YEREMIA 2:6 - Jinghpaw Common Language Bible 2009

⁶ Ngai gaw shanhte hpe Egutu mung kaw nna hkye mawai la nhtawm kadai mung n nga ai hte kadai mung pyi n lai hkawm yu ai dai zaibru jang ga hte zaibru nhkun ni, hkun hkraw ai hte hkrit tsang hpa lamu ga ngu ai nam mali hku shanhte hpe woi wa tim pyi shanhte ngai hpe hpa zawn n nawn ma ai.

Jinghpaw Hanson Version Bible

⁶ Shanhte gaw, Egutu mung na anhte hpe woi wa nna, nam mali hku, zaibru jang hte nhkun sawng ai mung, hkun hkraw ai hte si du a shingnip ka-up ai mung, kadai n lai yu ai hte masha kata ai mung hku woi ga wa ai Yehowa gaw kanang rai nga a ta? nga nna n san ma ai.

YEREMIA 2:6 ပူးပေါင်းရင်းမြစ်များ

2 HKAWHKAM 2:14

Shi gaw Elia kaw na ntsa palawng hte hka hpe kayat nhtawm, “Dai Madu Elia a Karai Kasang kanang nga nga a ta?,” ngu nna san wu ai. Dai hpang hka dai hpe bai kayat dat wu yang, hka gaw gade nde garan mat wa nna shi mung wora hkran maga mi de rap mat wa wu ai.

YOBA 3:5

Dai nhtoi hpe sin mang shangun ai shani hte htat ai nsin shatai kau u; dai hpe sumwi hte ka-up nna jan hpe shingnip kau shangun u.

YOBA 35:10

Rai ti mung, shanhte gaw shanhte a Hpang Wa Ningsang, nsin sin htum ai aten hta shanhte hpe myit mada shara jaw ya ai Karai Kasang hpang de kayin wa ma ai n rai.

SHAKAWN KUNGDAWN 23:4

Sung htum ai nsin hta ngai lai hkawm mat wa ti mung; nang ngai hte rau nga nga ndai majaw, Madu e, ngai hkrit na nngai n rai. Hpa majaw nga yang, na a sagu rem daw hkrawng hte sumdoi gaw ngai hpe makawp maga ya nga ai.

SHAKAWN KUNGDAWN 77:5

Ngai gaw lai mat wa sai nhtoi ni hpe myit aru yu ai hte; lai mat wa sai shaning ni hpe myit dum nga nngai.

PRU MAT 20:2

“Ngai gaw nang mayam sa tai nga ai Egutu mung kaw na woi shapraw wa ai dai Madu na a Karai Kasang rai nga nngai.

ESAIA 63:9

shanhte hkam sha ai nni nkri yawng kaw na hkye hkrang la nga ai. Dai gaw lamu kasa galaw ai n rai, rai ti mung dai Madu shi nan shanhte hpe hkye la nu ai. Shi a tsaw ra myit hte matsan dum la ai myit a jaw e, shi shanhte hpe hkye mawai la nga sai. Shi gaw lai sai aten ni hta shanhte hpe galoi mung lanu lahku lai wa nu ai,

ESAIA 64:7

Akyu hpyi let nang kaw kayin wa ai masha kadai n nga nga ai; karum la na matu nang kaw kadai n sa nga ai. Nang gaw na hkum hpe anhte kaw na makoi kau nhtawm anhte galaw ai yubak mara ni a majaw anhte hpe kau da nga nit dai.

YEREMIA 13:16

Shi gaw nsin hpe garai n sin shangun ai hte bum ni a ntsa e nang garai n ahtu kataw nna, shi gaw htat ai nsin de garai n kayin kau ai hte nhtoi hpe nang naw myit mada nga yang, dai Madu na a Karai Kasang hpe shagrau sha-a nga u.

YEREMIA 2:2

Yerusalem hta nga ai masha shagu hte hpe ndai mungga tsun na matu tsun wu ai. “Nang ram prat naw rai nga yang, nang kade wa kangka nga ndai hpe mung, anhte shawng nnan hkungran ga ai shaloi, nang ngai hpe kade tsaw ra ai hpe mung, zaibru jang hku mung, hkun hkraw ai lamu ga hku mung nang ngai kaw hkan nang nga ndai hpe ngai dum nga nngai.

