YEREMIA 4:1 - Jinghpaw Common Language Bible 2009

¹ Dai Madu gaw, “Israela amyu masha ni e, nang kayin wa mayu ai rai yang, ngai hpang de kayin wa marit. Nang ngai hta sadi dung ai rai yang ngai n dawng ai hpara sumla ni hpe htawt kau u,

Jinghpaw Hanson Version Bible

¹ Israela amyu e, nang bai wa mayu yang, gaja wa ngai hpang de bai wa nna, na a matsat shabat amu, ngai kaw na htawm kau ai rai yang gaw, nang hpe kadai sa shamawt lu na n rai;

YEREMIA 4:1 ပူးပေါင်းရင်းမြစ်များ

NINGPAWT NINGHPANG 35:2

Dai rai nna Yaku mung shi a dinghku masha ni hte shi hte rau nga nga ai ni yawng hte hpe, “Nanhte lu ai maigan hpara sumla ni hpe shapraw kau mu, tinang hkum hpe tinang dai shachyoi shapra nna asan aseng re ai hpun palawng ni bu hpun mu.

2 HKAWHKAM 23:13

Yoshia gaw Yerusalem mare a sinpraw maga de mung, Tsanlun Bum ni a dingda maga de mung Hkawhkam Shawlumon gap tawn ai tawn hkungri ni hte Sidon karai num Astarte, Moba karai Hkemosha, Amon karai Molek ni zawn re ai matsat shabat hpara sumla ni hpe nawku ai shara ni hpe awu asin di kau wu ai.

2 HKAWHKAM 23:24

Hkinjawng Kaba Hilkia Nawku Htingnu hta mu hkrup ai tara laika hta ka da ai tara ni hpe lang na matu Hkawhkam Yoshia gaw Yerusalem mare hte naw ngam nga ai Yuda mung na nat num ni hte gumhpan hpan ai ni; nta e tawn da ai karai sumla ni hte hpara sumla ni yawng hte hpawn, kaga tara maigan wa a nawku arung arai ni yawng hpe yeng seng kau wu ai.

2 HKAWHKAM LABAU 15:8

Oded a kasha Azaria tsun ai myihtoi ga hpe Asa na jang, myit n-gun lu la wu ai. Shi gaw Yuda hte Benyamin mung ting hta na mung, Ehprim bum ga na gasat dang la ai mare ni hta nga ai hpara sumla ni yawng hpe yeng seng kau wu ai. Shi gaw Nawku Htingnu wang kata e nga ai dai Madu a tawn hkungri hpe bai gram lajang da wu ai.

2 HKAWHKAM LABAU 33:8

Israela amyu masha ni nye a hkang da ai ga yawng madat mara ai hte nye a shangun ma Mawshe shanhte hpe jaw ai Tara ni mahkra shadik shatup ai rai yang, shanhte a kaji kawa ni hpe jaw da sai mungdan kaw nna shaden shapraw kau hkrum na ahkang, ngai shanhte hpe jaw na n rai.”

2 HKAWHKAM LABAU 34:33

Hkawhkam Yoshia gaw Israela amyu masha ni madu da nga ai lamu ga hta nga ai matsat shabat re ai hpara sumla ni yawng hpe shi naw hkrung nga ai hte yang, sharun jahten kau ya nhtawm dai Madu shanhte a kaji kawa ni a Karai Kasang hpe nawku daw jau na matu amyu masha ni hpe lajin laroi da nga ai.

ESAIA 31:6

Karai Kasang gaw, “Israela amyu masha ni e, nanhte gaw ngai hpe yubak galaw ai hte ngai hte nhtan shai nga myit dai. Rai ti mung ya chyawm gaw, ngai hpang de nhtang wa marit!

YEREMIA 15:19

Dai lam a majaw dai Madu gaw, “Nang nhtang wa ai rai yang, ngai nang hpe woi nhtang wa na nngai, nang gaw nye a shangun ma bai tai lu na rai ndai. Lachyum n pru ai ga laban shaga na malai, manu dan ai mungga hpe nang hkaw tsun ai rai yang, nang gaw nye a myihtoi bai tai lu na rai ndai. Amyu masha ni mung nang kaw nhtang wa na mara ai, nang gaw shanhte kaw sa ra na ndai n rai.

YEREMIA 15:4

Hezekia a kasha Manashe Yuda hkawhkam tai nga yang, Yerusalem hta shi galaw sai amu a majaw, ngai gaw mungkan ga na masha ni yawng hta shanhte hpe hkrit hpa kumla shatai kau na we ai.”

YEREMIA 18:11

Dai re ai majaw, ngai gaw Yuda mung masha ni hte Yerusalem mare masha ni hpe gumlang maw mawn ai hte shanhte hpe ari jaw na matu jin jin rai nga ni ai lam, shanhte hpe tsun dan u. Yubak lam hkan shangun ai asak hkrun lam ni hpe kau da nhtawm shanhte a arawn alai hte shanhte hkan galaw nga ai n hkru ai amu ni kaw nna kayin wa na matu shanhte hpe tsun u.

