YEREMIA 24:3 - Jinghpaw Common Language Bible 2009

³ Dai hpang dai Madu gaw ngai hpe, “Yeremia e, nang hpa mu n ta?,” nga nna san ai. Ngai gaw, “Lakum si ni hpe mu nngai; kaja ai lakum si ni gaw grai kaja nna, n kaja ai lakum si gaw sha n mai hkra, n kaja nga ai,” ngu nna htan nngai.

Jinghpaw Hanson Version Bible

³ Shaloi Yehowa gaw, Yeremia e, nang hpa mu n ta? nga nna ngai hpe san yang, Ngai gaw, Lakum si mu nngai; ja ai lakum si gaw grai ja nga ai: n ja ai lakum si gaw, n sha mai hkra, grai n ja nga ai, ngu nna htan we ai.

YEREMIA 24:3 ပူးပေါင်းရင်းမြစ်များ

YEREMIA 24:4

Dai rai nna, dai Madu gaw ngai hpe,

YEREMIA 29:17

Chyahtum Chyalai N-gun Rawng ai dai Madu gaw, ‘Ngai gaw shanhte a ntsa e hpyen majan, kawsi hpang gara ai hte ana zinli shapraw na nngai; n sha mai hkra yat mat ai lakum si ni zawn ngai shanhte hpe shatai kau na nngai.

AMO LAIKA (AMOS) 7:8

Shi gaw ngai hpe, “Amo e, nang hpa mu n ta?,” ngu nna san wu ai. Ngai gaw, “Shadawn sumri langai,” ngu nna htan we ai. Dai hpang, shi gaw, “Nye a amyu masha ni gaw n ding ai bunghku zawn rai nga ma ai hpe madun dan na matu dai hpe ngai lang nngai. Shanhte hpe ari jaw na lam hte seng nna nye a myit bai galai mat na ra ai n rai.

AMO LAIKA (AMOS) 8:2

Dai Madu gaw, “Amo e, nang hpa mu n ta?,” nga nna san wu ai. Ngai gaw, “Namsi ka langai,” ngu nna htan we ai. Dai Madu gaw ngai hpe, “Jahtum ai gaw nye a amyu masha Israela ni a matu du nga sai. Ngai gaw shanhte hpe ari jaw na hte seng nna nye a myit bai galai na n rai.

ZEHKARIA 4:2

“Nang hpa mu n ta?,” ngu nna san wu ai. Shaloi ngai gaw, “Ja hte galaw ai pyengdin shadun langai mu nngai. De a ntsa e sau bang na ndi langai hte dai pyengdin shadun hta pyengdin sanit nga nhtawm, langai hte langai hta wan shat sanit a matu shara ni nga nga ai.

ZEHKARIA 5:2

Dai lamu kasa gaw ngai hpa mu ai hpe san wu ai. Shaloi ngai gaw, “Laika katsu langai nbung hta pyen yawn nga ai; dai gaw galu de pe 30, nda maga pe 15 rai nga ai,” ngu nna htan we ai.

1 SAMUELA 9:9

Shawlu gaw, “Dai gaw kaja ai lam langai rai nga ai! Gai sa yu saga,” ngu nna htang tsun wu ai. Dai rai nna, chyoi pra ai wa nga ai mare de sa mat wa ma ai. Shan gaw dai mare nga ai bum de lung wa ma ai shaloi, hka ja na matu pru sa wa ai numsha nkau mi hte hkrum ma ai. Shing rai shan gaw dai numsha ni hpe, “Myi san wa mare kata e n nga a ni?,” ngu nna san ma ai. (Dai aten hta myihtoi wa hpe myi san wa ngu nna shamying ma ai rai nna, marai langai ngai Karai Kasang kaw ga san san mayu ai shaloi, “Myi san wa kaw sa yu ga,” ngu nna shi tsun na wu ai.)