YEREMIA 27:9 - Jinghpaw Common Language Bible 20099 Babelon hkawhkam wa a ga n madat n mara lu na nga nna nanhte hpe tsun ai nanhte a myihtoi ni a ga hte du na ra ai aten a lam hpe tsun lu ai wa langai ngai a ga, yup mang mu ai wa a ga, si mat sai ni a wenyi minla hpe jasu sharawt shaga ai hte gumhpan hpan ai ga ni hpe hkum madat nga myit. အခန်းကိုကြည့်ပါ။Jinghpaw Hanson Version Bible9 Dai rai nna, Nanhte gaw Babelon hkawhkam hpe daw jau na myit dai n rai, nga nna nanhte hpe tsun ai, myihtoi ni, shaba wawt ai ni, yup mang mu ai ni, mandan bau ai ni hte gumhpan hpan ai ni a ga hpe hkum madat myit: အခန်းကိုကြည့်ပါ။ |
YEREMIA 27:9
26 ပူးပေါင်းရင်းမြစ်များ
Rai ti mung amyu masha ni gaw kadum kahte nga nna tsun ai mandan bau ai sara ni hte nat myihtoi ni kaw mandan ga hpyi san na matu nanhte hpe tsun na mara ai. Shanhte gaw, “Hpang jahtum e, amyu masha ni gaw wenyi minla ni kaw nat ga san mai ang ai hte hkrung nga ai ni a matu si mat sai ni hte tsun shaga san jahkrup nga ma ai,” ngu nna tsun na mara ai.
Rai ti mung, dai Madu gaw, “Dai myihtoi ni nye a mying hta masu magaw ga ni hpe tsun nga ma ai; ngai shanhte hpe shangun ai n rai, ngai gaw shanhte hpe hkang dat na hte tsun shaga na ga hkum ni a matu ahkang aya ap ya ai n rai. Shanhte tsun shaga ai shingran ga ni gaw ngai kaw na n rai; shanhte tau nna tsun ai shaba wawt ai lam ni gaw shanhte myit sawn la ai kaman lila amu ni rai ma ai.
Chyahtum Chyalai N-gun Rawng ai dai Madu gaw Yerusalem amyu masha ni hpe, “Myihtoi ni hkaw tsun ai ga ni hpe hkum madat ya myit; shanhte gaw nang hpe shut ai myit mada shara ni hte jahpring ya nga ma ai. Shanhte gaw shanhte myit shingran mu ai lam hpe sha nang hpe tsun dan ma ai, ngai tsun sai mungga ni hpe tsun ma ai n rai.
Dai Madu ngai nan tsun ai ga hpe madat mu! Masu magaw ga amyu amyu hte hpring nna, shanhte a yup mang shingran ni hpe tsun hkai ai myihtoi ni hpe ngai hkap daw na nngai. Shanhte a masu magaw ga ni, kaman lila grang ai ga ni, ndai yup mang shingran ni tsun hkai ai hte nye a amyu masha ni hpe lam woi shadam nga ma ai. Ngai gaw shanhte hpe shangun dat ai n rai, shanhte gaw ndai amyu masha ni a matu dik nna hpa karum shingtau ya lu ma ai n rai. Dai Madu ngai nan tsun ni ai,” ngu nna tsun ai.
Nanhte kaw hkan nga nang ai myihtoi ni hte shanhte chyu sha du na ra ai aten a lam hpe lu tsun dan ai nga nna tsun ai kaga masha ni hku nna mi rai tim, nanhte hkum nan masu hkalem ai n hkrum myit ga, dai Madu Israela a Karai Kasang ngai nan nanhte hpe shadum jahprang sadi jaw nga nngai. Shanhte a yup mang ni hpe hkum kam myit.
Amyu masha ni chyawm gaw hpara sumla ni hte shaba wawt ai ni hte ga shaga ma ai; rai ti mung, shanhte lu la ai mahtai ni gaw masu magaw ga ni hte ga laban ni hkrai rai nga ai. Nkau mi mahtang yup mang htai ma ai; rai ti mung dai gaw nanhte hpe lam shadam kau nga ai; shanhte jaw ai shalan shabran ga mung kaman lila rai nga ai. Dai rai nna amyu masha ni gaw mat mat ai sagu ni zawn, lam dam nga ma ai. Shanhte gaw ningbaw n lu ma ai majaw ru yak tsin-yam tsindam hkrum nga ma ai.
Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.
Pyengdin a nhtoi mung, nang hta htawm hpang galoi mung na lu na n rai. La nnan ni hte num nnan ni a nsen ni mung, nang hta htawm hpang galoi mung mu lu na n rai. Hpa majaw nga yang, na a hpaga la ni gaw, ga ntsa ting hta daru magam atsam rawng dik ai ni rai wa masai; nang gaw ga ntsa na masha ni yawng hpe na a shut ai mandan lakle hte masu hkalem sha kau nit hka!”
Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.
ကြော်ငြာတွေ