YEREMIA 3:3 - Jinghpaw Common Language Bible 2009

³ Shing re ai lam ni a majaw, marang n htu mat ai hte ginhtawng nnan shang wa yang na marang mahpawng n htu mat nga ai. Nang gaw shawa num langai zawn sha rai nga ndai; nang hta kaya kahpa myit hpa mung n rawng nga ndai.

Jinghpaw Hanson Version Bible

³ Dai re ai majaw lanam n shang ai hte, hpang shadoi na marang mung, n htu hkraw ai; nang chyawm gaw shawa num a lahtan htan nna, man htat mat nit dai.

YEREMIA 3:3 ပူးပေါင်းရင်းမြစ်များ

NINGPAWT NINGHPANG 19:34

Hpang shani e mung, kana gaw kanau jan hpe, “Mana e ngai shi hte rau yup ni ai; ya dai na mung shi hpe jaw shanang da gaw; nang shi hte rau yup u. Shaloi an a kawa a majaw an hta kasha langai hpra lu la na ga ai,” ngu nna tsun wu ai.

NEHEMIA 9:17

Shanhte gaw ga n madat ma ai; shanhte gaw nang galaw ai amu yawng mayawng hpe malap kau ma ai; shanhte gaw nang galaw dan sai mauhpa amu ni hpe malap kau manu ai. Shanhte gaw gumrawng ai myit hte mayam tai nga ai Egutu mung de shanhte hpe woi nhtang sa wa na matu ningbaw langai san da ma ai. Rai ti mung nang gaw mara dat ya ai Karai Kasang rai nga ndai; nang gaw chyeju myit rawng nna tsaw ra ai hte hkam sharang lu ai wa rai nga ndai. Na a matsan dum ai myit gaw galu kaba nga nna; nang gaw shanhte hpe kau da nga ai n rai.

GA SHAGAWP 21:29

Ding hpring ai masha ni gaw shanhte hkum hpe kam lu nga ma ai; tara n lang ai masha ni chyawm gaw shanhte hkum shanhte dang lu ai made kaja htum ai hku hpyi hpun shatsawm da nga ma ai.

ESAIA 5:6

Ngai gaw dai hpe tsing ni hte shalim kau shangun na we ai. Ngai gaw sabyi ru ni hpe tsan kau na n rai, aga hpe chye pawm ya na n rai; shing di na malai, ngai gaw dai shara hpe ju hpun ni hte ka-up da shangun na nngai. Ngai gaw de a ntsa e marang jahtu ya na matu, sumwi ni hpe hkum shadang da na nngai.”

YEREMIA 14:1

Dai Madu gaw jan gri ai hte seng nna ngai hpe,

YEREMIA 14:22

Masha amyu baw ni a hpara sumla ni kadai mung marang n lu jahtu ya nga ai; lamu gaw shi hkrai marang jahtu lu nga ai n rai; O Madu anhte a Karai Kasang e, anhte gaw nang hpe myit mada nga ga ai. hpa majaw nga yang, nang gaw ndai amu ni hpe galaw ai wa nan rai nga ndai.

YEREMIA 14:3

Sut su ai masha ni gaw shanhte a shangun ma ni hpe hka ja shangun ma ai; shanhte gaw hka lawng de sa ma ai, rai ti mung, hka n mu tam ma ai; shanhte gaw di bu kaman sha hte nhtang wa ma ai. Shanhte gaw myit daw ai hte ashuk ashak byin nna myi man magap da ma ai.

YEREMIA 14:4

Dai shara hta marang n htu, lamu ga hkun hkraw mat ai majaw hkauna galaw ai ni myit yu machyi nga ma ai; shanhte a myi man ni hpe makoi da nga ma ai.

YEREMIA 36:2

“Laika katsu langai la nhtawm ngai nang hpe tsun dan sai Israela, Yuda hte amyu baw ni yawng hpe lakap ai magup sumhpa lam ni hpe dai hta e ka tawn u. Dai sha n-ga, Yoshia hkawhkam tai nga ai shaloi, ngai nang hpe shawng shaga ai shani kaw nna dai ni du hkra ngai nang hpe tsun sai ga mahkra ka tawn u.

YEREMIA 5:24

Shaning shagu nmut ta aten hta, nshung shang marang hte ginhtawng shang marang ni hpe ngai jahtu ya ti mung, ngai hpe shagrau sha-a na matu nang galoi mung n myit dum nga ndai.

YEREMIA 5:25

Shing rai na malai, na a shut hpyit ai yubak mara ni gaw nang hpe dai mai kaja ai a amu ni kaw na hkum shingdang kau ya nit dai.

YEREMIA 5:3

Dai Madu gaw kaja wa kangka ai hpe tam nga ai. Shi nang hpe kayat ti mung, nang hpa zawn n nawn nga ndai; shi nang hpe agrawp mani kau ti mung, sharin la na matu nang ningdang kau nga ndai. Nang gaw du ja nna na a yubak ni kaw na n kayin wa nga ndai.

