YEREMIA 3:8 - Jinghpaw Common Language Bible 2009

⁸ Shi gaw ngai kaw na kayin mat wa nhtawm shawa num tai mat sai majaw ngai gaw Israela hpe jahka kau nhtawm tsan tsan de sa kau dat ai hpe Yuda wa mung mu nu ai. Rai ti mung, Israela a sadi n dung ai kana Yuda gaw hkrit ai n rai. Shi mung shawa num tai wa nhtawm,

Jinghpaw Hanson Version Bible

⁸ Htak mat sai Israela gaw, la shaw ai hte shut ai amu galaw ai majaw ngai shi hpe kau da nna, jahka ai laika jaw timung, myit magaw ai, shi a kana Yuda gaw, n hkrit ai sha sa nna, shi mung shawa num tai nga ai hpe, ngai mu nngai.

YEREMIA 3:8 ပူးပေါင်းရင်းမြစ်များ

2 HKAWHKAM LABAU 21:11

Shi gaw Yuda mung na kawng ni hta pyi tara maigan masha ni a matu nawku shara ni galaw ya nhtawm Yuda mung hte Yerusalem mare na amyu masha ni hpe lam woi shadam nna dai Madu a man e shut hpyit shangun nga ai.

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

YEREMIA 2:19

Nang nan galaw ai n hkru ai amu gaw nang hpe ari jaw na ra ai, ngai kaw na kayin mat wa ai gaw nang hpe daw dan na ra ai. Dai Madu na a Karai Kasang ngai hpe kau da nna, ngai hta loi mi pyi sadi n dung nga ndai gaw kade sha ahkup ahka nga nna shut hpyit nga ai hpe nang chye wa na rai ndai. Chyahtum Chyalai N-gun rawng ai Tsaw Htum ai dai Madu ngai nan tsun ni ai,” ngu nna tsun ai.

YEREMIA 3:1

Dai Madu gaw, “Lasha langai ngai gaw shi a madu jan hpe jahka kau nna, num dai gaw shi kaw na pru mat wa ai hte kaga masha wa a madu jan tai ai rai yang, shi gaw dai numsha hpe bai la lu na n rai. Dai zawn re ai amu gaw lamu ga hpe tsep kawp awu asin di nga ai. Rai ti mung, Israela e, nang chyawm gaw sumtsaw law law lu yu nga ndai, ya chyawm gaw nang ngai hpang de nhtang wa mayu nga nit hka!

YEREMIA 33:24

“Ndai ngai lata san da sai dinghku amyu lahkawng rai nga ai Israela hte Yuda hpe ngai kau da ni ai nga nna masha ni kade tsun nga ma ai hpe nang myit dum yu nga n ni? Shanhte gaw nye a amyu masha ni hpe n kaw n law rai mada yu ma ai; shanhte hpe amyu langai mi zawn loi mi pyi n myit nawn da ma ai.

YEREMIA 5:7

Dai Madu gaw, “Ngai gaw hpa majaw nye a amyu masha ni a yubak ni hpe raw ya ang nga a ni? Shanhte gaw ngai hpe kau da ai hte karai ajet n rai nga ai ni hpe nawku manu ai. Ngai gaw nye a amyu masha ni hkru kat ai aten du hkra jaw sha ni ai, rai ti mung, shanhte gaw lashaw numshaw amu shut hpyit nhtawm shawa num ni hte shanhte a aten shama nga ma ai.

EZEKELA 16:46

“Na a kana hte shi a mare gaw dingdung maga de nga ai Samari rai nga ai. Na a kanau hte shi a mare gaw dingda maga de nga ai Sodom rai nga ai.

EZEKELA 16:47

Nang gaw shanhte a lagaw lahkam hta hkan shachyaw nang nhtawm, shanhte a matsat shabat re ai amu hpe len la ai hta myit dik wu ni? N rai law, nang galaw ai lam shagu gaw, kaji sha re ai amu hta pyi shanhte galaw ai hta grau nna nse nga ndai.

EZEKELA 16:51

“Samari mare gaw nang galaw ai yubak chyen mi daram pyi n galaw shut yu nga ai. Nang gaw shi galaw ai hta grau nna matsat shabat lai hku galaw ndai. Na a n san n seng ai matsat shabat re ai amu gaw, shadawn yu yang, na a kanau kana ni gaw mara n kap ai ni zawn rai nga ai.

EZEKELA 23:44

Shanhte gaw dai shawa num ni hpang de lang hte lang nhtang sa wa ma ai. Shanhte gaw dai nse nsa re ai Ohola hte Oholiba yan hpang de mung nhtang shang ma ai.

EZEKELA 23:9

Dai re ai majaw, Ngai gaw shi hpe shi grai ra ai shi a Asuri sumtsaw ni a lata de ap kau nngai.

HOSEA 3:4

Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

TARA JAHPRANG 24:1

“Lasha langai ngai num hkungran la nna nga sha nhtawm, shi n yu htuk dum ai lam lama ma hpe mu tawn ai a majaw n ra sharawng mat wu ai rai yang, jahka ai laika ka jaw let shi a nta kaw na dat dat na rai wu ai.

TARA JAHPRANG 24:3

hpang na la wa mung shi hpe n tsaw n ra ai rai yang, jahka laika ka jaw nhtawm shi a nta kaw nna shabawn kau dat na rai wu ai. Shing n rai dai numsha a hpang na madu wa si mat ai rai rai,