YEREMIA 37:2 - Jinghpaw Common Language Bible 2009

² Rai ti mung, Hkawhkam Zedekia mung, shi a du salang ni hte amyu masha ni mung ngai hpe tsun shangun ai dai Madu a mungga hpe n madat nga ma ai.

Jinghpaw Hanson Version Bible

² Rai timung, myihtoi Yeremia n-gup hte Yehowa tsun ai ga hpe, shi mung, shi a ali ama ni mung, amyu masha ni mung, n madat ma ai.

YEREMIA 37:2 ပူးပေါင်းရင်းမြစ်များ

2 SAMUELA 10:2

Hkawhkam Dawi gaw, “Shi a kawa ngai hpe chyeju jaw ai hte maren, kasha Hanun hpe mung sadi dung ai jinghku lai ngai shi hpe madun lu na rai nngai,” ngu nna tsun wu ai. Dai rai nna shi a matsan dum ai lam madun dan na matu kasa ni hpe Dawi shangun dat wu ai. Shanhte Amon mung de du sa wa ma yang,

2 SAMUELA 12:25

myihtoi Nahtan hpe hkang dat let, dai Madu ma hpe tsaw ra nga ai majaw ma dai hpe Jedidi ngu nna shamying ya nga ai.

1 HKAWHKAM 14:18

Dai Madu gaw shi a shangun ma myihtoi Ahiya hpe tsun nu ai hte maren, Israela amyu masha ni yawng shi a matu sharung shayawt ai hte shi hpe lup makoi da mu ai.

1 HKAWHKAM 16:7

Dai Madu hpe shut hpyit kau ai Basha a yubak mara ni a majaw Basha hte shi a dinghku masha ni hpe ninghkap na matu dai Madu kaw na pru ai mungga gaw myihtoi Yehu hku nna jaw ya nga ai. Shi a shawng na Hkawhkam Yeroboam galaw shut kau ai zawn shi galaw ai n hkru ai amu a majaw dai Madu hpe pawt shangun ai sha n rai; Yeroboam a dinghku masha ni yawng hpe mung shi sat kau wu ai majaw mung rai nga ai.

2 HKAWHKAM LABAU 36:11

Zedekia gaw Yuda hkawhkam tai wa ai shaloi asak hkun langai ning rai nna Yerusalem mare hta shi langai ning up nga ai.

PRU MAT 4:13

Rai ti mung Mawshe mahtang, “Madu e, n rai na nngai, chyeju hte marai langai ngai hpe mahtang alak mi shangun u,” ngu nna htan wu ai.

GA SHAGAWP 26:6

Angawk ai wa hpe shiga sa sa shangun ai gaw, na a lagaw hpe kahtam daw kau ai hte maren rai nga ai. Nang jamjau hpyi sha ai sha rai na ra ai.

GA SHAGAWP 29:12

Mung du wa gaw n teng n man ai shiga hpe madat yang, shi a rap daw salang ni yawng masu magaw ai ni rai na mara ai.

YEREMIA 34:2

Dai Madu Israela a Karai Kasang gaw Yuda Hkawhkam Zedekia hpe sa tsun na matu ngai hpe hkang dat ni ai gaw, “Dai Madu ngai nan dai mare hpe Babelon hkawhkam a lata de ap kau nna, shi gaw dai mare hpe nat kau na ra ai.

EZEKELA 21:25

“Tara n lang ai hte matsat shabat re ai Israela mung du wa e, nanhte a nhtoi ngu ai jahtum ari jaw ai nanhte a aten mung du wa ra ai.

HOSEA 12:10

“Ngai gaw myihtoi ni hpe ga tsun ni ai, shanhte hpe shingran law law mung jaw ni ai. Ngai gaw myihtoi ni a n-gup aga hku nna nye a amyu masha ni hpe shadum jahprang ga jaw ni ai.

JAW JAU 8:36

Dai re ai majaw, dai Madu Mawshe hpe hkang da mada yawng Arun hte shi a shadang sha ni mung lam magup hkan galaw ma ai.

1 HTESALONI 4:8

Dai rai nna, ndai sharin shaga ai lam hpe ningdang kau ai wa kadai mung, masha hpe n rai, Chyoi Pra ai Wenyi jaw ya ai Karai Kasang hpe mahtang ningdang kau ai wa rai nga ai.