YEREMIA 24:9

Mungkan ga na masha amyu baw ni yawng hkrit gari mat hkra, dai zawn re ai tsin-yam tsindam shanhte a ntsa e ngai shapraw na we ai. Ngai shanhte hpe shabra kau ai shara shagu hkan e, mung masha ni gaw shanhte hpe mani asawng ai, shatu asan ai, jahpoi jahpyak ai hte shanhte a amying mung dagam dala ga tsun hkrum na mara ai.

YEREMIA 25:5

Shanhte gaw nang hpe dai na a n hkru ai asak hkrun lam hte nang galaw nga ai n shawp n kap ai amu ni kaw na kayin wa na matu tsun nga ai. Dai Madu gaw na a nji nwa ni hpe prat tup jaw lup madu sha lu na nang hpe jaw da sai mungdan hta nang matut shanu nga lu na rai ndai.

YEREMIA 3:1

Dai Madu gaw, “Lasha langai ngai gaw shi a madu jan hpe jahka kau nna, num dai gaw shi kaw na pru mat wa ai hte kaga masha wa a madu jan tai ai rai yang, shi gaw dai numsha hpe bai la lu na n rai. Dai zawn re ai amu gaw lamu ga hpe tsep kawp awu asin di nga ai. Rai ti mung, Israela e, nang chyawm gaw sumtsaw law law lu yu nga ndai, ya chyawm gaw nang ngai hpang de nhtang wa mayu nga nit hka!

YEREMIA 3:12

Shi gaw Israela hpe ning ngu sa tsun na matu ngai hpe tsun wu ai: “Sadi n dung ai Israela e, ngai hpang de nhtang wa marit. Ngai gaw matsan chye dum nga nngai, masin pawt na nngai n rai; ngai gaw nang hpe htani htana apawt nga na nngai n rai.

YEREMIA 3:14

“Sadi n dung ai amyu masha ni e, nhtang wa marit; nang hpe ngai madu nngai. Ngai gaw nanhte hta na marai langai mi hpe mare shagu hta na mung, amyu lakung shagu na marai lahkawng hpe mung la na nngai, ngai gaw nang hpe Ziun Bum de woi nhtang wa na nngai.

YEREMIA 3:22

Dai Madu kaw na kayin mat wa ai nanhte yawng hte e, nhtang wa marit; shi gaw nang hpe shamai shatsai nna nang hpe sadi dung shangun na ra ai. Nang gaw, “Rai sa, shi gaw anhte a Karai Kasang rai nga ai majaw, anhte dai Madu hpang de sa wa nga ga ai.

YEREMIA 35:15

Ngai gaw nanhte hpang de nye a shangun ma ni rai nga ai myihtoi ni yawng hpe matut shangun dat ni ai; shanhte gaw nanhte hpe nanhte a n hkru ai amu ni koi kau na matu hte, ding hpring ai amu galaw na matu tsun shadum manu ai. Shanhte gaw kaga hpara sumla ni hpe nawku daw jau ai lam n galaw na matu nanhte hpe tsun shadum manu ai, shing rai jang, ngai gaw nanhte hte nanhte a nji nwa ni hpe jaw da ai mungdan hta nanhte matut shanu nga lu na myit dai. Rai ti mung, nanhte gaw nye a ga hpe n madat myit dai hte hpa zawn n nawn ya nga myit dai.

YEREMIA 36:3

Yuda amyu masha ni hta, ngai shanhte a ntsa e galaw na myit shatawng shada da ai jahten shabyak lam mahkra hte seng ai hpe na wa ai shaloi, shanhte gaw n hkru n shawp ai amu kaw na kayin wa dam nhten. Shaloi, ngai gaw shanhte a n hkru n shawp ai hte shut hpyit kau ai yubak mara ni hpe raw dat kau ya na nngai,” ngu nna tsun wu ai.

YEREMIA 4:4

Dai Madu ngai hte tawn da ai na a ga shaka hpe shagrin da u; Yuda hte Yerusalem amyu masha ni e, na a hkum hpe ngai hta ap nawng tawn u. Dai hku nang n galaw ai rai yang, nang galaw kau sai n hkru ai amu ni a majaw nye a pawt sindawng ai gaw wan zawn hkru na ra ai. Dai gaw hkru nna dai hpe kadai mung krip lu na ra ai n rai,” ngu nna tsun wu ai.

YEREMIA 7:5

“Na a asak hkrun lam hpe galai kau nna nang galaw nga ai amu ni hpe tawn kau u. Langai hte langai a lapran e na a shinggyim nau na myit rawng ai hta rap ra teng man nga u.

