YEREMIA 38:9 - Jinghpaw Common Language Bible 2009

⁹ “Nye a hkawhkam wa e, ndai masha ni galaw ai amu gaw shut nga masai. Shanhte gaw Yeremia hpe hka htung kata de jahkrat bang kau manu ai, bai nna ndai mare hta lusha hpa mung n nga sai majaw shi gaw teng teng kawsi kyet ai hte si mat na ra ai,” ngu nna tsun wu ai.

YEREMIA 38:9 ပူးပေါင်းရင်းမြစ်များ

YOBA 31:34

Masha ni ngai hpe kaning nga tsun na lam hpe ngai galoi mung n hkrit nngai; shanhte a jahpoi asawng ai ga hpe ngai hkrit nngai majaw, nhku kata e rawng nna galoi mung atsin sha nga nngai n rai.

YEREMIA 19:9

Gumlau hpyen ni gaw mare hpe wang tawn da nna dai mare masha ni hpe sat kau na matu shakut na mara ai. Hpyen ni mare hpe wang shing grup tawn ai gaw hkrit tsang shara rai nga ai majaw, mare kata e nga ai masha ni gaw langai hte langai sha n-ga, shanhte a kashu kasha ni hpe pyi, sha kau na mara ai,” ngu nna tsun ai.

YEREMIA 37:21

Shaloi Hkawhkam Zedekia gaw ngai hpe hkawhkam wang kata e rawng da na matu hkang dat wu ai. Ngai gaw dai yang e nga nga nna, mare kata hta kabaw ai muk tawng ni yawng ma mat ai aten du hkra, ngai gaw shani shagu muk kabaw seng kaw na muk tawng tawng hpe sha let nga nga nngai.

YEREMIA 38:10

Dai hpang, ngai garai n si yang, ngai hpe hka htung kata kaw nna gang shaw la na matu Ebedmelek hte rau la marai masum sa na matu hkawhkam wa hkang dat wu ai.

YEREMIA 38:8

Dai rai nna Ebedmelek gaw hkawhkam wa nga ai shara de pru sa wa nna hkawhkam wa hpe,

YEREMIA 39:17

Rai ti mung, dai Madu ngai nan nang hpe makawp maga na nngai, nang gaw nang hkrit nga ai masha ni a lata de ap kau hkrum na ndai n rai.

YEREMIA 52:6

Dai shaning a shata mali a nhtoi jahku ya ngu na shani hta, dai mare e hkuwa kaba wa ai majaw amyu masha ni sha na lusha hpa mung n nga nga sai.

SHARUNG SHAYAWT 1:11

Shanhte gaw sha na shahpa tam nga yang, shi a amyu masha ni madai nga ma ai; Shanhte hkum nan asak hkrung nga lu na matu shanhte a sut gan ni hpe shahpa galai ma ai. Dai Madu gaw, “Ngai hpe mada yu rit, nye a nchyi nmu hpe mu ya rit,” nga nna dai mare jahtau tsun nga ai.

SHARUNG SHAYAWT 3:53

Shanhte gaw ngai hpe nhkun kata de chyahkrung kabai bang nna nhkun mahka hpe nlung hte pat da ma ai.