YEREMIA 38:7 - Jinghpaw Common Language Bible 2009

⁷ Gara hku mi rai rai, shanhte ngai hpe hka htung kata de jahkrat bang kau ai lam hkawhkam htingnu hta amu galaw nga ai unuk, Ehtiopi masha Ebedmelek na wu ai. Dai aten hta hkawhkam wa gaw Benyamin Chyinghka lam hta sa dung nga ai.

Jinghpaw Hanson Version Bible

^7-9 Shing rai Yeremia hpe nhkun hta jahkrat bang kau ai lam, hkawhkam nta hta aya lu ai wa, Hkusha masha Ebedmelek na wu yang, Shi gaw hkawhkam nta na pru nhtawm, Ben-yamin chyinghka lam e dung nga ai hkawhkam wa hpang de sa nna, Nye a madu hkawhkam wa e, myihtoi Yeremia hpe, shanhte galaw ai lam nlang shut masai; shi hpe nhkun hta jahkrat bang kau manu ai; mare na muk ma ai majaw, dai nhkun hta kawsi ai hte shi si na ra ai, ngu nna tsun wu ai.

YEREMIA 38:7 ပူးပေါင်းရင်းမြစ်များ

2 HKAWHKAM 24:15

Nebuhkadneza gaw Yehoiahkin hte rau shi a kanu, shi a madu jan ni, shi a du salang ni, Yuda mung a ningbaw ningla ni hpe Babelon mung de woi mat wa wu ai.

SHAKAWN KUNGDAWN 68:31

Egutu mungdan na sumtsan salang ni nang kaw du sa wa na mara ai; Ehtiopi masha ni mung Karai Kasang hpe akyu hpyi ai hta shanhte a lata ni hpe sharawt wa na mara ai.

GA SHAGAWP 29:10

Sai gara ai masha ni gaw myit malang ai kadai hpe mung n ju n dawng nga ai; rai ti mung, myit malang ai masha wa chyawm gaw dai zawn re ai wa a asak hpe makawp maga ya na ra ai.

ESAIA 56:3

Dai Madu a amyu masha ni kaw hkan nga sai maigan masha wa gaw, “Dai Madu gaw ngai hpe shi a amyu masha ni hte rau n nawku shangun na re,” nga nna n tsun hkrup u ga. Unuk gaw shi hta kashu kasha n lu sai, shi gaw galoi mung Karai Kasang a amyu masha daw chyen mi pyi n tai lu na sai, ngu nna galoi mung n myit la mai ang nga ai.

YEREMIA 13:23

Ehtiopi masha gaw shi a hkum hpyi hpe, rawnggawk gaw shi a ateng apang re ai hpe galai kau lu nga a ni? Shanhte galai kau lu ai rai yang, nang hpa n galaw ra nga ndai rai ti mung, n hkru ai amu galaw lu ai wa gaw jaw ai amu galaw na matu sharin la lu nga ai.

YEREMIA 20:2

shi gaw ngai hpe kayat ai hte Nawku Htingnu kata na lahta Benyamin Chyinghka makau e hpri hte gyit sumroi da mi ai.

YEREMIA 26:16

Dai hpang, ningbaw ni hte amyu masha ni gaw hkinjawng ni hte myihtoi ni hpe, “Ndai wa gaw dai Madu anhte a Karai Kasang a amying hta anhte hpe tsun mi ai; shi si ging ai wa n rai,” nga nna tsun ma ai.

YEREMIA 29:2

Hkawhkam Yehoiahkin hte shi a kanu, hkawhkam htingnu na mung bawng salang ni, Yuda mung hte Yerusalem na ningbaw ni, lasama ni hte kung kyang ai ndup masha ni rim hkrum mat wa ai hpang ngai ka dat nngai.

YEREMIA 37:13

Rai ti mung, Benyamin Chyinghka lam de ngai du shang wa ai shaloi, Hanania a kashu, Shelemia a kasha, sin langa ni a agyi Iriya mying ai wa gaw, ngai hpe hkap jahkring nhtawm, “Nang gaw Babelon masha ni hpang de hprawng shang mat wa ai wa rai nga ndai!,” ngu nna hkap tsun wu ai.

YEREMIA 38:8

Dai rai nna Ebedmelek gaw hkawhkam wa nga ai shara de pru sa wa nna hkawhkam wa hpe,

AMO LAIKA (AMOS) 5:10

Nanhte gaw n tara ai lam hta dakat ai kadai hpe rai ti mung, tara rung e teng man ai ga tsun ai ni hpe mung n dawng nga myit dai.

ZEHKARIA 14:10

Dingdung maga Geba mare kaw nna dingda maga Rimon mare du hkra dam ai ginwang ting gaw man ra ai shara tai mat na ra ai. Yerusalem chyawm gaw de a grup yin lamu ga hta grau tsaw nga na ra ai. Dai mare gaw Benyamin Chyinghka kaw nna shawng na chyinghka nga ai shara Njut Chyinghka du hkra, Hananela Langchyi kaw nna hkawhkam wa a sabyi htumbyen du hkra dam nga na ra ai.

MAHTE 20:16

Dai hpang Yesu gaw, “Dai rai nna, hpang hkrat ai ni shawng na mara ai; shawng ai ni mahtang hpang hkrat na mara ai,” ngu nna tsun hpungdim wu ai.

TARA JAHPRANG 21:19

kanu yan kawa gaw shi nga ai mare a ningbaw ni a man de woi sa nna jeyang shangun na rai nga ai.

YAWSHU 20:4

Shi gaw mare langai ngai de hprawng sa nna, mare chyinghka e nga ai tara daw dan ai shara de sa wa lu na rai wu ai. Shing rai mare ningbaw ni hpe byin ai lam tsun dan na rai wu ai. Dai ni gaw mare kata de shi hpe woi jashawn la nna, dai yang e shi nga nga lu na matu shara hkap jaw na rai mu ai.