YEREMIA 2:8

Hkinjawng ni gaw, ‘Dai Madu gaw kanang rai nga a ta?,’ nga nna san ma ai n rai. Nye a hkinjawng majing ni ngai hpe n chye ma ai. Mung du ni ngai hpe gumlau ma ai; myihtoi ni gaw Bala a mying hta ga shaga ai hte akyu n jaw ai hpara sumla ni hpe nawku ma ai.

YEREMIA 5:12

Dai Madu a amyu masha ni gaw shi hpe nyet kau ai hte, “Shi gaw teng teng hpa amu mung galaw na ra ai n rai. Anhte gaw laja lana re ai aten du na ra ai n rai; anhte kaw majan mung, hkuwa mung du wa na ra ai n rai,” ngu nna tsun ma ai.

YEREMIA 5:2

Nang gaw dai Madu hpe nawku na matu tsun tim pyi, nang tsun ai ga hpe nang lachyum n shapraw nga ndai.

YEREMIA 51:43

Dai mung na mare ni gaw yu hkrit hpa shara tai mat nna, hka mung n nga ai ahkun ahkraw re ai zaibru jang zawn rai mat sai, kadai mung n shanu nga ai, kadai pyi n lai hkawm sai.

HOSEA 12:13

Dai Madu gaw Egutu mung hta mayam shatai hkrum nga ai Israela amyu masha ni hpe hkye mawai la na matu mung, shanhte hpe lanu lahku na matu mung, myihtoi langai shangun dat ya wu ai.

HOSEA 13:4

Dai Madu gaw, “Ngai gaw nanhte hpe Egutu mung kaw nna woi shapraw wa ai dai Madu nanhte a Karai Kasang rai nga nngai. Ngai hta lai, nanhte Karai Kasang n lu myit dai. Ngai chyu sha nanhte a hkye la Madu rai nga nngai.

AMO LAIKA (AMOS) 2:10

Ngai gaw nanhte Amori masha ni a lamu ga hpe madu la lu hkra nanhte hpe Egutu mung kaw na woi shapraw wa nhtawm nam mali kata e mali shi ning tup ngai woi lakawn wa ni ai.

MAHTE 4:16

nsin kata e nga pra nga ai masha ni gaw, nhtoi kaba hpe mu lu na mara ai, si ai mung hte de a shingnip kata e nga pra nga ai ni a ntsa de nhtoi dawng pru na ra ai,” nga nna htawn tsun ai.

TARA JAHPRANG 1:19

“Dai Madu anhte a Karai Kasang anhte hpe hkang da mani ai hte maren, anhte galaw saga ai. Dai rai nna Sina Bum kaw na Amori masha ni nga ai bum ga de hprang ai lam hta nga ai hkrit hpa nam mali kaba hku anhte ga lai wa saga ai. Anhte dai Kadesha Barnea de du ai shaloi,

TARA JAHPRANG 32:10

“Katsi katsang, akrin akraw, nbung sha ahpawt ai nam mali hku brak hkawm nga ma yang, shi shanhte hpe mu la wu ai. Shi hkum hpe makawp maga da wu ai zawn shi shanhte hpe makawp maga ai hte lanu lahku la nga ai.

TARA JAHPRANG 8:2

Nanhte hpe chyam yu na nga, yak hkak jam jau lam ni hpe dat dat nna shi a hkang da ai ga ni hpe hkan sa madat mara let hkan galaw mayu ai myit rawng n rawng chye lu hkra nga, lai mat wa sai mali shi ning tup dai Madu nanhte a Karai Kasang kaning rai woi hkawm ai nam mali lam galu hpe myit dum nga mu.

TARA AGYI 6:13

Gidon gaw shi hpe, “Madu e, dai Madu anhte hte rau rai yang, hpa majaw ndai lam ni yawng anhte hta byin hkrum a ta? Dai Madu gaw anhte hpe Egutu mung na woi wa sai n rai ni?, nga nna anhte a kawa ni anhte hpe tsun dan ai mauhpa amu yawng mayawng gaw hpa baw rai mat nga a ni? Dai Madu gaw anhte hpe kau da nhtawm Midian masha ni a lata hta kabai kau da mani ai,” ngu nna ngai san mai nga nngai ngu tsun wu ai.