YEREMIA 24:2 - Jinghpaw Common Language Bible 2009

² Shawng na ka hta shawng myin sai lakum si ni hte kaja ai lakum si ni rawng nga ai. Kaga langai mi hta chyawm gaw n sha mai ai lakum si ni hte n kaja ai lakum si ni rawng nga ai.

Jinghpaw Hanson Version Bible

² Ka langai mi hta, shawng myin ai, lakum si zawn, ja ai lakum si rawng nga ai; langai mi hta gaw, grai n ja ai, n sha mai ai lakum si rawng nga ai.

YEREMIA 24:2 ပူးပေါင်းရင်းမြစ်များ

ESAIA 5:4

Ndai sabyi sun a matu galaw na ngai hprai kau ai amu hpa wa naw nga nga a ta? Dai rai yang, hpa majaw ngai myit mada da ai kaja ai sabyi si ni n re ai sha, hkri ai sabyi si ni hpe shapraw ya nga a ni?

ESAIA 5:7

Israela gaw Chyahtum Chyalai N-gun rawng ai dai Madu a sabyi sun rai nga ai; Yuda masha ni gaw shi hkai da ai sabyi ru ni rai nga ai. Shi gaw kaja ai amu galaw na matu shanhte hpe myit mada nga ai, rai ti mung, shing rai na malai shanhte gaw masha sat amu shut hpyit ma ai. Shi gaw jaw ai amu galaw na matu shanhte hpe myit mada nga ai, rai ti mung tsin-yam hkrum sha ai masha ni gaw teng man rap ra ai tara a matu jahtau hkrap nga ma ai.

YEREMIA 29:17

Chyahtum Chyalai N-gun Rawng ai dai Madu gaw, ‘Ngai gaw shanhte a ntsa e hpyen majan, kawsi hpang gara ai hte ana zinli shapraw na nngai; n sha mai hkra yat mat ai lakum si ni zawn ngai shanhte hpe shatai kau na nngai.

HOSEA 9:10

Dai Madu gaw, “Israela hpe shawng nna ngai mu yang, dai gaw zaibru jang e tu ai sabyi si hpe mu tam ai zawn rai nga ai. Nanhte a kaji kawa ni hpe shawng nnan ngai mu ai shaloi dai gaw shawng si ai lagum hpun kaw shawng myin ai lagum si ni hpe mu ai zawn rai nga ai. Rai ti mung shanhte Peora Bum de sa wa mu yang, Bala hpe nawku hpang wa ma ai rai nna kade n na yang, shanhte tsaw ra ai hpara ni zawn matsat shabat tai wa masai.

MIHKA 7:1

Myit mada shara n nga nga a hka! Ngai gaw myin ai namsi di la kau ngut sai hpun ni hte sabyi ru hta sabyi si ni n si mat sai hpe mu nna kawsi kyet ai masha wa zawn rai nga nngai. Sabyi si sumbaw ni yawng hte mu mai ai lakum si ni yawng hta la kau sai.

NAHUM 3:12

Na a hpyen dap ni yawng gaw shawng myin nna asi si ai lagum hpun ni zawn rai wa nna, hpun ashun dat yang na a n-gup ang ang hkrat bang na ra ai.

BU HKAWM 18:13

Dai ni yawng gaw na a matu rai nga ai. Na a dinghku na san seng ai masha shagu gaw dai ni hpe sha mai nga ai.

MAHTE 5:13

Nanhte gaw dinghta shinggyim masha yawng a matu jum hte bung nga myit dai. Dai jum mahtang hkawng mat yang gaw dai hpe bai jashum la lu na lam n nga ai. Shinggan de kabai kau nna masha ni e kabye kau na hta kaga, hpa asung mi n shang lu ai.