKAM 25:25

Rai ti mung shata sanit ngu na dai shaning hta Nehtania a kasha Ishmaela mung, hkawhkam dinghku na Elishama a kashu hte gaw kaga marai shi hte rau Mizpa mare de sa nna Gedalia hpe sa sat kau mu ai. Shi gaw dai yang e shi hte rau nga ai Babelon masha ni hte Israela masha ni hpe sat kau wu ai.

2 HKAWHKAM LABAU 22:10

Hkawhkam Ahazia a kanu Ahtalia gaw shi a kasha sat kau hkrum sai lam hpe chye jang, Yuda hkawhkam dinghku masha ni yawng hpe sat sharu kau na matu shi hkang dat wu ai.

SHAKAWN KUNGDAWN 109:5

Shanhte gaw kaja ai a malai n hkru n shawp ai, tsaw ra myit a malai n ju n dawng ai myit ni hte ngai hpe bai tai ma ai.

SHAKAWN KUNGDAWN 41:9

Ngai hpe grau nna kam hpa let ngai hte rau shat jawm sha ai nye a kaja htum ai manang wa pyi ngai hpe nhtang gumlau kau nu ai.

GA SHAGAWP 13:10

Myit tsaw myit dap ai lam gaw ru yak tsin-yam hta lai nna, hpa hpe mung shabyin ya lu ai n rai; hpaji jaw ya na matu hpyi lajin ai lam gaw hpaji grau rawng nga ai.

GA SHAGAWP 27:4

Pawt sindawng ai gaw matse ai hte jahten shabya nga ai, rai tim manawn masham ai a jahten sharun ai gaw shadawn n mai hkra grau sawng nga ai.

YEREMIA 36:12

Dai hpang, shi gaw hkawhkam htingnu de sa wa nhtawm du salang ni yawng zup hpawng dung nga ai htingnu amu madu wa a gawk de yu wa ai. Dai shara hta e, Elshama ngu ai htingnu amu madu wa, Shemaia a kasha Delaia, Akbora a kasha Elnahtan, Shahpan a kasha Gemaria, Hanania a kasha Zedekia hte kaga du salang ni yawng nga nga ma ai.

YEREMIA 36:20

Du salang ni gaw htingnu amu madu rai nga ai Elishama a gawk kata de dai laika katsu tawn da nna, byin lai wa sai lam mahkra hkawhkam wa hpe tang madun na nga, hkawhkam htingnu de shang mat wa ma ai.

YEREMIA 39:14

ngai hpe hkawhkam wang, htawng wang kata kaw na sa woi la ma ai. Shanhte gaw ngai dum nta de shim ai hte du wa sai hpe mu mayu nga ai Shahpan a kashu Ahikam a kasha Gedalia a lanu lahku ai npu hta ngai hpe wa ap da ma ai. Ngai gaw dai shara hta mung masha ni hte rau nga nga nngai.

YEREMIA 40:13

Dai hpang, Yohanan hte lata garai n sharawt ai hpyen luksuk ni a hpyen du ni gaw Mizpa mare e nga ai Gedalia hpang de sa nna

YEREMIA 40:5

Ngai hpa mung n htan ai sha nga nga yang, Nebuzaradan gaw, “Babelon hkawhkam wa, Yuda mare ni a ntsa e up hkang na du aya dang da ai Shahpan a kashu, Ahikam a kasha Gedalia hpang de nhtang wa su. Nang shi hte rau nga nga nna mung masha ni a lapran e mung shanu nga u, shing n rai, nang sawn yu nna htuk dum ai kaning re ai shara de rai tim, nang sa wa lu na rai ndai,” ngu nna tsun wu ai. Dai hpang shi gaw ngai hpe kumhpa hte lusha loi mi jaw dat nna shabawn dat wu ai, ngai mung nye a lam ang ai de pru mat wa nngai.

YEREMIA 40:6

Ngai gaw Mizpa mare hta nga ai Gedalia hpang de wa nna, dai mungdan hta naw ngam nga ai amyu masha ni hte rau nga nga nngai.

YEREMIA 40:7

Yuda amyu masha du salang ni hte hpyen luksuk nkau mi gaw lata n sharawt asum n hkam ai sha nga nga ma ai. Babelon Hkawhkam wa gaw Gedalia hpe Yuda mung du aya hta dang ya nhtawm, Babelon mung de woi la n hkrum ai amyu masha ni yawng hte dai mung na matsan mayan htum ai amyu masha ni hpe up hkang shangun nga ai lam hpe shanhte na ma ai.

YEREMIA 40:8

Dai rai nna, Nehtania a kasha Ishmaela, Karea a kasha Yohanan hte Yonahtan, Tanhumet a kasha Seraia, Netohpa amyu Ehpai a shadang sha ni hte Mahka amyu Yezania ni gaw shanhte a masha ni hte rau Mizpa mare e nga ai Gedalia hpang de du ma ai.

EZEKELA 17:13

Shi gaw hkawhkam wa a dinghku masha langai hpe woi la nhtawm shi hte ga shaka tawn da nna, shi hta sadi dung nga na matu shi hpe dagam shangun wu ai. Shi gaw dai mungdan hta bai n kasu kabrawng na matu

YAWHAN 13:18

Nanhte yawng hpe sha-ang nna ngai tsun nga nngai n rai; ngai lata la tawn sai ni hpe gaw ngai chye da we ai. Rai ti mung, Chyum Laika hta, nye a shat sha ai wa gaw, shi a lahtin hte ngai hpe hkindit nngai, nga nna ka da ai ga dik wa lu na matu rai nga ai.