YEREMIA 40:5 - Jinghpaw Common Language Bible 2009

⁵ Ngai hpa mung n htan ai sha nga nga yang, Nebuzaradan gaw, “Babelon hkawhkam wa, Yuda mare ni a ntsa e up hkang na du aya dang da ai Shahpan a kashu, Ahikam a kasha Gedalia hpang de nhtang wa su. Nang shi hte rau nga nga nna mung masha ni a lapran e mung shanu nga u, shing n rai, nang sawn yu nna htuk dum ai kaning re ai shara de rai tim, nang sa wa lu na rai ndai,” ngu nna tsun wu ai. Dai hpang shi gaw ngai hpe kumhpa hte lusha loi mi jaw dat nna shabawn dat wu ai, ngai mung nye a lam ang ai de pru mat wa nngai.

Jinghpaw Hanson Version Bible

⁵ Ya Yeremia gaw naw ganung nga yang, shi gaw Babelon hkawhkam Yuda mare ni a ntsa e du aya dang da ai, Shahpan a kashu, Ahikam a kasha Gedalia hpang de wa nna, mung masha ni hte rau nga nga u; shing n rai, nang htuk dum ai hte maren sa wa su, ngu nna sha jarit hte kumhpaw kumhpa shagun nna, shabawn dat wu ai.

YEREMIA 40:5 ပူးပေါင်းရင်းမြစ်များ

2 HKAWHKAM 22:12

hkinjawng Hilkia hpe mung, Shahpan a kasha Ahikam hpe mung, Mihkaia a kasha Akbora hpe mung, hkawhkam wang amu madu rai nga ai Shahpan hpe mung, hkawhkam wa a ali ama rai nga ai Asaia hpe mung ning ngu nna hkang dat wu ai:

2 HKAWHKAM 22:14

Hilkia, Ahikam, Akbora, Shahpan hte Asaia hte gaw Yerusalem nnan daw hta nga ai Hulda mying ai myihtoi numsha hpang de sa san ma ai. (Shi a madu wa Shalum ngu na, Hara a kashu, Tikwa a kasha, gaw Nawku Htingnu na palawng galu ni hpe woi hpareng ai wa rai nga ai.) Shanhte mung dai numsha hpang de byin ai lam sa tsun dan mu ai shaloi,

2 HKAWHKAM LABAU 34:20

Hilkia hpe mung, Shahpan a kasha Ahikam, Mihkaia a kasha Abdon, hkaw wang amu madu Shahpan hte hkawhkam a shangun ma Asaia ni hpe ning ngu hkang dat wu ai:

EZRA 7:27

Ezra gaw, “Dai Madu anhte a kaji kawa ni a Karai Kasang hpe shakawn mu! Shi gaw Yerusalem na dai Madu a Nawku Htingnu hpe ndai hku nna shagrau sha-a na matu hkawseng wa hpe myit lawm shangun nu ai.

EZRA 7:6

Ezra gaw dai Madu Israela Karai Kasang Mawshe hpe jaw ya ai Tara hpe azin ayang chye chyang ai hpaji ninghkrin wa rai nga ai. Ezra gaw dai Madu shi a Karai Kasang a shaman chyeju hkam la nu ai majaw hkawseng wa mung shi hpyi mahpyi lam magup jaw ya wu ai. Artazazi hkaw dung ai sanit ning hta Ezra gaw Israela masha ni hta hkinjawng ni, Lewi masha ni, htingnu mahkawn mangoi masha ni, Nawku Htingnu sin ai ni hte amu galaw masha ni lawm ai hpung mi hte Babelon mung kaw nna Yerusalem mare de wa ma ai.

NEHEMIA 1:11

Nye a akyu hpyi ga hte nang hpe shagrau sha-a mayu ai kaga na a shangun ma ni yawng a akyu hpyi ga ni hpe ya jang madat ya mi. Dai ni jang ngai hpe awng dang ai lam jaw ya let hkawseng wa anhte hpe yu matsan dum shangun mi law.” Ngai chyawm gaw dai aten e hkawseng wa a sabyi jau ai wa rai nga nngai.

