YEREMIA 26:9 - Jinghpaw Common Language Bible 2009

⁹ Ndai Nawku Htingnu gaw Shilo zawn tai mat nna, ndai mare gaw masha kadai n nga ai jahten shabyak kau hkrum na ra ai ngu nna dai Madu a mying hta hpa majaw nang tsun n ta?,” ngu nna san ma ai. Shaloi amyu masha ni gaw ngai hpe shinggrup da nga ma ai.

Jinghpaw Hanson Version Bible

⁹ Ndai nta gaw Shilo zawn, ndai mare gaw, masha n nga ai, katsi katsang shara tai na ra ai, nga nna Yehowa mying gang let, nang hpa majaw htoi n ta? nga nna, mung masha ni yawng, Yehowa nta kata e Yeremia hpang de zuphpawng nga ma ai.

YEREMIA 26:9 ပူးပေါင်းရင်းမြစ်များ

2 HKAWHKAM LABAU 25:16

Dai lam tsun ai shaloi Amazia gaw, “Nang hpe hkawhkam wa a hpaji jaw hku anhte galoi aten kaw nna san da nga ga ni? Atsin zim rai nga u, shing n rai yang, ngai nang hpe sat kau na ra ai!,” ngu nna ginjang shawn wu ai.

ESAIA 29:21

Kaga masha ni hpe shatan nhkan ga tsun ai ni, masha sat amu a ari hpe hkum shingdang ai ni hte ding man ai masha ni hpe teng man rap ra ai tara kaw na gang kau let masu magaw ga tsun ai ni hpe Karai Kasang jahten kau na ra ai.

YEREMIA 32:3

Hkawhkam Zedekia gaw ngai hpe dai shara hta sharen da ai hte dai Madu tsun shangun ai amu a majaw ngai hpe mara shagun da mi ai; dai Madu tsun ai gaw, “Ndai mare hpe Babelon hkawhkam a lata hta ap ya na nngai,

YEREMIA 33:10

Dai Madu gaw, “Ndai shara gaw zaibru jang zawn rai mat nna, dai shara ni hta shanu nga na mare masha ni hte yam nga ni hpa mung n nga ai sha, shingran katsi ai shara tai mat nga sai nga nna amyu masha ni tsun nga ma ai. Dai byin ai lam gaw teng nga ai; Yuda mare ni hte Yerusalem mare lam ni gaw shingran sharat katsi nga ai hte mare masha ni mung, yam nga ni mung dai shara ni hkan shanu nga ai n rai. Rai ti mung, ndai shara ni hkan,

YEREMIA 36:29

Dai Madu gaw hkawhkam wa hpe tsun na matu ngai hpe ning nga nna hkang da wu ai: “Nang gaw ndai laika katsu nat kau nit dai, Babelon hkawhkam wa gaw ndai mung de du shang wa nna, mungdan hpe mung shamyit kau nga sai; dai mung na amyu masha ni hte yam nga ni hpe sat kau na ru ai nga nna shi hpa majaw ka da wu ta?, ngu nna nang Yeremia hpe san nit dai.

YEREMIA 9:11

Dai Madu gaw, “Ngai gaw Yerusalem hpe marawng marang di sumpum tawn nna, gwi ma-a ni nga ai shara shatai na nngai; Yuda mare ni gaw katsi katsang shara tai mat nna kadai mung n shanu ai shara tai mat na ra ai,” ngu nna tsun ai.

SHARUNG SHAYAWT 4:13

Rai ti mung, dai gaw mara n kap ai amyu masha ni a si hkrung si htan lam shabyin ai myihtoi ni a shut hpyit ai yubak ni hte hkinjawng ni a shut hpyit ai mara ni a majaw byin wa sai.

AMO LAIKA (AMOS) 5:10

Nanhte gaw n tara ai lam hta dakat ai kadai hpe rai ti mung, tara rung e teng man ai ga tsun ai ni hpe mung n dawng nga myit dai.

MIHKA 2:6

Amyu masha ni gaw ngai hpe hkaw tsun ai hte, “Anhte hpe mungga hkum hkaw mi. Dai hte seng ai lam yawng hkum hkaw hkum tsun myit. Karai Kasang gaw anhte hpe sari jahpa ya nga ai n rai.

