YEREMIA 4:16 - Jinghpaw Common Language Bible 2009

¹⁶ Shanhte gaw masha amyu baw ni hpe sadi jaw na matu mung, grai tsan ai mungdan kaw nna du sa nga ai gumlau hpyen ni a lam Yerusalem hpe tsun dan na matu mung du sa ma ai. Dai gumlau hpyen ni gaw Yuda mung na mare ni a hpang maga e marawn jahtau na mara ai.

Jinghpaw Hanson Version Bible

¹⁶ amyu baw ni hpe shi shana ya mu: yu u, sin langa ni gaw sumtsan mung na sa nna, Yuda mare ni a hpang maga e garu nga ma ai, ngu nna Yerusalem hpe shana ya mu.

YEREMIA 4:16 ပူးပေါင်းရင်းမြစ်များ

ESAIA 34:1

Masha amyu baw ni yawng a masha ni e, sa marit! Jawm hpawng nna madat mu. Ginding aga hte dai hta shanu nga ai masha shagu hte gaw ndai de sa nna madat la mu ga.

ESAIA 39:3

Dai hpang myihtoi Esaia gaw Hkawhkam Hezekia hpang de sa nna, “Ndai dat kasa ni gara shara kaw na sa nhtawm nang hpe kaning nga tsun nga ma ni?,” ngu nna san wu ai. Hezekia gaw, “Shanhte gaw grai tsan ai Babelon mung na sa wa ai ni rai ma ai,” ngu nna tsun wu ai.

YEREMIA 1:15

hpa majaw nga yang, ngai gaw dingdung maga de nga ai masha amyu baw ni yawng sa du na matu shaga dat nngai. Shanhte a hkawhkam ni gaw shanhte a tingnyang ni hpe Yerusalem a chyinghka lam ni hte de a bunghku grup yin hkan e mung, Yuda mung na kaga mare ni a grup yin hkan mung sharawt da na mara ai.

YEREMIA 16:6

Sut su ai ni hte matsan mayan masha ni ndai mungdan hta si na mara ai, rai ti mung, kadai mung shanhte hpe lup makoi na mara ai n rai, shanhte a matu sharung shayawt na ma ai n rai. Kadai mung tinang hkum hpe jahpye lu na n rai, yawn hkyen ai kumla madun na matu shi a baw hpe shangun lu na n rai.

YEREMIA 2:15

Shanhte gaw hkanghkyi ni zawn shi hpe shabam ma ai; shanhte gaw shi a mungdan hpe zaibru jang shatai kau ma ai, shi a mare ni gaw hten run taw mat nna tsep kawp kabai kau nga masai.

YEREMIA 31:10

Dai Madu gaw, “Masha amyu ni e, nye a ga madat mara mu; nye a mungga hpe sumtsan zunlawng ni de hkaw tsun mu. Ngai gaw nye a amyu masha ni hpe shabra kau nngai, rai ti mung, ngai shanhte hpe bai shinggyin da na nngai, sagu rem ai wa gaw sagu hpung hpe bau rem nga ai zawn, ngai mung shanhte hpe bau rem nga na nngai.

YEREMIA 39:1

Yuda Hkawhkam Zedekia hkaw dung ai jahku ning e shata shi hta e, Babelon Hkawhkam Nebuhkadneza gaw shi a hpyen luksuk kaba mahkra hte Yerusalem hpe htim gasat wu ai.

YEREMIA 4:17

Shi a amyu masha ni gaw dai Madu hpe gumlau manu ai majaw sun sin nga ai masha ni zawn dai masha ni Yerusalem hpe wang da na mara ai. Dai Madu nan tsun nu ai.

YEREMIA 5:15

Israela amyu masha ni e, dai Madu gaw nang hpe gasat na matu sumtsan mung kaw na masha amyu baw langai mi hpe woi wa nga ai. Dai ni gaw n-gun atsam rawng ai hte moi chyaloi nhkoi na amyu rai nna dai ni a ga hpe nang n chye na nga ndai.

YEREMIA 5:6

Dai re ai majaw, maling na hkanghkyi ni gaw shanhte hpe sat kau na mara ai; zaibru jang na chyahkyawn ni gaw shanhte hpe gang amya je kau na mara ai, rawngteng ni gaw shanhte a kahtawng ni hkan lagyim hkawm na mara ai. Ndai amyu masha ni pru hkawm yang, shanhte gaw ashep ashin rai gang je kau hkrum na mara ai, hpa majaw nga yang, shanhte a yubak mara ni law nga ai hte lang hte lang, Karai Kasang kaw na htak mat mat rai ma ai.

YEREMIA 50:2

“Masha amyu baw ni hpang de shiga tsun shana mu! Dai hpe htawn tsun mu! Masat kumla sharawt mu, shiga ndau shana mu! Dai lam hpe hkum ip da myit! Babelon gaw hkrat sum mat sahka! Shi a Marduk karai daw gamang mat sai! Babelon a hpara sumla ni kaya kahpa hkrum masai; shi a matsat shabat re ai gawkngu sumla ni agrawp ayai mat sai!

YEREMIA 6:18

Dai rai nna, dai Madu gaw, “Amyu baw masha ni e, madat mu; nye a amyu masha ni hta hpa byin wa na ra ai lam hpe sharin la mu.

YEREMIA 6:19

Ginding aga e, madat u! Shanhte gaw nye a sharin shaga ai ga ni hpe shinggan kau ya ai hte nye a matsun maroi mungga ni hpe n hkan ma ai majaw, shanhte a myit mang yaw shada ai lam yawng a matu ari, ndai amyu masha ni a ntsa e sharun shabyak ai tsin-yam tsindam shapraw dan na we ai.

YEREMIA 6:22

Dai Madu gaw, “Dingdung maga de nga ai mungdan kaw nna masha amyu ni du sa wa mara ai; shanhte gaw tsan ai shara kaw nna n-gun rawng ai amyu baw ni rai nna majan a matu hkyen da nga ma ai.

YEREMIA 6:23

Shanhte gaw shanhte a ndan ni hte nhtu ni hpe lang da ma ai; gumshem nna matsan n chye dum ai ni rai ma ai. Shanhte gumra jawn sa wa ma ai shaloi, shanhte a nsen gaw panglai hka wu kadu ai zawn rai nga ai. Shanhte gaw Yerusalem hpe htim gasat na matu jin jin rai nga masai,” ngu nna tsun ai.

YEREMIA 8:19

Madat u! Nye a amyu masha ni a hkrap shabam nga ai nsen hpe mungdan ting hta ngai na nngai. Dai Madu gaw Ziun mare hta n nga sani? Ziun a hkawhkam gaw dai yang e n nga sani? Dai Madu shanhte a hkawhkam wa gaw, “Na a hpara sumla ni hpe nawku ai hte akyu n rawng ai na a maigan karai ni hpe gum dagup ai hku ngai hpe hpa majaw pawt sindawng shangun myit ta?,” ngu nna htang shana wu ai.

EZEKELA 21:22

Ya chyawm gaw! Shi a hkra lata hte ‘Yerusalem’ hpe sha-ang ai pala hpe jum da nu ai! Dai gaw bunghku sharun ai gawng hpe tawn da na matu mung, hpyen gasat ai shaloi jahtau garu na matu mung, mare chyinghka ni hpe jahten na gawng tawn da na matu mung, kawng e dap jung na hte kaduk ni htu na matu mung, shi hpe tsun dan nga ma ai.