YEREMIA 40:1 - Jinghpaw Common Language Bible 2009

¹ Hpyen luksuk ni a hpyen du Nebuzaradan gaw ngai hpe Rama mare e dat tawn ai hpang, dai Madu gaw ngai hpe mungga tsun wu ai. Ngai gaw Babelon mung de bawng dung hkrum mat wa ai Yerusalem mare masha ni hte Yuda mung masha ni yawng hte rau dai yang e sumri gyit sharen da ai hkrum nga nngai.

Jinghpaw Hanson Version Bible

¹ Ya sin langa ni a hpyen du Nebuzaradan gaw, Babelon mare de rim woi wa ang ai, Yerusalem mare hte Yuda mung na bawng dung ai ni hte hpawn, Yeremia hpe hpri sumri hte gyit tawn nhtawm, Rama mare e shi hpe dat tawn ai hpang, Yehowa mungga Yeremia kaw du pru ai.

YEREMIA 40:1 ပူးပေါင်းရင်းမြစ်များ

2 HKAWHKAM LABAU 16:1

Yuda Hkawhkam Asa hkaw dung ai sumshi kru ning hta Israela Hkawhkam Basha gaw Yuda mung hpe shang gasat nhtawm Yuda mung de shang pru lu ai lam ni yawng hpe dan di kau na nga, Rama mare hpe bunghku kum hpang wa wu ai.

SHAKAWN KUNGDAWN 107:16

Shi gaw mare chyinghka ni hpe agrawp kau nna, hpri htinggrang ni hpe kahtum kadaw di kau nu ai.

SHAKAWN KUNGDAWN 68:6

Garen gari nga ai wa hpe shanu nga na nta shi jaw ya nga ai; bawng dung ai ni kabu gara ai shanglawt ahkaw ahkang lu la na matu, shi woi awn nga ai; rai ti mung, gumlau ai ni gaw akrin akraw re ai lamu ga hta shanu nga na mara ai.

YEREMIA 31:15

Dai Madu gaw, “Rama shara hta nsen langai na lu nga ai, dai nsen gaw ja ja hkrap agru ai nsen rai nga ai. Rahkela gaw shi a kashu kasha ni a matu hkrap shabam nga ai; shanhte n nga mat masai, shi gaw shalan shabran na hpe ningdang nga ai.

YEREMIA 39:9

Hpang jahtum, hpyen luksuk ni a hpyen du Nebuzaradan gaw mare hta naw ngam nga ai amyu masha ni hte shi hpang maga de lata sharawt shang wa ai masha ni hte hpawn, Babelon mung de bawng rim mat wa ma ai.

YEREMIA 42:7

Nhtoi shi ya na ai hpang, dai Madu a mungga ngai kaw ning nga du ai:

EZEKELA 33:21

Anhte bawng dung hkrum ai shi lahkawng ning a shata shi a manga ya shani e, Yerusalem kaw na hprawng lawt wa ai langai mi, ngai kaw du nna, Yerusalem hkrat mat sai lam ngai hpe tsun dan wu ai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna nye myit hpe gawng run shangun ya nga myit ta? Yerusalem mare e gyit hkang da ai hkrum na sha n ga, Madu Yesu a mying nsang a majaw dai yang sa si hkam na pyi ngai jin jin rai nga nngai,” ngu nna htan shangap mu ai.

KASA 28:20

Dai re ai majaw nanhte hte hkrum lu na hte tsun shaga lu na ahkang ngai hpyi la ai rai nga ai. Kaja wa tsun ga nga yang ngai dai zawn hpri sumri ni hte gyit hkang sharen da hkrum ai lam gaw Israela amyu masha ni myit mada ala nga ai wa a majaw nan rai nga ai,” ngu nna tsun mu ai.

EHPESU 6:20

Ya ngai bawng dung ai wa rai nga ti mung, dai Kabu Gara Shiga a jaw e kasa langai mi rai nga nngai; Dai Kabu Gara Shiga hpe hkaw tsun na ngai hta lit nga ai hte maren nden ja ai hte tsun shana lu u ga, akyu hpyi nga mu.

YAWSHU 18:25

Bai Gibeon, Rama, Berot,

1 SAMUELA 7:17

Dai hpang, Rama mare na shi a dum nta de nhtang wa nhtawm dai kaw mung tara agyi amu wa galaw ya nga ai. Shi gaw dai Madu a matu tawn hkungri langai Rama mare e gaw da nga ai.