YEREMIA 4:9 - Jinghpaw Common Language Bible 2009

⁹ Dai Madu gaw, “Dai shani e, hkawhkam ni hte du salang ni gaw myit n-gun htum mat na mara ai; hkinjawng ni mak mat nna, myihtoi ni mau mahka mat na mara ai,” ngu nna tsun wu ai.

Jinghpaw Hanson Version Bible

⁹ Dai shani e, hkawhkam ni hte du salang ni gaw, myit htum mat na mara ai; hkinjawng ni gaw mak mat nna, myihtoi ni gaw mau mat na mara ai, nga nna Yehowa tsun ai.

YEREMIA 4:9 ပူးပေါင်းရင်းမြစ်များ

2 HKAWHKAM 25:4

mare bunghku ni hpe tawk waw pru wa ma ai. Babelon masha ni gaw dai mare hpe wang shinggrup da nga ma ti mung, share shagan ai hpyenla ni yawng gaw hkawhkam wa a sun makau na bunghku lahkawng a lapran na chyinghka lam hku shana e shanhte pru nhtawm Yawdan Kadit ang ang de hprawng pru mat wa ma ai.

SHAKAWN KUNGDAWN 102:4

Ngai gaw tsingdu jahkraw zawn kabye dip da ai hkrum nna; lusha sha mayu ai myit pyi n rawng mat nga li ai.

ESAIA 19:16

Egutu masha ni gaw numsha ni zawn hkrit kaya agam wa ai aten du wa nga ai. Shanhte gaw dai Madu shanhte hpe ari jaw na matu shi a lata ladawn da nu ai hpe mu ai shaloi hkrit kajawng ai hte gari mat na mara ai.

ESAIA 19:3

Ngai gaw Egutu masha ni a hpaji daw maw mawn ai lam ni hte shanhte a myit jasat lam ni hpe jahten sharun kau ya na we ai. Shanhte gaw shanhte a hpara sumla ni hpe karum la na matu hpyi lajin wa na mara ai. Shanhte gaw nat myihtoi ni kaw sa du nna bawng ban jahkrup ai hte hpaji jaw ga a matu si mat sai ni a tsu minla hte ga shaga na lajin wa na mara ai.

ESAIA 28:19

Dai gaw lang mi hte lang mi, lahpawt mi hte lahpawt mi nanhte hpe adup kayat kau na ra ai. Nanhte gaw dai hpe shani shana hkam sharang ra na myit dai. Karai Kasang kaw na lu la ai mungga nnan shagu gaw hkrit kajawng shara tai nga ai!

YEREMIA 2:26

Dai Madu gaw, “Lagut gaw shi rim hkrum ai shaloi jahpoi hkrum nga ai zawn Israela a amyu masha ni yawng ngu na, na a hkawhkam ni, du salang ni, na a hkinjawng ni hte myihtoi ni gaw kaya kahpa hkrum na mara ai.

YEREMIA 25:34

Ningbaw ni e hkrap nga mu, nye a amyu masha ni hpe bau rem ai ni e, ja ja marawn hkrap nga mu! Yawn hkyen sharung shayawt ai hte ga nhpu e galwi nga mu. Nang hpe sat kau na aten du ra ai rai nna, sagu la ni hpe zawn nang sat kau ai hkrum na rai ndai.

YEREMIA 37:19

Babelon hkawhkam wa gaw nang hte na a mungdan hpe htim gasat na n rai, nga nna nang hpe tsun ai na a myihtoi ni hta hpa baw byin sani?

YEREMIA 48:41

mare ni hte hpyen dap ni zing la hkrum na ra ai nga nna dai Madu ga sadi tawn da nu ai. Dai shani e, Moba hpyenla ni gaw shinggyim machyi hkrum ai num zawn hkrit kajawng mat na mara ai.

YEREMIA 5:31

myihtoi ni gaw masu magaw ga ni hta jan nna hpa mung n tsun ma ai; hkinjawng ni gaw myihtoi ni hkang da ai hte maren up hkang ma ai, nye a amyu masha ni hkum da ai lam hpa mung n nga nga ma ai. Rai ti mung, hpang jahtum e, ndai lam yawng byin wa ai shaloi shanhte hpa galaw na rai ma ta?,” ngu nna tsun ai.

YEREMIA 52:7

Mare bunghku ni mung daw agrawp mat nga ai. Babelon masha ni dai mare hpe wang da nga ma ti mung, hpyenla ni yawng gaw hkawhkam wa a sun makau na bunghku lahkawng a lapran na chyinghka lam hku shana e pru mat wa nhtawm Yawdan Kadit ang ang de hprawng pru mat wa ma ai.

KASA 13:41

Myihtoi ga hta, ‘Yu mu, ngai tsun ai lam hpe jahpoi asawng ai ni e, mau nna si mu! Dai ni ngai galaw nga ai lam hpe marai langai ngai nanhte hpe hkai dan ti mung, nanhte n kam na marin dai!,’” nga nna hkaw tsun nga ai.