YEREMIA 3:12 - Jinghpaw Common Language Bible 200912 Shi gaw Israela hpe ning ngu sa tsun na matu ngai hpe tsun wu ai: “Sadi n dung ai Israela e, ngai hpang de nhtang wa marit. Ngai gaw matsan chye dum nga nngai, masin pawt na nngai n rai; ngai gaw nang hpe htani htana apawt nga na nngai n rai. အခန်းကိုကြည့်ပါ။Jinghpaw Hanson Version Bible12 Sa su, dingdung maga de myi man yawng let, ndai ga jahtau tsun u: Htak mat ai Israela e, bai wa rit, nga nna Yehowa tsun ai; ngai nanhte hpe masin pawt na n rai; ngai myit galu nga nngai; tutnawng pawt nga na n rai, nga nna Yehowa tsun ai. အခန်းကိုကြည့်ပါ။ |
YEREMIA 3:12
45 ပူးပေါင်းရင်းမြစ်များ
Hoshea hkaw dung ai jahku ning hta, Asuri hkawseng wa gaw Samari mare hpe gasat la nna Israela masha ni hpe bawng masha hku Asuri mungdan de woi mat wa nga ai. Shanhte hta na nkau mi gaw Hala mare e nga nna, nkau mi mahtang Gozan ginwang na Habora hka makau hku mung, Medi mare ni hkan mung nga nga ma ai.
Nanhte gaw dai Madu hpang de kayin wa myit dai rai yang, bawng masha ni zawn woi mat wa ai hkrum ai nanhte a kahpu kanau jinghku ni hpe matsan yu dum nna, dum nta de bai nhtang wa shangun na ra ai. Dai Madu nanhte a Karai Kasang gaw myit galu kaba nna matsan dum nga ai majaw nanhte shi hpang de kayin wa jang, shi nanhte hpe hkap la na ra ai.”
Shing ngu dagam na malai, Israela amyu masha ni hpe dingdung mung kaw nna mung, ngai shanhte hpe shabra kau dat ai kaga mungdan ni yawng kaw na mung woi shapraw wa ai ahkrung nga ai Karai Kasang hta shanhte ngai hpe dagam na mara ai. Dai hpang shanhte gaw shanhte a mungdan majing hta nga lu na mara ai,” ngu nna tsun ai.
Dai Madu gaw, “Lasha langai ngai gaw shi a madu jan hpe jahka kau nna, num dai gaw shi kaw na pru mat wa ai hte kaga masha wa a madu jan tai ai rai yang, shi gaw dai numsha hpe bai la lu na n rai. Dai zawn re ai amu gaw lamu ga hpe tsep kawp awu asin di nga ai. Rai ti mung, Israela e, nang chyawm gaw sumtsaw law law lu yu nga ndai, ya chyawm gaw nang ngai hpang de nhtang wa mayu nga nit hka!
Ngai gaw nanhte kaw du sa nna hkye la na nngai. Ngai gaw nanhte hpe shabra kau dat ai shara na masha amyu baw ni yawng hpe shamyit kau na nngai, rai ti mung, ngai gaw nanhte hpe shamyit kau na nngai n rai. Ngai gaw nanhte hpe ari n jahkrum ai sha dat dat na n rai; rai ti mung ngai nanhte hpe ari jaw ai shaloi, matsan dum la na nngai. Dai Madu ngai nan tsun ni ai.”
Ngai gaw shanhte hpe dingdung maga de nna woi wa nhtawm, lamu ga htum ai shara kaw nna shanhte hpe shinggyin da na nngai. Myi n mu ai ni hte lagaw hten ai ni, hkum gawng li ai num ni hte shinggyim machyi hkrum ai num ni gaw shanhte hte rau sa wa na mara ai. Shanhte gaw amyu kaba bai tai wa na mara ai.
Dai amu hpe ngai tup hkrak galaw ni ai zawn, ndai nye a ga shaka hpe Yaku a aru arat ni hte mung, nye a shangun ma Dawi hte mung, ngai shangang shakang da na nngai. Abraham, Isak hte Yaku ni a aru arat ni a ntsa e up hkang na matu Dawi a aru arat langai mi hpe ngai lata san da na nngai. Ngai gaw nye a amyu masha ni hpe matsan dum nna shanhte hpe kalang mi bai ngamu ngamai shangun na nngai,” ngu nna tsun ai.
Tsaw Htum ai dai Madu ngai gaw ahkrung nga ai Karai Kasang rai nga nngai, dai majaw yubak kap ai wa si mat wa na hpe yu kabu nga nngai n rai. Yubak galaw ai hpe kau da nna hkrung nga na hpe ngai yu sharawng nga nngai ngu shanhte hpe htawn tsun u. Israela e, nang galaw nga ai dai n hkru n shawp ai amu hpe kau da u. Nang hpa majaw si mayu nga n ta?
Nanhte a nji nwa ni zawn hkum rai myit. Myihtoi ni gaw moi prat e shanhte hpe n hkru n hkra ai hku asak n hkrung na matu mung, yubak kap ai asak hkrun lam ni hpe kau da na lam mung, ndai nye a mungga hte shanhte hpe tsun ma ai. Rai ti mung shanhte mahtang nye a ga hpe n na ya ai hte n madat n mara ma ai.
ကြော်ငြာတွေ