YEREMIA 6:15

Shanhte galaw sai ndai matsat shabat amu ni a majaw shanhte kaya mat sani? N rai law, shanhte gaw dik hkra n chye kaya nga ma ai. Kaning rai kaya hkrum ai baw re pyi shanhte n chye ma ai. Dai rai nna, shanhte gaw kaga masha ni kataw ai zawn kataw mat na mara ai; ngai shanhte hpe ari jaw ai shaloi, dai gaw shanhte a matu jahtum rai na ra ai. Dai Madu ngai nan tsun ni ai,” nga nna tsun ai.

YEREMIA 8:12

Nye a amyu masha ni e, nang galaw ai matsat shabat amu ni a majaw, nang kaya nga n ni? N rai law, nang gaw dik hkra n chye kaya nga ndai; kaning rai kaya hkrum myi man sum rai na pyi, nang n chye nga ndai! Nang gaw kaga masha ni kataw ai zawn kataw mat na rai ndai; ngai nang hpe ari jaw ai shaloi dai gaw na a matu jahtum rai na ra ai. Dai Madu ngai nan tsun ni ai.

YEREMIA 9:12

Ngai gaw, “Madu e, lamu ga gaw hten mat ai hte zaibru jang zawn hkun hkraw mat ai hte hpa majaw kadai mung n lai hkawm nga a ta? Ndai lam hpe hkum tsup ai hku chye na hkawn hkrang na matu, hpaji rawng ai wa kadai rai nga a ta? Kadai wa hpe dai lam nang shaleng dan lu nna dai wa gaw kaga masha ni hpe tsun dan lu nga a ni?,” ngu nna san nngai.

EZEKELA 3:7

Rai ti mung, Israela amyu masha ni kadai mung na a ga hpe madat ya na ma ai n rai; shanhte gaw nye a ga hpe pyi madat ma ai n rai. Shanhte yawng gaw adu ja ai hte ninghkap chye nga ma ai.

JAW JAU 26:19

Ngai gaw nanhte a gumrawng kawng shadaw kau ya na made ai; lamu marang htu na ra ai n rai; nanhte a lamu ga gaw hkun hkraw mat nna ahpri zawn ja mat na ra ai.

AMO LAIKA (AMOS) 4:7

Ngai gaw nanhte a hkai nmai ni marang grai ra ai shaloi, marang n htu shangun nngai. Ngai gaw mare langai a ntsa e marang jahtu ya ti mung kaga mare hta n jahtu ya nngai. Hkauna pa langai a ntsa e marang htu ti mung, kaga langai mi hta hkun hkraw nga ai.

AMO LAIKA (AMOS) 4:8

Hpang gara nna n-gun kya nga ai mare law law na masha ni gaw hka mu tam la na myit mada mai ai mare de sa ma ai, rai ti mung dai yang e, lu na hka alaw alam nga nga ai n rai. Shing rai tim, nanhte ngai kaw nhtang wa myit dai n rai.

ZEHPANI 2:1

Kaya n chye ai amyu baw e,

ZEHPANI 3:5

Rai ti mung, dai Madu gaw dai mare hta ya du hkra nga nga nna, shi gaw teng man ai amu galaw let n shawp n kap ai amu hpe galoi mung n galaw nga ai. Jahpawt shagu n hprai ai sha, shi gaw shi a amyu masha ni hpang de tara malang ai hku shapraw dan nga ai. Rai tim, n teng n man ai masha ni gaw shut hpyit ai amu ni hpe matut galaw nga ma ai hte kaya n chye nga ma ai.

HAGI 1:11

Ngai gaw mungdan a kawng ntsa hkan e mung, hkai nmai hkai ai sun hkauna ni hta mung, sabyi sun ni hte tsanlun si sun ni hkan mung, ga ntsa tu ai nsi naisi hkum sumhpa hta mung, masha hte dusat ni hta mung, nanhte shakut sharang nna tu shangun ai nsi naisi ntsa e mung, jan gri na hkang dat ni ai.”

TARA JAHPRANG 28:23

Lamu marang mung htu na ra ai n rai; nanhte a lamu ga mung hpri zawn ja hkak mat na ra ai.

HEBRE 12:25

Nanhte gaw, dai mungga tsun ai wa hpe n madat ya ai sha ningdang kau ai lam n byin u ga, sadi nga mu. Ndai ga ntsa e shadum shahprang ai wa a ga hpe na la na ningdang kau ai ni yubak ari hta na n lawt lu ma ai, Dai rai nna, anhte gaw, Sumsing lamu kaw nna tsun ai wa hpe shingdu kayin kau ga yang gaw yubak ari kaw na anhte lawt na lam grau n nga mali ai.