MAHTE 21:23

Yesu gaw Nawku Htingnu de bai du wa nna sharin shaga nga yang, hkinjawng agyi ni hte, mung masha ni a agyi salang ni, shi kaw sit sa nna, “Nang gaw hpa ahkang hte ndai hte hpe galaw nga n ta? Ndai ahkang nang hpe kadai jaw a ta?,” ngu mu ai.

MAHTE 27:20

Hkinjawng agyi ni hte salang ni chyawm gaw, shawa masha ni hpe alau nna, Baraba hpe dat nhtawm Yesu hpe sat kau na hpyi na matu shawa masha ni hpe shadut mu ai.

MARKU 15:11

Hkinjawng agyi ni chyawm gaw, shanhte a matu Baraba hpe mahtang dat ya u ga, nga nna shawa masha ni hpe myit sharawt ya da mu ai.

YAWHAN 8:20

Ndai ga ni gaw Nawku Htingnu kata na alu bang ai sadek ni tawn da ai gawk e Yesu sharin shaga nga yang, tsun ai ga ni rai nga ai. Rai ti mung, shi a ahkying garai n du lu ai majaw, shi hpe kadai mung n rim la lu mu ai.

YAWHAN 8:59

Shaloi shanhte gaw shi hpe kabai na nga, lungdin ni hta la ma ai; rai ti mung Yesu gaw makoi let Nawku Htingnu na pru mat wa ai.

KASA 13:50

Rai ti mung Yuda masha ni gaw mare na du agyi salang ni hte Karai Kasang hpe nawku kam sham ai lahta tsang maigan amyu num sha ni hpe myit sharawt jashut nhtawm Pawlu Yan Barnaba hpe zingri zingrat di shangun ai hte, shanhte a lamu ga kaw na gawt shapraw kau ma ai.

KASA 21:30

Mare ting kabring kabrawng rai wa nna, shawa ni gat gumbawm bang wa ma ai hte Pawlu hpe rim ahkyik garawt la nhtawm htingnu shinggan de dun shapraw mat wa ma ai. Dai shaloi jang Nawku Htingnu chyinghka ni hpe la kau ma ai.

KASA 22:22

Masha ni gaw ndai daram na hkra Pawlu tsun ai hpe madat nga ma ai, rai ti mung Pawlu ning nga tsun ai hpe na dat ai hte rau, “Dai zawn re ai wa hpe ga ntsa na tsan kau mu! Shi hpe sat kau mu! Shi hkrung nga na n ging nu ai!,” ngu nna nsen htum hkra marawn ma ai.

KASA 3:11

Dai wa gaw Petru yan Yawhan kaw hkan kanan nang nga yang, shawa masha ni mau mahka let, shannga nga ai Shawlumon ngu ai jarawp de gat ru bang wa ma ai.

KASA 5:12

Ya kasa ni gaw lamik kumla ni hte mauhpa amu law law hpe mung masha ni a man e madun dan mu ai. Kam sham ai ni yawng gaw Shawlumon mying ai jarawp hta hpawng de nga ma ai.

KASA 5:28

“Nanhte hpe dai amying hte n sharin shaga na matu anhte aja awa hkang da saga ai. Rai ti mung nanhte hpa galaw manit dai lam yu yu mu! Nanhte gaw nanhte a sharin shaga ai lam hpe Yerusalem mare ting shachyam shabra dat manit dai rai nna, dai wa si ai gaw anhte a majaw re ngu nna nanhte shadu mayu nga myit dai,” ngu nna tsun mu ai.

KASA 6:14

Nazaret na Yesu ngu ai wa gaw, Nawku Htingnu hpe hpya kau nna anhte hpe Mawshe jaw da ai Tara a htung hking ni hpe galai kau na rai nga ai nga nna ndai wa shi nan tsun ai ga anhte na saga ai,” ngu nna tsun mu ai.

YAWSHU 18:1

Shanhte gaw mungdan hpe gasat dang la ngut ai hpang, Israela shawa hpung ting Shilo mare e zup hpawng nna, dai Madu a hpung shingkang shanu nga ai Sum hpe sharawt ma ai.