YEREMIA 28:4 - Jinghpaw Common Language Bible 2009

⁴ Ngai gaw Babelon mung de rim hkrum mat wa ai Yuda mung masha ni yawng hte hpawn Yuda Hkawhkam Yehoiakim a kasha Yehoiahkin hpe mung ndai shara de woi wa na nngai. Rai sa, ngai gaw Babelon hkawhkam wa a daru magam n-gun hpe shadaw kau ya na nngai. Dai Madu ngai nan tsun ni ai.”

Jinghpaw Hanson Version Bible

⁴ dai hta n-ga, Babelon mare de rim mat wa hkrum ai, Yuda bawng dung ni mahkra hte hpawn, Yuda hkawhkam Yehoiakim a kasha Yehkonia hpe ndai shara de ngai woi wa na nngai; ngai gaw Babelon hkawhkam a kandang hpe agrawp kau na nngai, nga nna, Yehowa nta kata e, hkinjawng ni hte mung masha ni mahkra a man e ngai hpe tsun ai.

YEREMIA 28:4 ပူးပေါင်းရင်းမြစ်များ

NINGPAWT NINGHPANG 27:40

Na a nhtu hte nang hkrung nga lu na ndai. Rai ti mung na a kanau a mayam tai nga u; Nang gumlau rawt yang, shi a reng hkang ai hpe nang daw kau ya lu na rin dai,” ngu nna tsun wu ai.

2 HKAWHKAM 24:14

Nebuhkadneza gaw Yerusalem mare na amyu masha ni yawng hpe mung, hkawhkam htingnu du salang ni yawng hpe mung, woi awn ai masha ni yawng ngu na yawng hpawn mun mi hpe bawng masha hku rim woi mat wa wu ai. Shi gaw kung kyang ai bungli galaw masha ni yawng ngu na ndup dup ai ni lawm hkra woi mat wa wu ai; Yuda mung e chyawm gaw matsan dik htum ai amyu masha ni hpe sha tawn kau da wu ai.

ESAIA 9:4

Shanhte hpe lit shali shangun ai kandang hte shanhte a lahpa hpe adup ai hkawn ni hpe nang agrawp shadaw kau ya nit dai. Lai sai aten, Midian hpyen luksuk ni hpe nang anut dang kau ai zawn na a amyu masha ni hpe dip gamyet sha ai hte n-gun maku daw sha nga ai amyu baw hpe nang dang kau nga nit dai.

YEREMIA 13:19

Yuda mung a dingda daw de na kahtawng ni gaw wang da hkrum nga ma ai majaw, kadai mung shanhte hpang de lai bang lu ai n rai. Yuda mung masha ni yawng hte gaw bawng dung hkrum mat nga masai,” ngu nna tsun ai.

YEREMIA 2:20

Tsaw Htum ai dai Madu gaw, Israela e, nang gaw moi kaw nna nye a ahkang aya hpe ningdang kau ndai; nang gaw nye a ga madat na matu hte ngai hpe nawku na matu ningdang kau ndai. Tsaw ai kawng shagu a ntsa hte tsit lali ai hpun npu shagu hta mayat maya ai karai ni hpe nang nawku ndai.

YEREMIA 22:10

Yuda amyu masha ni e, Hkawhkam Yoshia a matu hkum hkrap myit; shi si mat sai majaw sharung shayawt hkum rai myit. Rai ti mung shi a kasha Yoahaza a matu chyawm gaw ahkup ahka nga hkra hkrap nga mu; shanhte gaw shi hpe woi la kau sai rai nna galoi mung nhtang wa na n rai; shi a shangai shara dai daw buga hpe galoi mung mu lu na nu ai n rai.

YEREMIA 22:24

Dai Madu gaw Yuda Hkawhkam Yehoiakim a kasha Hkawhkam Yehoiahkin hpe, “Ngai gaw teng teng ahkrung nga ai Karai Kasang rai nga nngai, nye a hkra lata na dazik lachyawp nang rai nga ti mung, ngai nang hpe malaw kabai kau na ni ai,

YEREMIA 24:1

Dai Madu gaw Nawku Htingnu ndaw e tawn da ai lakum si rawng ai ka lahkawng ngai hpe madun dan ai. (Dai gaw Yehoiakim a kasha Yuda Hkawhkam Yehoiahkin hte Yuda mung na up hkang du salang ni, lasama ni hte kung kyang ai bungli galaw masha ni hte rau Yerusalem mare kaw nna Babelon mung de Babelon Hkawhkam Nebuhkadneza woi mat wa ai hpang byin ai lam rai nga ai.)

YEREMIA 24:5

“Dai Madu Israela a Karai Kasang ngai nan Babelon mungdan de woi la hkrum sai amyu masha ni gaw ndai kaja ai lakum si ni zawn tai na ngai nawn nga nngai; ngai gaw shanhte hpe matsan dum ai hte lakawn la na nngai.

YEREMIA 27:8

“Rai ti mung, kaning re ai amyu, kaning re ai mungdan mi rai tim, shi a up hkang ai hpe hkan sa madat mara ai lam n nga ai rai yang, shanhte hpe atsai awai shamyit kau na matu Nebuhkadneza hpe shangun dat ai aten du hkra dai masha amyu baw ni hpe hpyen majan, kawsi hpang gara ai hte ana zinli hte ngai shanhte hpe ari jaw na mawe ai.

YEREMIA 28:10

Dai hpang, Hanania gaw nye a du na kandang hpe la kau ya nhtawm dai hpe adaw achyen rai hkra gang daw kau nu ai hte,

YEREMIA 28:2

Chyahtum Chyalai N-gun Rawng ai dai Madu Israela a Karai Kasang ning nga tsun sai lam tsun wu ai: “Ngai gaw Babelon hkawhkam wa a daru magam n-gun hpe shadaw kau ni ai.

YEREMIA 29:1

Ngai gaw Hkawhkam Nebuhkadneza Yerusalem kaw nna Babelon mung de woi wa ai bawng dung masha ni rai nga ai hkinjawng ni, myihtoi ni, amyu masha ni hpe up hkang ai salang ni hte kaga masha ni yawng hpang de laika ka dat nngai.

YEREMIA 29:2

Hkawhkam Yehoiahkin hte shi a kanu, hkawhkam htingnu na mung bawng salang ni, Yuda mung hte Yerusalem na ningbaw ni, lasama ni hte kung kyang ai ndup masha ni rim hkrum mat wa ai hpang ngai ka dat nngai.

YEREMIA 30:8

Chyahtum Chyalai N-gun Rawng ai dai Madu gaw, “Dai shani du jang, shanhte a du hta mara da ai kandang hpe ngai agrawp daw kau nna shanhte a sumri ni hpe raw kau ya na nngai. Shanhte gaw maigan masha ni a mayam galoi mung tai na masai n rai.

JAW JAU 26:13

Ngai gaw dai Madu nanhte a Karai Kasang rai nga nngai; nanhte hpe Egutu mung kaw na woi shapraw wa ni ai; dai re ai majaw nanhte galoi mung mayam bai tai lu na myit dai n rai. Nanhte hpe mashi htingkung hkra galaw shangun ai daru magam n-gun hpe ngai shadaw kau ni ai; nanhte hpe baw sharawt let hkawm shangun ma sade ai,” ngu nna tsun wu ai.

NAHUM 1:13

Ya chyawm gaw, nanhte hpe up hkang ai Asuri a daru magam n-gun hpe jahtum kau ya nna nanhte hpe gyit hkang da ai sumri ni hpe di kau ya na we ai.”