YEREMIA 38:4 - Jinghpaw Common Language Bible 2009

⁴ Dai hpang, du salang ni gaw hkawhkam wa hpang de sa nna, “Ndai masha wa gaw si ging nga ai. Shi gaw dai zawn nga ai ga tsun shaga ai majaw mare kata na hpyenla ni hpe shanhte a n-gun marai shadaw kau ya nu ai; shi gaw ndai mare hta naw ngam nga ai masha shagu hte hpe karum na matu, shakut ai wa n rai, shanhte hpe nchyi nmu machyi shangun na ra sharawng ai wa sha rai nga ai,” ngu nna tsun dan ma ai.

Jinghpaw Hanson Version Bible

⁴ shaloi ndai du salang ni gaw, hkawhkam wa, Ndai wa hpe sat kau u ga; shi gaw ning re ai ga tsun ai majaw, mare e naw ngam nga ai hpyen masha ni hte, mung masha ni mahkra a lata hpe n-gun shayawm nga ai; ndai wa gaw ndai amyu a ngamai wunli n yaw, jahten kau na she maw nga ai, ngu mu ai.

YEREMIA 38:4 ပူးပေါင်းရင်းမြစ်များ

1 HKAWHKAM 21:20

Ahab gaw Elia hpe mu jang shi hpe, “Nye a gumlau hpyen wa e, nang ngai hpe hkan dep nang nga n ni?,” ngu nna tsun wu ai. Elia gaw, “Rai sa, ngai dep nang nga nngai; nang gaw dai Madu a man e n kaja ai amu hpe nang hkum nan myit jung ai hte htum hkra galaw kau nit dai.

2 HKAWHKAM LABAU 24:21

Hkawhkam Yosha gaw Zehkaria hpe mayun gumlau ai amu hta shi shang lawm ai rai nna, hkawhkam wa hkang dat ai hte maren, amyu masha ni dai Zehkaria hpe Nawku Htingnu wang hta nlung hte kabai sat kau ma ai.

EZRA 4:12

“Ya na a kaga lamu ga ni kaw nna ndai de pru sa wa ai Yuda masha ni gaw Yerusalem mare hta nga nga masai rai nna, n hkru n shawp ai hte gumlau ai mare hpe bai de da nga ma ai lam madu hkawhkam hpe chye shangun mayu ga ai. Shanhte gaw mare bunghku ni hpe bai galaw hpang wa masai rai nna kade n na yang, dai hpe shangut lu na rai ma ai.

NEHEMIA 6:9

Shanhte chyawm gaw bungli jahkring kau ya na matu anhte hpe jahkrit maw nga ma ai. Ngai gaw, “Karai Kasang e, ya rai tim, ngai hpe n-gun shaja ya e law!,” ngu nna hpyi we ai.

PRU MAT 5:4

Hkawhkam wa gaw Mawshe yan Arun hpe, “Ndai amyu masha ni shanhte a amu hpe n sawn n sang rai galaw na gaw nan hpa hpe lachyum shapraw mayu myit ni? Ndai mayam ni shanhte a bungli dabang de bai shang manu ga!

YEREMIA 11:21

Anahtot masha ni gaw ngai hpe sat kau mayu nga ma ai; ngai rai nna dai Madu a mungga hpe matut hkaw tsun ai rai yang, shanhte ngai hpe sat kau na ma ai lam ngai hpe tsun ma ai.

YEREMIA 18:23

Rai ti mung, Madu e, ngai hpe sat na matu shanhte a maw mawn ai lam yawng hte hpe nang chye nga ndai. Shanhte a n hkru ai amu hpe mara hkum raw ya et; shanhte a yubak hpe mung hkum dat ya et. Shanhte hpe hkrat sum shangun u; nang pawt sindawng nga yang, shanhte hpe daw dan u,” ngu nna hpyi lajin se ai.

