YEREMIA 38:10 - Jinghpaw Common Language Bible 2009

¹⁰ Dai hpang, ngai garai n si yang, ngai hpe hka htung kata kaw nna gang shaw la na matu Ebedmelek hte rau la marai masum sa na matu hkawhkam wa hkang dat wu ai.

Jinghpaw Hanson Version Bible

¹⁰ Shaloi hkawhkam wa gaw, Myihtoi Yeremia garai n si yang, ndai shara na marai sumshi hpe shaga la nhtawm, nhkun kata na shi hpe shaw la u, ngu nna Hkusha masha Ebedmelek hpe hkang dat wu ai.

YEREMIA 38:10 ပူးပေါင်းရင်းမြစ်များ

ESHTA 5:2

Hkawhkam jan Eshta shinggan e tsap nga ai hpe hkawhkam wa mu ai shaloi shi a man e myi man pa nga ai rai nna hkawhkam wa mung shi hpang de ja sumdoi ladawn dat wu ai. Shaloi shi sit sa nna sumdoi matu sa hkra ya wu ai.

ESHTA 8:7

Hkawhkam Ahasuru gaw hkawhkam jan Eshta hte Yuda masha Mordehkai yan hpe, “Yu mu! Yuda masha ni hpe sat kau na maw mawn ai majaw Haman hpe ngai noi sat kau se ai. Eshta hpe mung shi a sut gan ngai ap ya se ai.

SHAKAWN KUNGDAWN 75:10

Tara n lang ai ni a n-gun atsam hpe shi shadaw kau ya na ra ai; rai ti mung, ding hpring ai ni a daru magam n-gun hpe chyawm gaw shi rawt jat kaba shangun na ra ai law.

GA SHAGAWP 21:1

Dai Madu gaw hka shi hpe de a lwi lam de, aloi sha shalen dat wu ai zawn, hkawhkam wa a myit mang ai lam hpe mung, hkang ya nga ai.

YEREMIA 38:11

Dai rai nna, Ebedmelek gaw dai masha ni hte rau htingnu wang na sut mahkawng gawk de sa wa nhtawm, tsupni palawng dingsa ni la nna, ngai rawng nga ai hka htung kata de sumri hte shayu ya ma ai.

YEREMIA 38:7

Gara hku mi rai rai, shanhte ngai hpe hka htung kata de jahkrat bang kau ai lam hkawhkam htingnu hta amu galaw nga ai unuk, Ehtiopi masha Ebedmelek na wu ai. Dai aten hta hkawhkam wa gaw Benyamin Chyinghka lam hta sa dung nga ai.

YEREMIA 38:9

“Nye a hkawhkam wa e, ndai masha ni galaw ai amu gaw shut nga masai. Shanhte gaw Yeremia hpe hka htung kata de jahkrat bang kau manu ai, bai nna ndai mare hta lusha hpa mung n nga sai majaw shi gaw teng teng kawsi kyet ai hte si mat na ra ai,” ngu nna tsun wu ai.