YEREMIA 3:2 - Jinghpaw Common Language Bible 2009

² Kawng pungding ni hpe sharawt mada yu u. Shawa num zawn nang n galaw yu ai shara mi nga nga a ni? Arab masha gaw zaibru jang e lagyim ala nga ai zawn, nang gaw nmaw lam makau dingyang hkan sumtsaw ni hpe ala nga ndai. Nang gaw lamu ga hpe shawa num amu hte awu asin di kau nga nit dai.

Jinghpaw Hanson Version Bible

² Krin ai kawng ni hpe mada yu u; nang la hte n kanawn ai shara langai ngai, nga a ni? zaibru jang na Arabi masha zawn, lam makau e dung nga let, nang shanhte hpe hkap lau nna, na a shawa num a amu hte, n san n seng ai amu majaw, mung ting awu asin rai nga ai.

YEREMIA 3:2 ပူးပေါင်းရင်းမြစ်များ

NINGPAWT NINGHPANG 38:14

Shi gaw, shi hpun hpun re ai gaida hpun palawng hpe galai kau nhtawm man magap hte shi myi man hpe magap kau nna Htimna de sa wa ai lam hta nga ai Enaim mare chyinghka lam e sa dung nga wu ai. Hpa majaw nga yang, Yuda a shadang sha hpungdim Shela kaba ti mung shi hpe n hta shangun wu ai gaw, shi hkrak sha chye da wu ai.

1 HKAWHKAM 11:3

Shawlumon gaw hkawhkam shayi sha sanit tsa hte hpe hkungran la ai hta lashi num ni masum tsa mung naw lu wu ai. Shanhte gaw shi hpe Karai Kasang kaw nna kayin mat wa shangun nhtawm,

2 HKAWHKAM 23:13

Yoshia gaw Yerusalem mare a sinpraw maga de mung, Tsanlun Bum ni a dingda maga de mung Hkawhkam Shawlumon gap tawn ai tawn hkungri ni hte Sidon karai num Astarte, Moba karai Hkemosha, Amon karai Molek ni zawn re ai matsat shabat hpara sumla ni hpe nawku ai shara ni hpe awu asin di kau wu ai.

SHAKAWN KUNGDAWN 106:38

Shanhte gaw mara n kap ai kashu kasha ni hpe sat nawng ma ai; mungdan gaw masha sat amu galaw ai ni a majaw awu asin rai mat sai.

GA SHAGAWP 23:28

Shanhte gaw damya ni zawn nang hpe mayun ala nga nna la law law hpe sadi n dung shangun kau nga ma ai.

GA SHAGAWP 7:11

Shi gaw nden ja ai hte myi man htat ai num rai nna,

YEREMIA 12:12

Nam mali hkan na tsaw ai kawng ni yawng hpe kashun kashe du daw sai hkaw amu galaw na matu masha ni du nga masai. Ngai gaw mungdan ting hpe jahten shabyak kau na matu majan baw dat ni ai; kadai mung ngwi pyaw sim sa ai hte nga lu na ra ai n rai.

YEREMIA 2:20

Tsaw Htum ai dai Madu gaw, Israela e, nang gaw moi kaw nna nye a ahkang aya hpe ningdang kau ndai; nang gaw nye a ga madat na matu hte ngai hpe nawku na matu ningdang kau ndai. Tsaw ai kawng shagu a ntsa hte tsit lali ai hpun npu shagu hta mayat maya ai karai ni hpe nang nawku ndai.

YEREMIA 2:23

Nang nan matsat shabat n galaw ai hte Bala hpe galoi mung n nawku nngai nga nna nang kaning rai tsun lu na rai ta? Kadit hta nang kaning rai yubak galaw nit dai hpe mung yu yu u; nang galaw kau nit dai amu ni hpe mada yu u. Nang gaw zaibru jang hta kagat gasit hkawm nna wuli shalun ai aten kahtet katu hkawm nga ai gawla-uk yi shazai hte bung nga ndai.