YEREMIA 7:7

Nang galai shai ai rai yang, na a nji nwa ni prat tup jaw lup a matu ngai jaw da sai ndai lamu ga hta ngai nang hpe shanu nga shangun na nngai.

EZEKELA 11:18

Shanhte bai nhtang wa ma ai shaloi, shanhte lu da ai awu asin re ai hte matsat shabat re ai hpara sumla ni yawng hpe shanhte htawm kabai kau na mara ai.

EZEKELA 18:13

amyat a matu gumhpraw hkoi sha nga ai. Shi hkrung nga na rai nga a ni? N rai law, shi hkrung nga lu na ra ai n rai. Shi gaw ndai matsat shabat amu ni yawng hpe galaw nu ai majaw, shi si na rai wu ai. Shi gaw shi a si hkrung si htan a matu shi nan mara shagun hkrum na ra ai.

EZEKELA 43:9

Ya chyawm gaw, karai shaje ni hpe nawku ai lam hpe shanhte jahkring kau nhtawm shanhte a hkawhkam ni a si mang ni hpe htawm kau lu na rai ma ai. Shanhte dai hku hkan galaw ai rai yang, ngai gaw shanhte a ka-ang e htani htana anga nga na nngai,” ngu nna tsun nngai.

HOSEA 14:1

Israela amyu masha ni e, nanhte a yubak gaw nanhte hpe ahtu kataw shangun nga manit dai majaw dai Madu nanhte a Karai Kasang hpang de nhtang wa mu.

HOSEA 2:2

Nye a ma ni e, nanhte a kanu hpe hpyi nem mu; shi gaw nye a madu jan n rai sanu ai, ngai mung shi a madu wa n rai sangai. Shi a la shaw ai amu hte shawa num galaw ai amu hpe jahkring kau na lam hpyi nem mu.

HOSEA 7:16

Shanhte gaw ngai kaw nna kayin mat wa nhtawm daru magam n-gun n rawng ai karai hpang de sha kayin mat wa ma ai. Shanhte gaw n ding ai ndan zawn kam hpa mai nga ai n rai. Shanhte a ningbaw ni myit tsaw myit dap ai hte ga shaga ma ai majaw, shanhte gaw du daw sai hkaw hte si mat na mara ai, Egutu masha ni gaw mani asawng na mara ai.”

YOELA 2:12

Dai Madu gaw, “Ya rai ti mung, myit kraw asan sha hte myit malai wa nna, lusha gam, hkrap shabam nna sharung shayawt ai hte ngai hpang de nhtang wa marit.

ZEHKARIA 1:4

Nanhte a nji nwa ni zawn hkum rai myit. Myihtoi ni gaw moi prat e shanhte hpe n hkru n hkra ai hku asak n hkrung na matu mung, yubak kap ai asak hkrun lam ni hpe kau da na lam mung, ndai nye a mungga hte shanhte hpe tsun ma ai. Rai ti mung shanhte mahtang nye a ga hpe n na ya ai hte n madat n mara ma ai.

TARA JAHPRANG 27:15

“ ‘Dai Madu gaw hpara sumla nawku ai htung hpe n dawng nga ai rai nna, nlung, hpun hte nhprang arai ni hte tawk nhtawm dai hpe makoi magap nawku ai wa kadai mung Karai Kasang kaw na dagam dala hkrum wu ga law.’ “Shaloi Amyu masha ni yawng gaw, ‘Amen!,’ ngu nna htan na rai ma ai.

TARA JAHPRANG 4:30

Nanhte hta ndai lam ni yawng byin wa nna ru yak kyin dut hkrum sha myit dai shaloi, kaning n di, dai Madu hpang de kayin wa nhtawm shi a ga madat lu na marin dai.

YAWSHU 24:14

Yawshu gaw, “Ya dai Madu hpe shagrau sha-a nhtawm sadi sahka hte ding man ai hku shi hpe daw jau nga mu. Mesopotamia hte Egutu mung hta nanhte a kaji kawa ni nawku ai hpara sumla ni hpe kau da nhtawm dai Madu hpe chyu sha daw jau nga mu.

TARA AGYI 10:16

Dai rai nna maigan hpara ni hpe shanhte kau tawn da nhtawm dai Madu hpe nawku ma ai; shi gaw Israela masha ni hkrum sha ai tsin-yam tsindam hpe masin yu machyi da wu ai.

1 SAMUELA 7:3

Samuela gaw Israela amyu masha ni hpe, “Nanhte a myit kraw lawang mahkra hte dai Madu hpang de kayin wa myit dai rai yang, maigan hpara ni yawng hte karai num Astarte a sumla ni hpe yeng seng kau lu na rai myit dai. Nanhte nan dai Madu hta tsep kawp ap nawng nna shi hpe chyu sha nawku myit dai rai yang, Hpilisti masha ni a lata na shi nanhte hpe hkye mawai la na ra ai,” ngu nna tsun wu ai.