YEREMIA 27:3 - Jinghpaw Common Language Bible 2009

³ Dai hpang, dai Madu gaw Edom, Moba, Amon, Turu hte Sidon hkawhkam ni hpang de Hkawhkam Zedekia hpe mu lu na matu Yerusalem de du sa nga sai shanhte a dat kasa ni a lata hku nna ndai mungga hpe shagun dat na matu ngai hpe tsun ni ai.

Jinghpaw Hanson Version Bible

³ bai, dai sumri hte kandang ni hpe, Yuda hkawhkam Zedekia hpang de, Yerusalem mare de sa du ai kasa ni a lata hta, Edom hkawhkam, Moba hkawhkam, Ammon kashu kasha ni a hkawhkam, Turu hkawhkam, Sidon hkawhkam hpang de shangun dat u:

YEREMIA 27:3 ပူးပေါင်းရင်းမြစ်များ

2 HKAWHKAM LABAU 36:13

Zedekia gaw Karai Kasang a mying ningsang hta shi hpe dagam nna sadi dung shangun ai Hkawhkam Nebuhkadneza hpe gumlau wu ai. Shi gaw myit malai lu nna dai Madu Israela a Karai Kasang hpang de kayin wa na matu ja ja ningdang wu ai.

ESAIA 23:4

Sidon mare e, Nanhte gaw myi man sum nga myit dai! Panglai hte galu kaba ai nammukdara gaw nang hpe ningdang kau ai hte, “Ngai gaw kashu kasha n shaprat yu nngai. Ngai gaw shayi shadang sha ni hpe galoi mung n bau maka dat yu nngai,” nga nna tsun ai.

YEREMIA 27:12

Ngai gaw dai hte maren Yuda Hkawhkam Zedekia hpe, “Babelon hkawhkam wa a ga hpe madat mara hkan sa nga mu. Shi hte shi a amyu masha ni hpe daw jau nga mu, shaloi nanhte ahkrung nga lu na marin dai.

YEREMIA 27:4

Chyahtum Chyalai N-gun Rawng ai dai Madu Israela a Karai Kasang gaw shanhte a hkawhkam ni hpe wa tsun dan na matu shanhte hpe hkang dat na, ngai hpe tsun ni ai, shing rai dai Madu gaw,

YEREMIA 28:1

Dai shaning hta nan, Yuda Hkawhkam Zedekia hkaw dung hpang ai mali ning e shata manga hta, Gibeon mare na Azura a kasha myihtoi Hanania gaw Nawku Htingnu kata hta ngai hpe ga tsun wu ai. Shi gaw ngai hpe hkinjawng ni hte amyu masha ni a man e

EZEKELA 29:18

Shi gaw, “Si chye ai masha wa e, Babelon Hkawhkam Nebuhkadneza gaw Turu mare hpe htim gasat nu ai. Shi gaw hpyenla ni hpe li ai lit ni hpai shangun nu ai majaw shanhte a baw ni mahkyit shakrin kau ma ai; shanhte a lahpa ni mung shan katsing hpye mat mu ti mung, hkawhkam wa hte shi a hpyen luksuk ni kadai mung shanhte hkrum sha ai tsin-yam tsindam shabrai a matu hpa mung n lu la ma ai.

AMO LAIKA (AMOS) 1:9

Dai Madu gaw, “Turu masha ni lang hte lang yubak galaw shut kau nga masai, dai lam a majaw, ngai shanhte hpe teng teng ari jaw na we ai. Shanhte gaw amyu baw ting hpe woi mat wa nna Edom mung hta bawng dung shangun ma ai, shanhte galaw da sai manang ga shaka hpe mung n shatup ma ai.