YOBA 22:29

Karai Kasang gaw gumrawng gumtawng ai ni hpe shayu kau nna, shagrit shanem ai ni hpe hkye hkrang la nga ai.

GA SHAGAWP 16:7

Nang gaw dai Madu hta awng sharawng nga ai rai yang, na a gumlau hpyen wa hpe nang jinghku shatai la lu nga ai.

GA SHAGAWP 21:1

Dai Madu gaw hka shi hpe de a lwi lam de, aloi sha shalen dat wu ai zawn, hkawhkam wa a myit mang ai lam hpe mung, hkang ya nga ai.

YEREMIA 15:11

Madu e, shanhte tsin-yam tsindam hte nni nkri hkrum nga ma ai shaloi, ngai nang hpe atsawm sha n daw jau ai hte nye a gumlau hpyen ni a malai ngai nang hpe n hpyi lajin ai rai yang, shanhte a dagam matsa ai ga ni yawng teng sha byin wa nu ga.

YEREMIA 26:24

Rai ti mung, Shahpan a kasha Ahikam gaw ngai hpe karum la ai majaw, ngai gaw mung masha ni a lata de ap kau n hkrum ai hte sat kau ai mung n hkrum nga nngai.

YEREMIA 39:14

ngai hpe hkawhkam wang, htawng wang kata kaw na sa woi la ma ai. Shanhte gaw ngai dum nta de shim ai hte du wa sai hpe mu mayu nga ai Shahpan a kashu Ahikam a kasha Gedalia a lanu lahku ai npu hta ngai hpe wa ap da ma ai. Ngai gaw dai shara hta mung masha ni hte rau nga nga nngai.

YEREMIA 40:4

Ya chyawm gaw, ngai na a lata hkri hkraw hta gyit da ai hpri sumri hpe raw dat kau ya nna, nang hpe shalawt dat na nngai. Ngai hte rau Babelon mung de hkan mayu yang mung hkan nang lu ai, ngai nang hpe lanu lahku na nngai. Rai ti mung, nang n hkan mayu ai rai yang, hpa n ra ai. Mungdan ting hta nang lata la na shara dam nga lit dai, nang ra sharawng ai shara shagu de nang sa mai nga ndai,” ngu nna tsun wu ai.

YEREMIA 41:1

Dai shaning a shata sanit ngu na hta, hkawhkam amyu rai nga nna, hkawhkam wa a hpyen du kaba Elishama a kashu, Nehtania a kasha Ishmaela gaw marai shi hte rau mung du Gedalia hpe sa hkrum na matu Mizpa de pru sa mat wa ma ai, shanhte yawng lusha jawm lusha nga ma yang,

YEREMIA 41:2

Ishmaela hte rau marai shi hte gaw shanhte a nhtu ni shaw la nhtawm Gedalia hpe sat kau ma ai.

KASA 27:3

Hpang shani e anhte Sidon mare de du ga ai, Yuli gaw Pawlu hpe matsan dum nna shi a jinghku ni kaw sa jahkrum na hte shi hta ra kadawn ai lam ni jaw ya, galaw da na ahkang jaw mu ai.

KASA 27:43

Rai ti mung, dap up du wa gaw, Pawlu hpe hkye la mayu nna hpyen la ni maw ai hpe hkum kau nhtawm, shing rai na malai hka hpungyawt chye ai ni yawng sanghpaw ntsa na shawng gumhtawn hkrat nna hkarang de kaw pru wa na hkang da mu ai.

KASA 28:10

Shanhte gaw anhte hpe kumhpaw kumhpa law law jaw ma ai. Anhte pru wa na rai jang, hkrun lam a matu ra ai made li hta bang ya dat ma ai.

HEBRE 13:6

Dai re ai majaw, “Dai Madu gaw ngai hpe karum ai wa rai nga ai, ngai hpa hpe mung hkrit kang na n rai. Kadai wa ngai hpe hpa di lu na rai ta?,” nga nna nden ja ai myit hte anhte tsun nga ga.