YEREMIA 4:5 - Jinghpaw Common Language Bible 2009

⁵ Mungdan ting hta pahtau dum mu! Mahku nsen pra pra hte ja ja jahtau mu! Bunghku kum da ai mare ni de hprawng kagat mat wa na matu Yuda hte Yerusalem amyu masha ni hpe tsun u.

Jinghpaw Hanson Version Bible

⁵ “Mungdan hta e pahtau dum mu; jahtau garu nna, zuphpawng mu; bunghku kum ai mare ni de anhte lung ga,” nga nna tsun ai ga hpe, Yuda mung hta e shana ya mu, Yerusalem mare hta shabra dat mu.

YEREMIA 4:5 ပူးပေါင်းရင်းမြစ်များ

ESAIA 28:19

Dai gaw lang mi hte lang mi, lahpawt mi hte lahpawt mi nanhte hpe adup kayat kau na ra ai. Nanhte gaw dai hpe shani shana hkam sharang ra na myit dai. Karai Kasang kaw na lu la ai mungga nnan shagu gaw hkrit kajawng shara tai nga ai!

YEREMIA 11:2

“Ga shaka mungga ni hpe madat u. Yuda hte Yerusalem amyu masha ni hpe tsun u.

YEREMIA 35:11

Rai ti mung, Hkawhkam Nebuhkadneza gaw mungdan hpe gasat shang wa ai shaloi Babelon hte Suri hpyen luksuk ni a lata kaw na hprawng yen mat wa na matu, Yerusalem mare de lung wa na anhte myit jahkut kau saga ai. Dai lam a majaw, anhte Yerusalem mare hta shanu nga ga ai,” ngu nna htan ma ai.

YEREMIA 5:20

Dai Madu gaw, “Yaku a aru arat ni hpe tsun dan mu, Yuda amyu masha ni hpe tsun mu:

YEREMIA 6:1

Benyamin amyu masha ni e, Shim lum lam a matu kagat mu! Yerusalem kaw na lawt hkra hprawng mu! Tekoa mare hta pahtau dum mu, Bet Hahkerem e kumla madun ai wan madun ai shara galaw mu. Tsin-yam tsindam hte jahten shabyak ai gaw dingdung maga de nna du sa wa hkyen nga ai.

YEREMIA 8:14

“Anhte gaw hpa majaw atsin sha dung nga ga ta?,” nga nna Karai Kasang a masha wa san nga ai. “Sa marit, anhte gaw bunghku kum ai mare ni de kagat sa nna, dai shara ni hta atsin sha sa si nga ga. Dai Madu anhte a Karai Kasang gaw anhte shi hpe shut kau ai yubak mara ni a majaw, anhte atsin sha si na matu jahten shaza kau nu ai hte anhte hpe gung ntsin lu shangun mi ai.

YEREMIA 9:12

Ngai gaw, “Madu e, lamu ga gaw hten mat ai hte zaibru jang zawn hkun hkraw mat ai hte hpa majaw kadai mung n lai hkawm nga a ta? Ndai lam hpe hkum tsup ai hku chye na hkawn hkrang na matu, hpaji rawng ai wa kadai rai nga a ta? Kadai wa hpe dai lam nang shaleng dan lu nna dai wa gaw kaga masha ni hpe tsun dan lu nga a ni?,” ngu nna san nngai.

EZEKELA 7:14

Pahtau dum mu, masha shagu jin jin rai nga mu. Rai ti mung, Karai Kasang a sindawng kahtet ai gaw masha shagu a ntsa e maren mara hkrat bun na ra ai majaw kadai mung hpyen majan de n pru sa nga ai.

HOSEA 8:1

Dai Madu gaw ning nga tsun ai: “Pahtau dum dat mu! Gumlau hpyen ni gaw nye a mungdan de galang ni zawn htim yu wa ma hka! Nye a amyu masha ni gaw shanhte hte ngai tawn da ai ga shaka hpe jahten kau nhtawm nye a sharin shaga ai ga hpe gumlau kau manu ai.

YOELA 2:1

Karai Kasang a chyoi pra ai kawng, Ziun hta e, pahtau dum mu; shadum ai nsen shapraw mu. Yuda amyu masha ni e, hkrit gari nga mu! Dai Madu a nhtoi gaw kade n na yang du wa na ra ai.

AMO LAIKA (AMOS) 3:6

Mare kata hta majan pahtau dum ai nsen na yang, mare masha ni n hkrit na ma ni? Dai Madu gaw tsin-yam tsindam n dat dat yang, dai mare hta byin lu na rai nga a ni?

AMO LAIKA (AMOS) 3:8

Hkanghkyi shabam ai shaloi, n hkrit ai wa kadai nga lu a ta? Tsaw Htum ai dai Madu shaga yang, myihtoi n htoi na kadai wa rai nga a ta?

BU HKAWM 10:2

“Amyu masha ni hpe shaga na matu mung, dap gun yang lang na matu mung, gumhpraw hte dup ai pahtau lahkawng galaw u.

BU HKAWM 10:3

Pahtau lahkawng yan hpe nsen galu hku dum dat yang, shawa hpung ting gaw nye a hpung shingkang shanu nga ai Sum chyinghka lam de nang kaw sa zup lu na rai ma ai.

YAWSHU 10:20

Yawshu hte Israela amyu masha ni chyawm gaw hpyen ni hpe htau sat kau mu ti mung, nkau mi mahtang mare bunghku kata de hprawng shingbyi shara mu tam ai hte sat kau n hkrum nga ma ai.