YEREMIA 3:16 - Jinghpaw Common Language Bible 2009

¹⁶ Dai hpang, nanhte gaw dai mungdan hta law htam wa myit dai shaloi, amyu masha ni gaw nye a Ga Shaka Sumpu hte seng ai lam galoi mung tsun na mara ai n rai. Shanhte gaw de a lam hte seng nna mung, dai hpe adum nga na matu mung, galoi mung myit yu na mara ai n rai; shanhte gaw dai hpe pyi ra na n rai, shanhte gaw kaga langai mi hpe mung galaw na mara ai n rai.

Jinghpaw Hanson Version Bible

¹⁶ Dai aten e nanhte mayat maya wa nna, mungdan hta law htam wa yang, nanhte gaw, Yehowa a ga shaka sumpu, nga nna tsun na n rai; kadai mung dai hpe dum na n rai; kadai mung dai hpe matsing na n rai; dai hpe lahpawt dum na n rai; dai hpe mung bai galaw na n rai, nga nna Yehowa tsun ai.

YEREMIA 3:16 ပူးပေါင်းရင်းမြစ်များ

EZEKELA 37:26

Shanhte a matu htani htana prat dingsa na shim lam ga shaka hpe ngai tawn da na nngai. Ngai shanhte hpe de da nna shalaw jahtam na nngai, shanhte a mungdan hta nye a Nawku Htingnu htani htana agrin nga ai hpe mung mu lu na mara ai.

ESAIA 65:17

Dai Madu gaw, “Ngai gaw ginding aga ningnan hte sumsing lamu ningnan ni hpe hpan da nga nngai. Lai sai aten na mabyin lam ni gaw atsai awai malap kau ai hkrum na ra ai.

MAHTE 3:9

Abraham gaw anhte a kaji kawa rai nga mali ai nga nna tsun nga ai hte sha nanhte a yubak mara a ari kaw na lawt lu na zawn hkum nawn myit, nanhte hpe ngai tsun made ga, Karai Kasang gaw ndai nlung ni hpe la nna Abraham a matu kashu kasha ni hpe hpan shalat lu nga ai!

YEREMIA 31:8

Ngai gaw shanhte hpe dingdung maga de nna woi wa nhtawm, lamu ga htum ai shara kaw nna shanhte hpe shinggyin da na nngai. Myi n mu ai ni hte lagaw hten ai ni, hkum gawng li ai num ni hte shinggyim machyi hkrum ai num ni gaw shanhte hte rau sa wa na mara ai. Shanhte gaw amyu kaba bai tai wa na mara ai.

YEREMIA 30:19

Dai yang e nga ai amyu masha ni gaw mahkawn shakawn na mara ai; shanhte gaw kabu gara jahtau garu na mara ai. Nye a shaman chyeju ga a majaw, shanhte law htam mayat maya wa na mara ai; nye a shaman chyeju gaw shanhte hpe shagrau sha-a lam jaw ya na ra ai.

ESAIA 61:4

Shanhte gaw moi chyaloi nhkoi kaw nna hten run nga sai mare ni hpe bai gaw gap da na mara ai.

ESAIA 60:22

Kaji htum ai hte grit htum ai na a dinghku pyi Galu kaba nna daru magam n-gun rawng ai amyu baw tai wa na mara ai. Dai aten du ai shaloi, Ngai gaw ndai lam hpe lawan shabyin dat na nngai. Ngai gaw dai Madu rai nga nngai!”

MAHTE 1:11

Yoshia gaw Babelon mare de Israela masha ni hpe bawng dung na matu rim woi mat wa ai ten hta Yehoiahkin hte shi a kahpu kanau ni hpe shaprat wu ai.

ZEHPANI 3:11

Nanhte ngai hpe gumlau nga myit ti mung, dai shani e nanhte nye a amyu masha ni kaya kahpa loi mi sha pyi hkrum ra na myit dai n rai; gumrawng gumtawng ai hte myit tsaw myit dap nga ai masha hkum shagu hpe ngai la kau na nngai; nanhte mung ngai hpe nye a chyoi pra ai bum ntsa e galoi mung bai gumlau rawt lu na n rai myit dai.

AMO LAIKA (AMOS) 9:9

“Ngai gaw n-gu hpe hking kau ai zawn, Israela amyu masha ni hpe hking kau na matu hkang da na nngai. Ngai gaw akyu n rawng ai ni yawng hpe yeng seng kau na matu shanhte hpe masha amyu baw ni a lapran e hking kau na nngai.

YEREMIA 31:27

“Dai Madu ngai gaw Israela mung hte Yuda mung hta amyu masha ni hte yam nga dusat ni hte jahpring da na aten du nga sai, ngu nna tsun nngai.

YEREMIA 7:4

‘Anhte gaw shim lum ga ai! Ndai gaw dai Madu a Nawku Htingnu rai nga ai! Ndai gaw dai Madu a Nawku Htingnu rai nga ai! Ndai gaw dai Madu a Nawku Htingnu rai nga ai!,’ nga nna masu magaw ga tsun ai ni hpe hkum kam nga et.

YEREMIA 3:17

Dai aten du ai shaloi, Yerusalem gaw ‘Dai Madu a Tingnyang,’ ngu nna shamying na mara ai; Masha amyu baw ni yawng mung ngai hpe nawku na matu sa zup wa na mara ai. Shanhte gaw du ja ai hte n hkru ai myit masin hte maw mawn ai lam hpe galoi mung hkan galaw na ma ai n rai.

EZEKELA 15:5

Dai gaw garai n hkru yang pyi hpa akyu n rawng nga ai. Ya chyawm gaw dai wan hkru mat nna dai gaw chyang mat sai, dai gaw grau nna pyi asung n shang nga ai,” ngu nna tsun wu ai.