YEREMIA 4:2 - Jinghpaw Common Language Bible 2009

² dai gaw nye a mying gang let dagam ai gaw, na a matu ding man ai amu tai na ra ai. Masha amyu baw ni yawng mung shanhte hpe shaman ya na matu ngai kaw hpyi na mara ai, shanhte gaw ngai hpe shakawn kungdawn na mara ai,” ngu nna tsun ai.

Jinghpaw Hanson Version Bible

² dai hta kaga nang gaw, hkrung nga ai Yehowa amying gang let, tengman ai hku, tara ding ai hku, dinghpring ai hku dagam lu nna, maigan amyu ni gaw, shi a amying hta tinang hkum hpe shaman ya nna, shi hta hpa let gumrawng na mara ai, nga nna Yehowa tsun ai.

YEREMIA 4:2 ပူးပေါင်းရင်းမြစ်များ

NINGPAWT NINGHPANG 22:18

Nye a hkang da ai ga hpe nang madat mara nga ndai majaw na a amyu matu ni yawng hpe ngai shaman ya ni ai zawn amyu baw ni yawng mung shanhte hpe shaman ya na matu, ngai hpe san wa na mara ai.

1 HKAWHKAM 3:6

Shawlumon gaw, “Na a shangun ma nye a kawa Dawi gaw mai kaja ai, sadi dung ai hte myit malang ai hku hkan let nang hte matut mahkai nga ai majaw nang shi hpe tut nawng tsaw ra myit kaba madun dan ya nga ndai; shi a magam tingnyang hta dai ni hkaw galai dung let up hkang na shadang sha langai mi mung shi hpe jaw ya let na a galu kaba ai hte dinggrin tsaw ra myit matut nna shi hpe madun dan nga ndai.

SHAKAWN KUNGDAWN 72:17

Hkawhkam wa a amying hpe galoi mung n malap kau lu mu ga; shi a mying gumhkawng ai lam, jan zawn agrin nga u ga. Hkawhkam wa hpe Karai Kasang shaman chyeju jaw ya ai zawn, amyu baw ni yawng mung, Karai Kasang shanhte hpe shaman ya na matu hpyi nga mu ga.

SHAKAWN KUNGDAWN 99:4

Chyahtum Chyalai n-gun rawng ai Hkawhkam wa e, nang gaw teng man ai lam hpe tsaw ra nga ndai; Israela mungdan hta, teng man ai tara hpe nang tawn da ya nit dai, ding man ai lam hte rap ra ai tara ni hpe mung nang jashawn da ya nit dai.

ESAIA 45:23

Nye a ga sadi gaw teng nga ai, dai gaw galai shai lu ai n rai. Ngai wa rai nga nngai majaw lam shagu hpe ga sadi hte dagam shaka nngai: Masha shagu gaw nye a man de sa du nna hput di di ai hte ngai hta sadi dung nga na matu dagam na mara ai.

ESAIA 45:25

Dai Madu ngai nan Yaku a aru arat ni yawng hpe hkye mawai la na nngai, shanhte gaw ngai hpe shakawn kungdawn wa na mara ai.

ESAIA 65:16

Ndai mung hta nga nna shaman chyeju hpyi ai wa kadai mung teng man ai Karai Kasang hta hpa nna shaman chyeju hkam la na matu hpyi na ra ai. Dagam ai wa kadai mung teng man ai Karai Kasang a mying nsang hta dagam na ra ai. Lai sai aten na tsin-yam tsindam ni gaw lai mat wa nna malap kau na mara ai.”

YEREMIA 10:10

Rai ti mung, Madu e, nang gaw teng man ai Karai Kasang rai nga ndai, nang gaw ahkrung nga ai Karai Kasang hte htani htana hkawhkam rai nga ndai. Nang pawt sindawng ai shaloi, mungkan ga gaw gari kawa rai nga ai; masha amyu baw ni na a masin kahtet ai hpe n hkam lu ma ai.

YEREMIA 12:15

Rai ti mung, shanhte hpe baw kau ngut ai hpang, ngai gaw shanhte hpe matsan dum la na nngai; ngai gaw amyu langai hte langai hpe tinang a lamu ga hte tinang a mungdan de woi nhtang wa na nngai.

YEREMIA 12:16

Shanhte gaw Bala hpara a mying gang nna dagam na matu nye a amyu masha ni hpe lang mi sharin ya mu ai hte maren, shanhte a myit masin mahkra hte nye a amyu masha ni a nawku htung hpe hkap la nna, ‘Dai Madu hkrung nga ai,’ nga nna dagam ai rai yang, shanhte gaw nye a amyu masha ni tai wa lu nhtawm ngamu ngamai wa na mara ai.

YEREMIA 16:19

Madu e, nang gaw ngai hpe makawp maga ai hte n-gun atsam jaw ya ai wa rai nga ndai; nang gaw ngai hpe ru tsang hkrum ai aten ni hta karum la nga ndai. Mungkan ga a jahtum de na amyu baw ni gaw nang kaw du sa wa nna, “Anhte a kaji kawa ni gaw hpara sumla ni hta kaga hpa mung n nga nga ai, dai ni gaw hpa akyu n rawng ai hte kaman lila hkrai rai nga ai.

YEREMIA 3:17

Dai aten du ai shaloi, Yerusalem gaw ‘Dai Madu a Tingnyang,’ ngu nna shamying na mara ai; Masha amyu baw ni yawng mung ngai hpe nawku na matu sa zup wa na mara ai. Shanhte gaw du ja ai hte n hkru ai myit masin hte maw mawn ai lam hpe galoi mung hkan galaw na ma ai n rai.

