YEREMIA 22:3 - Jinghpaw Common Language Bible 20093 “Dai Madu ngai nan teng man ai hte ding hpring ai amu galaw na matu nang hpe hkang da ni ai. Shi hpe maw sha mawp sha nga ai wa kaw nna maw sha mawp sha n hkrum mat hkra dai masha wa hpe makawp maga nga u. Malet nhprang manam ni, chyahkrai nmai ni hte gaida gaina ni hpe lam hkum shadam myit, adip arip mung hkum rai myit; ndai chyoi pra ai shara hta mara n kap ai masha ni hpe hkum sat myit. အခန်းကိုကြည့်ပါ။Jinghpaw Hanson Version Bible3 Yehowa ning nga ai: Tara hkan nna dinghpring ai hku galaw mu; kashun kashe hkrum ai wa hpe zingri ai wa a lata na mawai la u; malet nhprang manam wa hpe mung, chyahkrai nmai hpe mung, gaida gaina hpe mung, maw sha ai hte adip arip hkum rai myit; mara n kap ai asai ndai yang e hkum jahkaw kau myit. အခန်းကိုကြည့်ပါ။ |
Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.
Ngai gaw ndai amu hpe galaw na nngai, hpa majaw nga yang, amyu masha ni gaw ngai hpe kau da manu ai; shanhte mung, shanhte a kaji kawa ni mung, Yuda hkawhkam ni mung n chye ai kaga karai ni hpe ndai shara ni hta shagu hkungga ni nawng jau ai hte matsat shabat di kau manu ai. Shanhte gaw ndai shara hta mara n kap ai amyu masha ni a asai ni hte jahpring manu ai,
Rai ti mung, nye a ga madat na matu shanhte hpe ngai hkang da ni ai, ngai gaw shanhte a Karai Kasang tai nna, shanhte gaw nye a amyu masha ni tai na mara ai. Ngai shanhte hpe hkang da sai asak hkrun lam hta hkawm sa na lam ngai tsun ni ai, shaloi, shanhte gaw lam shagu hta ngamu ngamai wa na mara ai.
Marai langai ngai gumrawng mayu ai rai yang, shanhte ngai hpe chye nna, chye na hkawn hkrang ai ni chyu sha gumrawng na mai ang nga ai, hpa majaw nga yang, nye a tsaw ra myit gaw tut nawng agrin nga ai hte ngai galaw ai amu mung teng man ai hte ding man nga ai. Dai amu ni gaw ngai hpe awng sharawng shangun nga ai. Dai Madu ngai nan tsun ni ai,” ngu nna tsun ai.
Tsaw Htum ai dai Madu gaw, “Israela a up hkang du ni e, nanhte yubak mara galaw shut ai gaw nau wa na la manit dai! Nanhte galaw ai kashun kashe du daw sai hkaw amu hte dip gamyet sha ai amu ni hpe kau da manu. Ding hpring ai hte teng man ai amu hpe galaw nga mu. Nye a amyu masha ni hpe shanhte a mungdan kaw nna galoi mung bai hkum gau shapraw myit. Tsaw Htum ai dai Madu ngai nan nanhte hpe dai lam hkang da nga nngai.
Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.
N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”
Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.
“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw shingtawn pan, pan soi, hpakkyi tum, re ai ni hta na, htam shi hta na htam mi, Karai Kasang kaw sak nawng myit ti mung, dai jep ai Tara a kaja wa nan grau ahkyak ai sharin shaga ai lam ni rai nga ai tara rap ra ai, matsan dum ai hte kam sham ai lam hte hpe nanhte n madat n mara hprai kau myit dai. Nanhte gaw htam shi alu jaw ai hpe mung, dai jep ai Tara a sharin shaga ai lam hpe mung, n hprai ai sha hkan shadik na mai nga ai.