YEREMIA 40:7 - Jinghpaw Common Language Bible 2009

⁷ Yuda amyu masha du salang ni hte hpyen luksuk nkau mi gaw lata n sharawt asum n hkam ai sha nga nga ma ai. Babelon Hkawhkam wa gaw Gedalia hpe Yuda mung du aya hta dang ya nhtawm, Babelon mung de woi la n hkrum ai amyu masha ni yawng hte dai mung na matsan mayan htum ai amyu masha ni hpe up hkang shangun nga ai lam hpe shanhte na ma ai.

Jinghpaw Hanson Version Bible

^7-8 Ya Babelon hkawhkam gaw, Ahikam a kasha Gedalia hpe, dai mung ntsa e du aya dang da nna, Babelon mare de bawng n rim wa lawm ai lasha, numsha, ma kaji ni hte mungdan hta matsan mayan htum ai ni hpe shi kaw ap ya ai lam, nam ginwang e nga ai hpyen du ni hte hpyen luksuk ni na ma yang, shanhte gaw tinang masha ni hte rau, Mizpa mare e nga ai Gedalia hpang de du ma ai: dai ni gaw Nehtania kasha Ishmaela, Karea kasha Yohanan hte Yonahtan, Tanhumet a kasha Seraia, Netohpa amyu Ehpai a kashu kasha ni hte Mahka amyu Yezania hte rai ma ai.

YEREMIA 40:7 ပူးပေါင်းရင်းမြစ်များ

2 HKAWHKAM 25:12

Rai ti mung shi gaw matsan htum ai amyu masha ni hpe Yuda mung e shangam kau da nhtawm sut gan hpa mung n madu lu ai ni hpe dai mung na sabyi sun ni hte sun hkauna ni hta amu shang galaw na matu tawn kau da ya wu ai.

2 HKAWHKAM 25:4

mare bunghku ni hpe tawk waw pru wa ma ai. Babelon masha ni gaw dai mare hpe wang shinggrup da nga ma ti mung, share shagan ai hpyenla ni yawng gaw hkawhkam wa a sun makau na bunghku lahkawng a lapran na chyinghka lam hku shana e shanhte pru nhtawm Yawdan Kadit ang ang de hprawng pru mat wa ma ai.

YEREMIA 39:10

Shi gaw sut gan hpa mung n lu ai matsan mayan masha nkau mi hpe Yuda mung e ngam tawn da nhtawm sabyi sun ni hte yi hkauna ni, shanhte hpe jaw da wu ai.

YEREMIA 39:14

ngai hpe hkawhkam wang, htawng wang kata kaw na sa woi la ma ai. Shanhte gaw ngai dum nta de shim ai hte du wa sai hpe mu mayu nga ai Shahpan a kashu Ahikam a kasha Gedalia a lanu lahku ai npu hta ngai hpe wa ap da ma ai. Ngai gaw dai shara hta mung masha ni hte rau nga nga nngai.

YEREMIA 39:4

Hkawhkam Zedekia hte shi a share shagan hpyen masha ni mahkra dai byin nga ai masa hpe mu ma ai shaloi, shanhte gaw dai shana jang mare kaw nna hprawng pru mat wa na matu shakut nga ma ai. Shanhte gaw hkawhkam wa a sun de sa wa ai lam hku pru mat wa nhtawm bunghku lahkawng hpe matut da ai lapran chyinghka lam hku Yawdan Kadit de hprawng mat wa ma ai.

YEREMIA 39:9

Hpang jahtum, hpyen luksuk ni a hpyen du Nebuzaradan gaw mare hta naw ngam nga ai amyu masha ni hte shi hpang maga de lata sharawt shang wa ai masha ni hte hpawn, Babelon mung de bawng rim mat wa ma ai.

YEREMIA 41:1

Dai shaning a shata sanit ngu na hta, hkawhkam amyu rai nga nna, hkawhkam wa a hpyen du kaba Elishama a kashu, Nehtania a kasha Ishmaela gaw marai shi hte rau mung du Gedalia hpe sa hkrum na matu Mizpa de pru sa mat wa ma ai, shanhte yawng lusha jawm lusha nga ma yang,

YEREMIA 41:10

Dai hpang, shi gaw hkawhkam wa a shayi sha ni hte Gedalia a up hkang ai npu hta taw nga na matu hpyen du Nebuzaradan hkang da ai hte maren Mizpa mare hta naw ngam nga ai amyu masha ni mahkra hte hpe, woi wa shangun wu ai. Ishmaela gaw shanhte hpe bawng masha hku rim woi wa ai hte Amon mung maga de rawt sa mat wa nga ma ai.

YEREMIA 41:11

Ishmaela galaw ai n hkru ai du daw sai hkaw amu a lam hpe Yohanan hte shi hte rau rai nga ai hpyen luksuk hpyen du ni yawng na ma ai.

YEREMIA 43:6

lasha, numsha, ma kaji ni hte hkawhkam shayi sha ni hpe woi gahkyin la nna Egutu mung de woi sa mat wa ma ai. Shanhte gaw Yuda mung du Gedalia a lata hta hpyen du Nebuzaradan ap ya ai mung masha mahkra hte hpawn Baruk hte ngai mung lawm rai nna woi mat wa ma ai.

YEREMIA 52:16

Rai ti mung, shi gaw matsan htum ai amyu masha ni hpe Yuda mung e shangam kau da nhtawm, sut gan n madu lu ai ni hpe dai mung na sabyi sun ni hte hkauna hkan amu shang galaw na matu tawn kau da wu ai.

EZEKELA 45:16

“Mung masha ni yawng hte gaw Israela mung hpe up hkang ai du wa hpe ndai hkungga ni sak jaw lu na mara ai.