YEREMIA 33:9

Yerusalem mare masha ni hte ndai mare a ngamu ngamai na lam a matu, ngai galaw ai mai kaja ai amu ni a lam, shanhte na ma ai shaloi, mungkan ga na amyu baw shagu hte gaw hkrit gari wa na mara ai; Yerusalem gaw nye a matu kabu gara ai, arawng sadang hkam la ai hte gumrawng shara hka hpawk tai na ra ai,” ngu nna tsun ai.

YEREMIA 5:2

Nang gaw dai Madu hpe nawku na matu tsun tim pyi, nang tsun ai ga hpe nang lachyum n shapraw nga ndai.

YEREMIA 7:5

“Na a asak hkrun lam hpe galai kau nna nang galaw nga ai amu ni hpe tawn kau u. Langai hte langai a lapran e na a shinggyim nau na myit rawng ai hta rap ra teng man nga u.

YEREMIA 9:24

Marai langai ngai gumrawng mayu ai rai yang, shanhte ngai hpe chye nna, chye na hkawn hkrang ai ni chyu sha gumrawng na mai ang nga ai, hpa majaw nga yang, nye a tsaw ra myit gaw tut nawng agrin nga ai hte ngai galaw ai amu mung teng man ai hte ding man nga ai. Dai amu ni gaw ngai hpe awng sharawng shangun nga ai. Dai Madu ngai nan tsun ni ai,” ngu nna tsun ai.

HOSEA 2:19

Israela e, ngai gaw nang hpe nye a madu jan shatai na nngai; Ngai gaw teng man ai hte sadi dung nga na nngai; ngai gaw nang hpe dinggrin tsaw ra myit hte matsan dum ai myit madun nga na nngai nang hpe nye a matu htani htana shatai da na nngai.

YOELA 2:12

Dai Madu gaw, “Ya rai ti mung, myit kraw asan sha hte myit malai wa nna, lusha gam, hkrap shabam nna sharung shayawt ai hte ngai hpang de nhtang wa marit.

ZEHKARIA 8:8

shanhte hpe Yerusalem hta nga shangun na matu, sinpraw sinna maga hkan nga nga ai shanhte hpe bai woi la na nngai. Shanhte gaw nye a amyu masha ni tai nna, ngai gaw shanhte a Karai Kasang tai nga let shanhte hpe sadi sahka hte teng man ai hku up hkang nga na nngai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

1 KORINHTU 1:31

Dai re ai majaw, Chyum laika hta tsun ai hte maren, “Kadai rai ti mung, gumrawng gumtawng mayu ai wa gaw, Karai Kasang galaw ai amu bungli a matu sha gumrawng gumtawng nga u ga.

2 KORINHTU 10:17

Rai ti mung chyum laika hta, “Arawng mala mayu ai wa gaw, dai Madu galaw ai magam amu hta arawng mala gumrawng nga u ga,” nga nna tsun da nga ai.

GALATI 3:8

Dai Chyum laika mung, “Karai Kasang gaw makam masham hte sha maigan masha ni hpe ding hpring shangun na maru ai,” nga nna tau tsun da sai. Dai rai nna Chyum Laika gaw, “Amyu baw shagu gaw na gawp e gumring gumrat hkrum na mara ai,” nga nna Abraham hpe dai Kabu Gara Shiga shana ya mu ai.

TARA JAHPRANG 10:20

Dai Madu nanhte a Karai Kasang hpe hkrit hkungga nna shi hpe chyu sha nawku lu na rai myit dai. Shi hta sadi dung let shi a mying ningsang hta chyu sha ga sadi ni hpe shagrin da lu na rai myit dai.

TARA JAHPRANG 4:30

Nanhte hta ndai lam ni yawng byin wa nna ru yak kyin dut hkrum sha myit dai shaloi, kaning n di, dai Madu hpang de kayin wa nhtawm shi a ga madat lu na marin dai.

TARA JAHPRANG 6:13

Dai Madu nanhte a Karai Kasang hpe shagrau sha-a nna shi hpe chyu sha nawku nhtawm shi a mying ningsang hta sha nanhte a ga sadi ni hpe tawn da lu na rai myit dai.

HPILIPI 3:3

Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.

RUHTA 3:13

Dai na gaw, nang ndai shara hta naw nga u; hpawt de na aten hta na a matu shi lit la na, n la na lam ni hpe anhte san sagawn yu na ga ai. Shi lit la na rai jang mung rai nu ga; dai gaw kaja nga ai. Shi lama lit n la mayu ai rai yang, ahkrung nga ai Karai Kasang hta ga shaka la nhtawm ngai nang hpe lit la lanu lahku na nngai. Ya gaw, nang ndai shara hta jahpawt du hkra naw yup nga u,” ngu nna tsun wu ai.

1 SAMUELA 20:3

Rai ti mung, Dawi mahtang, “Nang ngai hpe kade wa tsaw ra nga ndai gaw na nwa atsawm sha chye nga ai rai nna, nang hpe lai hkra n machyi shangun mayu ai majaw, shi kaning rai maw mawn na lam nang hpe n chye shangun mayu ai hku, shi daw dan da nga ai. Ngai gaw si hkrung si htan a lata kaw na lawt na lahkam mi dang sha rai nga sali ai ngu nna ahkrung nga ai dai Madu hta nang hpe dagam nngai,” ngu nna htan wu ai.