YEREMIA 39:3 - Jinghpaw Common Language Bible 2009

³ (Yerusalem hkrat sum mat ai shaloi, Babelon hkawhkam wa a lahta tsang du salang ni yawng hte gaw Ka-ang Chyinghka lam e shara sa la da ma ai; dai ni hta Nergala Shareze, Samgara Nebo, Sashehkim, Nergala Shareze (kaga langai mi), ni lawm nga ma ai.)

Jinghpaw Hanson Version Bible

³ Shing rai Yerusalem mare hpe dang la lu ai shani e, Babelon hkawhkam a du salang ni mahkra gaw mare de shang nna, mare ka-ang chyinghka lam e dung nga ma ai: dai ni gaw, Nergala-shareze, Samgara-nebo, Sashehkim, Rabsari, Nergala-shareze, Rab-maga hte rai ma ai: shanhte hte rau Babelon hkawhkam a du salang ni mahkra lawm ma ai.

YEREMIA 39:3 ပူးပေါင်းရင်းမြစ်များ

2 HKAWHKAM 17:30

Babelon masha ni gaw Suhko Benot karai a hpara sumla ni hpe mung, Hkuhta masha ni gaw Nergala hpara sumla ni hpe mung, Hamat masha ni gaw Ashima hpara sumla ni hpe mung,

YEREMIA 1:15

hpa majaw nga yang, ngai gaw dingdung maga de nga ai masha amyu baw ni yawng sa du na matu shaga dat nngai. Shanhte a hkawhkam ni gaw shanhte a tingnyang ni hpe Yerusalem a chyinghka lam ni hte de a bunghku grup yin hkan e mung, Yuda mung na kaga mare ni a grup yin hkan mung sharawt da na mara ai.

YEREMIA 21:4

Dai Madu Israela a Karai Kasang gaw Zedikia hpe ning nga tsun na matu tsun nu ai: “Ngai gaw Babelon hkawhkam hte shi a hpyen luksuk ni hpe hkap gasat nga ai na a hpyen luksuk hpe jasum kau ya na nngai. Na a share shagan hpyenla ni a laknak arung arai ni hpe ndai mare ka-ang e sumpum da na nngai.

YEREMIA 38:17

Dai hpang, Chyahtum Chyalai N-gun Rawng ai dai Madu Israela a Karai Kasang gaw, “Babelon hkawhkam wa a du salang ni kaw nang lata sharawt shang wa ai rai yang, na a asak lawt lu na rin dai; ndai mare mung hkru mat na ra ai n rai, nang hte na a dinghku masha ni mung hkrung nga lu na mara ai.

YEREMIA 39:13

Dai rai nna, Nebuzaradan gaw shi hte rau lahta tsang du salang ni rai nga ai Nebushaban, Nergala Shereze hte kaga Babelon hkawhkam wa a du kaba ni mahkra gaw,

EZEKELA 26:10

Law la ai ga nhpu ni gaw hpyen gumra ni a majaw, mawng lung wa nna sumwi zawn nang hpe ka-up kau na mara ai. Shanhte gaw hten run sai mare chyinghka lam hku lai shang wa yang, arai htaw ai gumra leng ni hte hpyen leng ni a wu kadu ai nsen ni a majaw na a mare bunghku ni gari ashun na mara ai.