YEREMIA 2:7

Ngai gaw shanhte hpe ga sau kaja ai mung de woi jashawn nna dai mung na nsi naisi ni hte kaga kaja ai sut rai ni hta kabu gara shangun ni ai. Rai ti mung shing rai na malai, shanhte gaw nye a mungdan hpe jahten sharun kau nna; ngai shanhte hpe jaw sai mungdan hpe shanhte awu asin di kau manu ai.

YEREMIA 3:1

Dai Madu gaw, “Lasha langai ngai gaw shi a madu jan hpe jahka kau nna, num dai gaw shi kaw na pru mat wa ai hte kaga masha wa a madu jan tai ai rai yang, shi gaw dai numsha hpe bai la lu na n rai. Dai zawn re ai amu gaw lamu ga hpe tsep kawp awu asin di nga ai. Rai ti mung, Israela e, nang chyawm gaw sumtsaw law law lu yu nga ndai, ya chyawm gaw nang ngai hpang de nhtang wa mayu nga nit hka!

YEREMIA 3:13

Nang gaw mara lu nga ndai, nang gaw dai Madu na a Karai Kasang hpe gumlau kau nit dai hpe chyu sha yin la u. Nang gaw tsit lali ai hpun npu shagu hta maigan karai ni hpe na a tsaw ra myit jaw ya nhtawm nye a hkang da ai ga ni hpe nang n madat kau sai lam ni hpe yin la u. Dai Madu ngai nan tsun ni ai.

YEREMIA 3:21

Kawng pungding ni a ntsa e garu ai nsen langai na ai: dai gaw Israela amyu masha ni jahtau hkrap ai hte hpyi nem ai nsen rai nga ai; hpa majaw nga yang, shanhte gaw yubak lam ni hta asak hkrung nna dai Madu shanhte a Karai Kasang hpe malap kau manu ai.

YEREMIA 3:9

loi mi mung kaya n chye mat nu ai. Shi gaw lamu ga hpe awu asin di nga ai; nlung hte hpun ni hpe nawku ai lai hku nna numshaw lashaw amu shut hpyit nga wu ai.

YEREMIA 7:29

“Yerusalem amyu masha ni e, sharung shayawt nga mu; na a kara zen di nna kabai kau u. Kawng pungding ntsa hkan e makoi mayang mahkawn hkawn mu, hpa majaw nga yang, dai Madu ngai gaw pawt sindawng nngai hte nye a amyu masha ni hpe ningdang kau ni ai.

EZEKELA 16:16

Nang gaw shawa num amu galaw sha ai jan zawn na a nawku ai shara ni hpe mawn sumli na matu, na a sumpan nkau mi hpe lang nga ndai, nang gaw na hkum hpe masha shagu hpe nawng ya nga ndai.

EZEKELA 20:28

Shanhte hpe jaw na ngu nna ngai ga sadi dagam da ai mungdan de shanhte hpe ngai woi wa ni ai. Shanhte gaw tsaw ai kawng ni hte tsit lali ai hpun ni hpe mu mada ma ai shaloi, dai shara ni yawng hta shagu hkungga nawng ya ma ai. Shanhte gaw dai hkan e manam pyaw ai baw wan nat hkungga hte sabyi hkungga ru jaw ai lai hte ngai hpe pawt bu shangun ma ai.

LUKA 16:23

Shing rai katsan ga e nni nkri hkrum let sharawt mada dat yu yang, tsan tsan e Abraham hpe mung, shi a makau e dung nga ai Lazaru hpe mung, mu wu ai.

TARA JAHPRANG 12:2

Nanhte madu la na mungdan hta masha amyu ni shanhte a karai ni hpe nawku ai dai tsaw ai bum hte kawng ntsa hkan na tsit lali ai hpun npu hkan na shara ni yawng hpe jahten kau lu na rai myit dai.