YEREMIA 26:11

Dai hpang hkinjawng ni hte myihtoi ni gaw ningbaw ni hte amyu masha ni hpe, “Anhte a mare hpe ninghtan shai ai hku shi tsun nu ai majaw ndai wa gaw si ging ai wa rai nga ai. Nanhte gaw shi a lam hpe nanhte a na hte nan shi a nsen hpe na manit dai,” ngu nna tsun ma ai.

YEREMIA 29:7

Ngai nanhte hpe bawng dung shangun ai mare ni hta mai kaja ai amu magam a matu shakut shaja nga mu. Shanhte ngamu ngamai wa ai rai yang, nanhte mung ngamu ngamai na ra ai majaw, shanhte a matu ngai kaw akyu hpyi nga mu.

YEREMIA 38:16

Hkawhkam Zedekia gaw ngai hpe, “Anhte hpe asak jaw ya ai Karai Kasang, dai ahkrung nga ai Karai Kasang hta ngai dagam nngai. Ngai gaw nang hpe sat kau na n rai; nang hpe sat kau na matu tam nga ai masha ni a lata de mung ap ya na n rai,” ngu nna mayun ga sadi jaw da wu ai.

YEREMIA 38:25

Nang hte ngai shaga hkat ai lam du salang ni na ai rai yang, shanhte gaw nang kaw sa nna an tsun shaga ai ga ni hpe san na mara ai. Nang shanhte hpe an tsun shaga ai ga mahkra tsun dan ai rai yang, nang hpe n sat kau na matu shanhte ga sadi jaw na mara ai.

YEREMIA 43:3

Babelon mung masha ni gaw anhte a ntsa e daru magam n-gun bai rawng wa ai hte anhte hpe sat kau na shing n rai Babelon mung de woi wa na matu Neria a kasha Baruk gaw anhte hpe gumlau na matu nang hpe kasu kabrawng dat nu ai,” ngu nna tsun ma ai.

EZEKELA 22:27

Asuya mung du ni mung ashan ni gyam sat nna ashep ashin di gang amya sha ai chyahkyawn ni hte bung nga ma ai. Shanhte gaw sut su wa na matu masha sat ai amu hte shut hpyit nga ma ai.

AMO LAIKA (AMOS) 7:10

Behtela na hkinjawng Amazia gaw Israela a Hkawhkam Yeroboam hpang de ning ngu shiga shana dat wu ai: “Amo gaw amyu masha ni a lapran e nang hpe gumlau na matu maw mawn nga ai. Shi a tsun shaga ai ga ni gaw mungdan hpe jahten nga ai.

LUKA 23:2

Shanhte gaw, “Ndai wa gaw, anhte a amyu hpe lam woi shadam ai hte, hkawseng kaw hkanse bang na lam hkum da nna, shi hkum dai hkawhkam rai nngai, nga nna tsun nga ai hpe anhte mu ga ai,” ngu nna shi hpe mara shagun mu ai.

KASA 16:20

Shing rai shan hpe du ni a man de woi jashawn nhtawm, “Ndai yan gaw Yuda masha rai ma ai; shan gaw anhte a mare hta kasu kabrawng ai lam byin hkra woi galaw nga ma ai.

KASA 17:6

Rai ti mung shan hpe n mu jang, shanhte gaw Yasun hte kam sham ai hpu nau ni nkau mi hpe mare du agyi hpang de dun garawt sa nna, “Ndai ni gaw mungkan ting hpe gale galau di hkawm ai ni rai ma ai! Ya anhte a mare de du mara ai rai nna Yasun gaw shi a nta hta shan hpe hkap la mu ai.

KASA 24:5

Ndai wa gaw, grai hkrit tsang ra ai dingbai dingna jaw ai wa, mungkan ting na Yuda masha ni kabring kabrawng woi galaw ai wa re ai hta n ga, Nazaret wa a hpung hta lawm ai ningbaw ningla langai mi mung rai nga ai.

KASA 28:22

Rai ti mung, ndai nang lawm ai hka bra hpung hpe shara shagu hta masha ni n ra sharawng nna tsun ninghkap nga ma ai hpe anhte chye ga ai majaw, nang myit ai hku mung anhte na mayu ga ai,” ngu nna htan mu ai.