YEREMIA 3:6 - Jinghpaw Common Language Bible 2009

⁶ Yoshia hkawhkam tai nga yang, dai Madu gaw ngai hpe, “Israela ngu ai sadi n dung ai numsha gaw kaning re ai amu galaw nu ai hpe nang mu nit ni? Shi gaw ngai kaw na kayin mat wa nhtawm kawng shagu a ntsa hte tsit lali ai hpun npu shagu hta shawa num zawn amu galaw nu ai.

Jinghpaw Hanson Version Bible

⁶ Bai, hkawhkam Yoshia lakhtak e, Yehowa ngai hpe ning nga ai: Htak mat sai Israela amyu hpe nang mu nu ni? shi gaw, tsaw ai bum shagu a ntsa e mung, tsit lali ai hpun shagu a npu e mung, shawa num tai wa sai.

YEREMIA 3:6 ပူးပေါင်းရင်းမြစ်များ

1 HKAWHKAM 14:23

Shanhte gaw n teng n man ai karai ni a matu nawku shara ni hpe gap nhtawm kawng ntsa hkan na shingnip hpun npu hkan e mung Ashera hkrang sumla ni hpe nawku na matu nlung shadaw ni hpe jung da nga ma ai.

2 HKAWHKAM LABAU 34:1

Yoshia gaw Yuda hkawhkam tai wa ai shaloi asak matsat ning rai nna Yerusalem mare e sumshi langai ning up nga ai.

SHAKAWN KUNGDAWN 106:39

Shanhte galaw ai amu ni hte shanhte hkum hpe awu asin di kau nna; Karai Kasang hta sadi sahka myit n dung mat nga masai.

ESAIA 57:3

Yubak kap ai ni e, jeyang hkam na matu ndai shara de sa wa mi! Nanhte gaw hpyi shung shung ai ni, numshaw lashaw ai ni hte shawa num ni hta grau kaja nga myit dai n rai.

ESAIA 57:7

Nanhte gaw tsaw ai bum ni de shagu hkungga ni nawng ai hte num la kanawn mazum na matu lung myit dai.

YEREMIA 1:2

Dai Madu gaw Yeremia hpe Yuda hkawhkam Amon a kasha Yoshia hkaw dung ai shi masum ning hta e tsun ai hte

YEREMIA 11:10

Shanhte gaw ngai tsun ai ga hkan galaw na matu ningdang kau nga ai shanhte a kaji kawa ni a yubak lam de nhtang mat wa masai; shanhte gaw kaga karai ni hpe nawku mat masai. Israela hte Yuda yan gaw shanhte a kaji kawa ni hte ngai galaw tawn da sai ga shaka hpe jahten kau manu ai.

YEREMIA 17:2

Na a amyu masha ni gaw tawn hkungri ni hta mung, tsit lali ai hpun shagu hte kawng pungding ni hkan Ashera hpara num a matu sharawt tawn ai sumla ni hpe nawku myit dai. Shanhte gaw nam na bum ntsa hkan e mung nawku ma ai. Na a mungdan ting hta nang shut kau ai yubak lam ni yawng a majaw na a sut gan hte arung arai ni hpe kashun la kau ya na matu, na a gumlau hpyen ni a lata de ngai ap kau na we ai.

YEREMIA 3:8

Shi gaw ngai kaw na kayin mat wa nhtawm shawa num tai mat sai majaw ngai gaw Israela hpe jahka kau nhtawm tsan tsan de sa kau dat ai hpe Yuda wa mung mu nu ai. Rai ti mung, Israela a sadi n dung ai kana Yuda gaw hkrit ai n rai. Shi mung shawa num tai wa nhtawm,

YEREMIA 31:22

Sadi n dung ai amyu masha ni e, galoi aten du hkra kanung nga na ngu myit ni? Ngai gaw ningnan re ai hte shai ai lam lama mi hpe hpan da ni ai, dai gaw numsha gaw lasha hpe makawp maga nga ai zawn shai nga ai,” ngu nna tsun ai.

YEREMIA 5:11

Israela hte Yuda amyu masha ni gaw ngai hpe htum hkra gumle gumlau galaw masai. Dai Madu ngai nan tsun ni ai,” ngu wu ai.

YEREMIA 7:24

Rai ti mung, shanhte gaw madat mara ma ai n rai, hpa zawn mung n nawn ya nga ma ai. Dai zawn hkan sa na malai, shanhte gaw du ja ai hte n hkru ai myit masin shanhte hpe shadut matsun ai hku galaw nga ma ai majaw, shanhte gaw kaja wa na malai n kaja ai masha ni tai wa nga masai.

EZEKELA 16:31

Nang gaw nmaw lam makau shagu hkan hpara sumla ni hpe nawku dingnyawm na shara gaw gap ndai hte shawa num amu shut hpyit nga ndai. Rai ti mung, nang gaw kaga shawa num ni zawn shinggan pru nna manu jahpu n la nga ndai.

EZEKELA 16:35

Dai rai nna, Yerusalem e, nang gaw shawa num rai nga ndai! Dai Madu tsun nga ai ga na la u.

EZEKELA 20:28

Shanhte hpe jaw na ngu nna ngai ga sadi dagam da ai mungdan de shanhte hpe ngai woi wa ni ai. Shanhte gaw tsaw ai kawng ni hte tsit lali ai hpun ni hpe mu mada ma ai shaloi, dai shara ni yawng hta shagu hkungga nawng ya ma ai. Shanhte gaw dai hkan e manam pyaw ai baw wan nat hkungga hte sabyi hkungga ru jaw ai lai hte ngai hpe pawt bu shangun ma ai.

EZEKELA 23:11

“Ya shi a kanau Oholiba gaw dai lam hpe mu nga ninglen, Ohola shut lai wa sai shawa num amu hta grau sawng ai hte gayut nga wu ai.

EZEKELA 23:4

Kana a amying gaw Ohola rai nna (dai gaw Samari a malai rai nga ai), kanau a amying gaw Oholiba rai nna (dai gaw Yerusalem a malai rai nga ai.) Ngai gaw shan lahkawng yan hpe hkungran la ni ai, shan mung nye a matu kashu kasha shangai ya ma ai.

HOSEA 11:7

Shanhte gaw ngai kaw nna kayin mat wa na matu shadut jahkat ma ai. Shanhte a ntsa e mara ya ai kandang a majaw shanhte marawn jahtau na mara ai; rai ti mung shanhte hpe kadai e mung tau sharawt la na n rai.

HOSEA 4:13

Shanhte gaw bum pungding ntsa na chyoi pra ai shara ni hta shagu hkungga ni nawng ya nhtawm, kawng ntsa ni hte shingnip grai tsawm ai hpun kaba npu hkan manam pyaw ai baw nat nga ma hka! “Dai lam a majaw nanhte a shayi sha ni shawa num tai nna, nanhte a kanam ni la shaw ai amu galaw ma ai.

TARA AGYI 2:17

Rai ti mung Israela masha ni gaw shanhte a ningbaw ni a ga hpe n madat hkraw nga ma ai. Israela gaw dai Madu hta sadi sahka myit n rawng nga manu ai majaw kaga hpara ni hpe nawku ma ai. Dai Madu a hkang da ai ga ni hpe shanhte a kawa ni madat mara hkan sa nga ma ti mung, ndai ban prat nnan amyu masha ni mahtang n hkan n sa mat ma ai.